Во 2023 издадени 451.000 дозволи за престој во ЕУ на истражувачи и студенти од странство - Канал 5

Живот

Во 2023 издадени 451.000 дозволи за престој во ЕУ на истражувачи и студенти од странство

Во текот на 2023 година земјите членки на ЕУ издале околу 451.000 дозволи за престој и работа на истражувачи и студенти од држави кои не се дел од Унијата, соопшти денеска Европската статистичка агенција – Евростат. 

Во 2023 издадени 451.000 дозволи за престој во ЕУ на истражувачи и студенти од странство

Според овие податоци, најголем број вакви дозволи издала Германија и тоа околу 144.000, што претставува 32 отсто од нивниот вкупен број. По неа, следуваат Франција со 117.000 дозволи за истражувачи и студенти или 26 проценти и Шпанија со 55.000 или 12 отсто.

Кога станува збор за земјите на потекло на овие истражувачи и студенти, лидерската позиција ја имаат државјаните на Индија со 50.000 дозволи или 11 проценти од нивниот вкупен број, пред Кина со 47.000 (10 отсто), Мароко со 22.000 (околу пет проценти) и САД со 21 000 (нешто под пет отсто).

Според Евростат, во 2023 година биле издадени и околу 89.000 дозволи за работа и престој во ЕУ, познати како „сини карти“, на висококвалификувани работници од трети земји.

Убедлив „шампион“ во оваа категорија е Германија со 69.000 или 78 отсто од вкупниот број издадени „сини карти“ на висококвалификувани работници. По неа следуваат Полска со 7.000 или осум проценти и Франција со 4.000 или четири отсто.

Најголем дел од висококвалификуваните странски работници кои добиле „сини карти“ за престој и работа во ЕУ потекнуваат од Индија со 21.000 или 24 проценти, пред граѓаните на Русија со 9.000 (11 отсто), на Турција со 6.000 (седум проценти) и на Белорусија со 5.000 (шест отсто).

Дополнително во 2023 година, членките на ЕУ издале и вкупно 10.800 дозволи за трансфер на странски државјани што работат во филијали на европски компании во трети земји во нивни оддели во државите од Унијата.

Најмногу вакви дозволи издала Холандија и тоа 2.700, што претставува 25 отсто од нивниот вкупен број, пред Германија и Унгарија со по околу 1.900 или 18 проценти, Франција со 1.500 или 14 отсто и Шпанија со 1.100 или 10 проценти.

Индијците се најбројни и во оваа категорија на странски државјани што добиле дозволи за трансфер во ЕУ со 3.900 или 36 отсто, пред граѓаните на Кина со 1.600 или 14 проценти и на Јужна Кореја со 1.300 или 12 отсто.

Како што соопшти Евростат, овие податоци се објавени во рамки на одбележувањето на Месецот на различностите во ЕУ, што има за цел подигнување на свеста за важноста на различноста и инклузивноста на работните места и во европските општества.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Економски раст од 4,3 проценти и околу 20 милиони евра за домашните компании

Економскиот раст од 4,3 проценти во вториот квартал е добра вест за државата. Уште поважно е што зад овој раст стојат инвестициите, извозот и преработувачката индустрија.

ВЛЕН: Економски раст од 4,3 проценти и околу 20 милиони евра за домашните компании

Инвестициите се зголемени за 16,5 проценти, извозот за 10,4 проценти, додека преработувачката индустрија бележи раст од 4,1 процент. Компаниите инвестираат повеќе, производството се проширува, а нашите производи наоѓаат место на странските пазари.

Преку Министерството за економија и труд, предводено од Бесар Дурмиши, оваа година се издвоени 1,23 милијарди денари, односно околу 20 милиони евра, за домашните компании. Овие средства се наменети за компании кои сакаат да го прошират производството, да набават опрема и да отворат нови работни места.

ВЛЕН ќе продолжи да ја поддржува оваа политика. Работа сè уште има, но бизнисите веќе знаат дека на чело на Министерството за економија и труд имаат партнер кој ги слуша и ги поддржува кога инвестираат, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Автобус полн со ученици падна во бездна- најмалку 21 загинат во тешка несреќа на Зеленортските острови

Автобус полн со ученици се урна на Зеленортските острови, при што загина најмалку 21 лице.

Автобус полн со ученици падна во бездна- најмалку 21 загинат во тешка несреќа на Зеленортските острови

Според локалниот службеник за цивилна заштита, несреќата се случила откако училишниот автобус скршнал од патот и паднал од висина на островот Фого вчера навечер.

Како што денеска објави новинската агенција Инфорпрес од Зеленортските острови, најмалку десет патници паднале од возилото, кое паднало од висина од приближно 30 метри.

Меѓу загинатите, наводно, има и деца.

Некои од патниците биле заробени во уништеното возило.

Автобусот се движел на релацијата Ча дас Калдеирас - Кампанас.

Тагови: автобус Зеленортските острови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф и Кушнер заминаа во Полска веднаш по тричасовната средба со Путин

Специјалните претставници на американскиот претседател Доналд Трамп, Стив Виткоф и Џаред Кушнер, денес слетаа во полскиот град Жешов по важните разговори со рускиот претседател Владимир Путин во Москва.

Виткоф и Кушнер заминаа во Полска веднаш по тричасовната средба со Путин

Специјалните претставници на американскиот претседател Доналд Трамп, Стив Виткоф и Џаред Кушнер, денес слетаа во полскиот град Жешов по важните разговори со рускиот претседател Владимир Путин во Москва, според податоците од услугата Flightradar.

Авионот Боинг Ц-32А слета на аеродромот во Жешов околу 2:30 часот по московско време, додека истиот авион полета од московскиот аеродром Внуково околу 00:30 часот, според рускиот портал „Известија“.

Разговорите во Москва меѓу Виткоф, Кушнер и Путин траеја три часа и 10 минути, според рускиот претседателски помошник Јуриј Ушаков. Разговорот беше суштински и отворен, оценет како конструктивен и доверлив.

Путин изрази голема доверба во овој процес, нагласувајќи ја корисноста од ваквите контакти. По Москва, американските претставници планираат да го посетат Киев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер