Вниманието на македонските одбојкари насочено кон натпреварот со Грузија в недела - Канал 5

Други спортови

Вниманието на македонските одбојкари насочено кон натпреварот со Грузија в недела

По синоќешниот пораз од Грција во претпоследниот натпревар од квалификациите за Европското првенство што се одигра во Атина, македонската репрезентација се враќа за Скопје и целото внимание сега е насочено кон дуелот в недела со Грузија.

Вниманието на македонските одбојкари насочено кон натпреварот со Грузија в недела

По синоќешниот пораз од Грција во претпоследниот натпревар од квалификациите за Европското првенство што се одигра во Атина, македонската репрезентација се враќа за Скопје и целото внимание сега е насочено кон дуелот в недела со Грузија, а победа со поголем резултат, според селекторот Јошко Миленковски и капитенот Никола Ѓорѓиев, носи реални шанси земјава по четврти пат да биде дел од европскиот собир, јави дописничката на МИА од Атина.

„Црвено-жолтите“ со 3-0 (25:18; 25:15 и 27:25) загубија од Грција што беше фаворит на натпреварот, македонските одбојкари натпреварот го започнаа динамично, но при крајот на првиот и во вториот сет ја загубија динамиката за одново да се вратат во последниот сет со две неискористени сет топки, но домаќинот на крајот извојува убедлива победа.

- Во третиот сет се водеше голема битка меѓу двете земји, при што гостите се подобрија во одбраната и нападот и поведоа со резултат од 5-10. Грција ја подобри својата игра во продолжение, освојувајќи поени преку Мухлиас и Вулкидис, додека Македонија загуби неколку важни контра-напади, што ѝ се одрази негативно на психолошки план. На крајот, нашата земја го освои и овој сет со 27-25, благодарение на Галиотос и Питакудис, и со тоа, со четири последователни победи, се пласираше на завршниот турнир на EuroVolley, кој ќе се одржи следното лето, објави државната телевизија ЕРТ што воедно го пренесуваше во живо натпреварот.

Селекторот Јошко Миленковски и капитенот Никола Ѓорѓиев, по натпреварот за МИА рекоа дека сега нивното внимание е насочено кон последниот квалификациски натпревар.

- За жал не успеавме да го земеме третиот сет, имавме две сет топки и два убави тројни блокови. Тоа е што е. За жал некогаш ќе дојде кај нас некогаш не. Честитки до Грција, одигра подобро. Беа, би рекол, похрабри во одлучните моменти. Ние ништо, не чека пат назад. Ќе чекаме да ги видиме другите резултати. Мислам дека сè уште судбината во наши раце. Со победа од 3-0 над Грузија мислам дека ќе се пласираме на Европското првенство, истакна Ѓорѓиев веднаш по натпреварот.

Селекторот Миленковски коментираше дека нивната намера на гостувањето во Атина беше да направат добар резултат и „можеби и ова е добар резултат“ и посочи дека противникот е поквалитетен играше на домашен терен, мотивирано и со цел да го освои првото место во групата со што повеќе ранкинг бодови.

- Ние рековме, ако веќе не можеме да победиме барем да освоиме еден сет за кој бевме многу блиску. Имавме две сет топки направивме две наивни грешки, лесни грешки кои го одлучија тој сет. Меѓутоа од друга страна освоивме доста поени. Имаме 25 и 15 и 18 во првиот сет, тоа се 58, скоро 60 поени и влегуваме во последниот натпревар со позитивен поен количник и сме далеку подобри во моментов од репрезентациите на Австрија и Норвешка. Ние играме на домашен терен со Грузија и тоа би требало да биде натпревар што ќе го одлучи нашиот пласман на Европското првенство. Се разбира треба да играме добро и да ја победиме Грузија со поголем резултат за да ни се отворат шансите затоа што сепак овде, мислам дека собравме доволен број поени, така што останува да го одиграме последниот натпревар со Грузија и да го заокружиме ова наше учество во квалификациите со пласман на Европско, објасни селекторот на машката одбојкарска репрезентација.

Грција, без пораз ги заврши квалификациите за ЕП и е прва во Ф групата, во која се нашата земја и Грузија.

Селекторот на грчката репрезентацијата Костас Христофиделис изрази задоволство од вчерашната победа, коментирајќи дека беше „многу добар натпревар“, но и дека биле принудени да играат под притисок, бидејќи иако веќе имаа обезбедено пласман на Европското, сепак сакале да ја повторат добрата игра од минатата недела.

Натпреварот се играше во моменти кога во најмалку шест делови на Грција „беснееја“ големи и опасни пожари, на што се осврна и грчкиот репрезентативец Александрос Раптис, кој изрази надеж дека победата им донесе барем малку радост на оние кои минуваат низ тешки моменти поради огнената стихија.

Двете репрезентации ги одмерија силите во затворената спортска сала „Мелина Меркури“ во населбата Ренти во близина на атинското предградие Пиреја, што го носи името на грчката актерка и политичарка, ја користат машкиот и женскиот одбојкарски тим на Олимпијакос, како и младинските категории.

Иако со капацитет од 1.800 места, а влезот беше слободен, сепак вчера имаше мал број гледачи, но натпреварот помина без никакви проблеми, во коректна и спортска атмосфера, во духот на фер-плеј.

Македонските одбојкари в недела во салата „Борис Трајковски“ ја пречекуваат Грузија, која во досегашниот квалификациски циклус е без победа и е последна на табелата.

Пласман на Европското првенство обезбедуваат прворангираните репрезентации, како и најдобрите пет второпласирани во седумте квалификациски групи.

Тагови: одбојкарска репрезентација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Кенискиот суд денеска го осуди водачот на сектата Пол Мекензи на 200 години затвор за убиство на 190 деца кои биле изгладнети до смрт и закопани во шумата по негова наредба. 

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Тие се меѓу околу 500 лица осомничени дека се поврзани со едно од најлошите масовни ритуални злосторства во модерната историја.

Казната се состои од 100 години затвор за убиствата од глад и уште 100 години за директните убиства, изјави судијката Дијана Кавеџа читајќи ја пресудата, објави Ројтерс.

Обвинителството изјави дека Мекензи, кој водел апокалиптична христијанска црква во шума во близина на брегот на Индискиот Океан во источна Кенија, им рекол на своите следбеници да се изгладнат себеси и своите деца до смрт за да стигнат до рајот пред крајот на светот.

Неговите соучесници им се заканувале и ги тепале жртвите за да ги принудат да ги следат неговите наредби. Изгладнетите тела биле пронајдени расфрлани во плитки гробови и фрлени во тоалети. Некои жртви биле закопани живи.

Макензи, облечен во сива поло маица и црни панталони, се насмевна додека влегуваше во шатор поставен пред судот каде што се одржуваше рочиштето.

Тој ги негираше обвиненијата за убиство, велејќи дека не ги принудил жртвите да гладуваат. Судот ја отфрли неговата одбрана.

Татко загубил шест деца

Случајот ја шокираше Кенија во април 2023 година, кога полицијата почна да открива тела во шумата Шакахола, во близина на крајбрежниот град Малинди.

Иако судењето ги опфаќа само случаите на 190 деца и една возрасна жртва, Националната комисија за човекови права на Кенија вели дека вкупно 448 тела се пронајдени во шумата.

Макензи е обвинет и за наредба за убиства на 52 лица пронајдени на друга локација, во село оддалечено 30 километри, со што бројот на потенцијални жртви се зголеми на 500. Во тој случај, тој се изјасни за невин.

Размерот на убиствата е споредлив со апокалиптичниот култен злостор во кој загинаа повеќе од 700 луѓе во Уганда во 2000 година, како и масакрот во Џонстаун во Гвајана во 1978 година, кога американски водач на секта им наредил на повеќе од 900 луѓе да пијат отров.

Стивен Мвити, 48, татко на шесте деца на Мекензи кои биле жртви и сопруг на еден од неговите осудени соучесници, рече дека неговата сопруга ги однела децата во Шакахоле, каде што умреле од глад.

Дури и ако возрасните се согласат да постат, „што е со децата?“, праша Мвити за Ројтерс пред пресудата.

„Ги изгубив моите деца и нема да можам да ги вратам, без разлика што ќе се случи со Мекензи и неговите соучесници“, рече Мвити.

„Очекувам да биде осуден на смрт или доживотен затвор, за да не излезе никогаш и да предизвика повеќе смртни случаи.“

Ден Мекензи, еден од синовите на Пол, рече дека неговиот татко не го поштедил своето семејство.

„Не завршив во Шакахола затоа што повеќе не верував дека ќе одиме во рајот. Затоа ја напуштив црквата и почнав да си го правам своето“, изјави тој за Ројтерс.

„Исто така, изгубив пријатели, како и помлад брат. Ова е правда за луѓето што ги изгубивме таму во Шакахола.“

Важен чекор, но потребна е поголема одговорност

Макензи е на радарот на властите од 2017 година, кога полицијата изврши рација во неговите простории. Властите ја затворија неговата црква во Малинди во 2019 година, по што тој се пресели во блиската шума Шакахола.

Откритијата доведоа до повици за построги контроли врз религиозните групи

Кенискиот претседател Вилијам Руто назначи работна група во мај 2023 година за да ја разгледа законската и регулаторната рамка. Одделни предлози поддржани од владата и Сенатот беа објавени во 2024 година, но сè уште не се усвоени.

Оџиро Одиамбо, раководител на единицата за брза реакција во Комисијата за човекови права на Кенија, рече дека пресудата е важен чекор, но дека одговорноста мора да се прошири, бидејќи локалните администратори, полицијата, разузнавачките службеници и верските водачи се сметаат за одговорни за тоа што не постапиле по повторените предупредувања.

„Сите овие луѓе ги изневериле граѓаните“, рече тој.

Руто во 2023 година изјави дека како претседател ја преземал одговорноста за неуспехот на владата да спречи умирање на луѓе.

Тагови: затвор секта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер