Во Англија ќе биде изведен пред суд лице кое без билет влегло на фудбалски натпревар - Канал 5

Во Англија ќе биде изведен пред суд лице кое без билет влегло на фудбалски натпревар

Дваесет и седумгодишен маж стана првото лице во Англија обвинето за влегување на фудбалски натпревар без билет. 

Во Англија ќе биде изведен пред суд лице кое без билет влегло на фудбалски натпревар

Инцидентот се случил вчера за време на финалето на Лига купот на „Вембли“ помеѓу Арсенал и Манчестер сити, објави „Би-би-си“.

Новиот закон стапи на сила на 22 март, неколку часа пред завршувањето на натпреварот. Според Скотланд Јард, 27-годишниот Бенџамин Бејли од Олдам ќе се појави во Судот за прекршоци во Вилсден во петок, 1 мај, во врска со посоченото кривично дело.

Уште двајца мажи беа уапсени под сомнение за слично кривично дело на Вембли и остануваат во притвор. Еден маж беше уапсен вчера во врска со сличен инцидент, откако влегол на стадионот на Тотенхем откако домаќините загубија со 3:0 од Нотингем Форест. Човекот е ослободен со кауција во исчекување на истрагата.

Оние што се осудени за нелегален влез се соочуваат со забрана за присуство на фудбалски натпревари до пет години и парична казна до 1.000 фунти.

Законот беше воведен по сериозните немири што го нарушија финалето на Европското првенство помеѓу Англија и Италија на Вембли во јули 2021 година, кога илјадници навивачи насилно влегоа на стадионот. Новата регулатива има за цел да ги спречи навивачите без билети да им попречуваат нормално следење на натпреварите на сопствениците на валидни билети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Започна вториот ден од конститутивната седница на српското собрание

Започна вториот ден од конститутивната седница на Парламентот на Србија, пратениците се во пратеничките клупи, присутни се 128 пратеници.

Започна вториот ден од конститутивната седница на српското собрание

Пратениците на Собранието на Србија денес продолжуваат со својата работа и конститутивната седница на новото свикување. Седницата започна во 10 часот о. Вчера беше конституирано новото, 15-то свикување на Народното собрание на Србија.

Формирани беа и пратеничките групи на Студентската листа, предводена од Јово Бакиќ, и Единствена Србија, предводена од Александар Вучиќ.

Кандидати за претседател на Парламентот се Александар Чупиќ и Стојан Раденовиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Мицкоски и Кочоска најавуваат задолжување од 2 милијарди евра во 2027 - за народот нема пари само камати

Мицкоски и Кочоска планираат во 2027 година да ги задолжат граѓаните на Македонија со нови две милијарди евра. 

СДСМ: Мицкоски и Кочоска најавуваат задолжување од 2 милијарди евра во 2027 - за народот нема пари само камати

За да го оправдаат огромното задолжување, Кочоска и Мицкоски лажат, како и за се друго. Велат дека толку долг доспева за враќање.

А во предлог- Буџетот за 2027 којшто Кочовска го предлага, стои дека за отплата на долг се предвидени 64,6 милијарди денари, односно 1 милијарда евра.

Уште една лага за некакви „наследени долгови“ е разбиена.

Мицкоски го зголеми долгот за 4 милијарди евра, за 50 проценти повеќе од вкупниот долг на државата од независноста до денеска.

Со Предлог-буџетот за 2027 година, планира да ги задолжи граѓаните за уште 2 милијарди евра.

Додека граѓаните живеат лошо, трошоците за живот растат, платите стагнираат. Во 2027 се најавува поскапување на парното и струјата, што ќе значи уште еден удар врз стандардот на народот.

Нови долгови за граѓаните, огромни камати коишто треба да ги плаќаат а нема пари за минималната плата од 600 евра, нема пари за поголем студентски оброк, нема пари за земјоделците.

Пари за граѓаните нема. Знаеме каде има, само кај Мицкоски и неговата банда.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ВМРО-ДПМНЕ: СДС бараше надзорна расправа за Алта банка а сега не сака да ја продолжи, од што се плаши Филипче?

СДС ја побара надзорната расправа за Алта банка, па откога излезе вистината на виделина, не го закажуваат продолжетокот.

ВМРО-ДПМНЕ: СДС бараше надзорна расправа за Алта банка а сега не сака да ја продолжи, од што се плаши Филипче?

СДС и Филипче беа гласни за Алта банка, се до моментот кога се дозна во јавноста дека тие биле првите кои му продале акции на Мацура и на самата Алта банка.

СДС и Венко Филипче се заплеткаа во сопствените лаги и потези за Алта Банка.

Филипче и СДС молчат и не кажуваат зошто во 2023 година не излегоа на прес-конференција да ги известат граѓаните дека ќе ги продадат државните акции, на како што тие тврдат, криминалецот Мацура и неговиот сомнително стекнат капитал во Алта банка.

Дали СДС и Венко Филипче се плашат дека во јавноста може да излезат дополнителни информации и токму поради тои и не го закажуваат продолжението на надзорната расправа.

После сите информации СДС и Филипче бегаат кога треба да се соочат со фактите.

Филипче е нервозен затоа што ќе се најде решение за Алта банка, во време на СДС банките пропаѓаа, се затвораа, а блиски до кланот Заеви се богатеа.

Разоткриен е вистинскиот мотив зад долгомесечната кампања на СДС и Филипче против Алта банка. Додека во јавноста се обидуваа да наметнат приказна за таканаречен српски свет, во позадина стои политичка хајка во која се кријат бизнис мотиви на лица блиски до СДС Филипче и кланот Заеви.

Архитекти и главни произведувачи на српскиот свет во Македонија се Венко Филипче и СДС.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер