Во албанскиот Парламент расправа по барањето на СПАК за Бериша, надвор протест на опозицијата - Канал 5

Балкан

Во албанскиот Парламент расправа по барањето на СПАК за Бериша, надвор протест на опозицијата

Според Бериша, протестот е „почеток на бунтот кој од Парламентот се пренесува по улиците на Тирана“.

Во албанскиот Парламент расправа по барањето на СПАК за Бериша, надвор протест на опозицијата

Во просториите на албанскиот Законодавен дом во тек е расправа на Советот за мандати во врска со барањето на Специјалното обвинителство за корупција и организиран криминал, СПАК, за одземање на пратеничкиот имунитет на Сали Бериша, лидер на побројното крило на опозициските демократи.

Од друга страна пред зградата се одржува протест организиран од приврзаниците на Бериша, поддржани и од Партијата на слободата на Илир Мета, предводени од потпретседателот Петрит Васили, и се фрлаат димни бомби, како што тоа опозицијата го прави на пленарните седници во последните два месеца.

Поради процената дека протестот може да излезе од контрола за безбедноста ангажирани се околу илјада полициски службеници.

Според Бериша, протестот е „почеток на бунтот кој од Парламентот се пренесува по улиците на Тирана“.

-Тука сум да го објавам почетокот на битката без враќање по улиците на Тирана, нејзините плоштади во секој агол на оваа земја. ДП е решена да одговори заб за заб на владеењето на Еди Рама засновано на криминал, дрога, кражби на Албанци. Денес секој вистински демократ се чувствува како борец за слобода, заколнат дека ќе стори сé за распадот на монодиктатурата, на режимот кој им го одзема гласот на Албанците, ја контролира волјата на Албанците. За падот на режимот кој ги краде како никогаш досега. За падот на режимот кој го уништи плуралистичкиот парламент, рече Бериша.

Во низата обвинувања до Рама, тој меѓу другото го нарече „најжесток непријател во историјата на постоењето на Албанците, кој за 10 години избрка 1,3 милиони Албанци и денес пописот покажува дека во Албанија останале само 1,5 милиони Албанци“.

-Денеска сме заедно бидејќи немаме парламент. Имаме касарна за гардисти. Во историјата на плурализмот не е видено во собраниската сала да има 80 пратеници и 280 полицајци и чувари. Дали разбирате до каде стигна Албанија, рече Васили алудирајќи на големото присуство на припадниците на гардата на пленарните седници.

Според него, маката на Рама е што на виделина излегла вистината за него и оти се „плаши од страшните вистини што ги кажува Бериша“.

Поддршка за Бериша, со обвинувања на адреса на Рама, искажуваат поголем број демократи.

Доколку му се одземе имунитетот на Бериша, кој е осомничен за „пасивна корупција“ и „злоупотреба на службената должност“ во приватизацијата на спортскиот комплекс „Партизан“ во Тирана, се отвора патот да му биде изречена мерка „домашен притвор“, што на денешната расправа го побара обвинителот Арбен Краја.

Претходно му беше изречена мерка пријавување во судот секој прв и трет понеделник, што ниту еднаш не го испочитува, како и забрана за напуштање на земјата.

Адвокатот на Бериша Генц Ѓокутај побара седницата да се одложи, додека не се изјасни Уставниот суд по тужбата на група демократски пратеници, во што го поддржаа членовите на Советот од опозицијата, но беа надгласани од другите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајакнати сообраќајни контроли од мај до август

Констатирани 10.411 прекршоци, откриени 619 кривични дела и одземени 423 мотоцикли и електрични тротинети

Зајакнати сообраќајни контроли од мај до август

Секторот за сообраќајни работи при Министерството за внатрешни работи во периодот од мај до август 2026 година спроведе зајакнати акциски контроли на целата територија на државата, насочени кон прекршоците сторени од возачи на електрични тротинети, велосипеди, велосипеди со помошен мотор, мопеди, мотоцикли, трицикли и четирицикли.

Во рамки на контролите, полициските службеници констатираа вкупно 10.411 прекршоци, од кои 1.571 се однесуваат на електрични тротинети, 34 на велосипеди, а 8.806 на мопеди, мотоцикли и трицикли.

Најголем број прекршоци, вкупно 7.303, се однесуваат на некористење заштитен шлем – кацига. Констатирани се и 718 прекршоци за управување по несоодветна површина, 401 за управување нерегистрирани возила и/или возила без полиса за осигурување и 322 за некористење рефлектирачки елек.

Дополнително, евидентирани се 81 прекршок за управување од лице помладо од 18 години, 45 за управување под дејство на алкохол и 1.541 прекршок од друг вид.

Покрај прекршоците, во текот на акциските контроли откриени се и 619 кривични дела. Од нив, 604 се однесуваат на управување без возачка дозвола, 14 на управување под дејство на алкохол и едно на управување во забранет правец.

Во рамки на преземените мерки, одземени се вкупно 423 превозни средства, од кои 20 електрични тротинети и 403 мопеди, мотоцикли и трицикли.

Министерството за внатрешни работи продолжува со зајакнатите сообраќајни контроли, со посебен акцент на прекршоците и однесувањата што ја загрозуваат безбедноста на учесниците во сообраќајот. Целта е навремено откривање и санкционирање на прекршувањата на прописите, спречување на сообраќајните незгоди и заштита на човечките животи.

Апелираме до сите возачи ги почитуваат сообраќајните правила, да користат пропишана заштитна опрема, да не управуваат под дејство на алкохол и да не управуваат возила без исполнување на законските услови. Особено повикуваме на внимателност и одговорност кон пешаците и останатите учесници во сообраќајот.

Побезбедни патишта, посигурни животи. Безбедноста во сообраќајот не е случајност – таа е одлука.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Синкевичиус: Направивме планови за евакуација поради заканите од Русија, ако бидеме нападнати „нема да се предадеме“

Премиерот на Литванија за Би-Би-Си изјави дека дека неговата земја направила планови за евакуација поради заканите од Русија, но додаде дека „нема да се предадат“ доколку бидат нападнати.

Синкевичиус: Направивме планови за евакуација поради заканите од Русија, ако бидеме нападнати „нема да се предадеме“

Премиерот Миндаугас Синкевичиус изјави дека литванците се чувствуваат „постојано загрозени“ од Русија, делумно поради беспилотните летала што влегуваат во воздушниот простор на земјата. Рече дека доколку неговата земја биде нападната, „ќе возвратат. Постојат планови за „различни сценарија“ пример за „непречено“ извлекување на постарите граѓани од градовите и избегнување на сообраќајни метежи. Литванија која е членка на НАТО, дели копнена граница со руската енклава калининград. Ова се случува само една недела откако пилотите на борбените сили на НАТО соборија дрон што влезе во воздушниот простор на литванија. Москва не го коментираше инцидентот. Авионите на НАТО се искачија неколку пати за да соборат залутани украински дронови што годинава влегоа во балтичките земји, Естонија и Латвија.

Тагови: Миндаугас Синкевичиус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода крадец од Куманово баран по потерница за издржување затворска казна

На 21.09.2026 во 07:30 часот, полициски службеници од СВР Куманово го лишија од слобода М.Д.(45) од Куманово.

Лишен од слобода крадец од Куманово баран по потерница за издржување затворска казна

Тој бил баран по потерница врз основа на судска наредба за издржување на затворска казна од една година за сторено кривично дело „тешка кражба“ по член 236 од Кривичниот законик. М.Д. бил спроведен во Казнено-поправната установа Затвор К’шање за издржување на казната.

Тагови: Куманово

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер