Во 2022 година интернет најмногу цензуриран во Русија, Индија и Кина - Канал 5

Живот

Во 2022 година интернет најмногу цензуриран во Русија, Индија и Кина

Во 2022 година, најмногу цензура била воведена во Русија, во Индија, во Иран и во спорната територија на индиско-пакистанската граница Џаму и Кашмир. 

Во 2022 година интернет најмногу цензуриран во Русија, Индија и Кина

На повеќе од четири милијарди луѓе ширум светот минатата година им бил суспендиран пристапот до интернет и социјалните мрежи, а околу половина од случаите се во Азија, се наведува во годишниот извештај на холандската компанија „Сурфшарк“.

Во извештајот се сумираат клучните случувања во глобалната цензура на интернетот, вклучително правната контрола, потиснување или манипулација со она што може и што не може да се гледа, преземе или објави на интернет.

Во 2022 година, најмногу цензура била воведена во Русија, во Индија, во Иран и во спорната територија на индиско-пакистанската граница Џаму и Кашмир. Џаму и Кашмир е регионот со најмногу регистрирани прекини на интернет, со големи ограничувања на интернет од 2019 година, целосно поврзани со „политичките превирања“.

Во извештајот се наведува дека во Индија, ТикТок е забранет од јуни 2020 година, а на почетокот на инвазијата на Украина, Русија ги блокираше клучните социјални платформи. За да се контролираат локалните протести против војната, беше ограничен пристапот до Твитер, а малку подоцна и пристапот до Фејсбук и до Инстаграм. Москва го блокираше и пристапот до големите меѓународни информативни сајтови.

Смртта на Махса Амини по нејзиното апсење од страна на иранската полиција за морал во септември, предизвика масовни протести во провинцијата Курдистан и ширум Иран. Поради тоа интернет услугите беа речиси целосно прекинати, мобилните оператори исто така беа масовно погодени. Пристапот до Инстаграм и ВатсАп беше ограничен низ целата земја.

ВатсАп е забранет во Оман, а Твитер, Фејсбук и ЈуТјуб од 2009 година се забранети во Кина.

Во извештајот се посочува дека во 2022 година се регистрирани вкупно 78 случаи на ограничувања на интернет. Исклучувањето на интернетот траеше во просек по 33 часа, а просечното времетраење на цензурата на социјалните мрежи беше 114 дена.

Националните протести и политичките превирања се главниот катализатор за цензурата на интернет.

Според извештајот, најомразената социјална мрежа меѓу авторитарните влади е Фејсбук.

Прекините на интернет во 2022 година најдолго траеле во Буркина Фасо, во Русија и во Азербејџан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер