ВМРО-ДПМНЕ: Забрчанец и Груби – симболи на медиумското подземје и корумпираната пропаганда - Канал 5

Македонија

ВМРО-ДПМНЕ: Забрчанец и Груби – симболи на медиумското подземје и корумпираната пропаганда

Во врска со денешната лицемерна изјава на СДС, апсолутен факт е дека тие и нивните партнери од ДУИ беа и остануваат најголемите душмани на вистинското новинарство. 

ВМРО-ДПМНЕ: Забрчанец и Груби – симболи на медиумското подземје и корумпираната пропаганда

Во изминатите 7 години го претворија медиумскиот простор во корумпирана квази-мрежа за лични интереси и партиска пропаганда. Секој новинар што не се поклонуваше на режимот беше изолиран, дискредитиран или притискан.

Медиумската машинерија на Артан Груби и Марјан Забрчанец и дрнес е синоним за медиумско подземје – мрежа од уценети портали, милионски тендери и монтирани „вести“ по нарачка.

Но, ова беше времето кога државата тонеше, а народот плаќаше за лагите на властa. Денес, вистината излегува на видело. Македонија е повторно демократска држава. Нема враќање назад.

Владата предводена од ВМРО-ДПМНЕ ја враќа вистинската слобода на медиумите, не слобода за криминално здружени квази новинари, туку слобода за професионалци, за објективност, критичност и интегритет.

СДС нема право да зборува за слобода, откако години ја газеше и ја продаваше за рејтинг и власт.

Ги повикуваме новинарите на националните медиуми и другите да кажат дали Забрчанец им правел притисок како што се жалеле пред меѓународната заедница.

Го повикуваме ЗНМ јавно да каже дали има случај на притисок од оваа влада и да го посочат со име и презиме. Такво нешто не постои и затоа соопштенијата на СДС се лицемерни и дегутантни исто како што таткото на хаосот со модуларната Филипче оди кај семејствата од Кочани така и креаторот на притисокот кон медиумите сега пишува соопстенија од СДС. Тоа е таа сдсовска пракса и однесување заради кои имаат 4.5 посто рејтинг а народот јасно го препознава, се наведува во партиската реакција .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Алексеј Покушевски се сели во Русија

Репрезенативецот на Србија, Алексеј Покушевски има нов клуб. 

Алексеј Покушевски се сели во Русија

24 годишниот Алексеј Покушевски е нов кошаркар на Локомотив Кубан, соопшти клубот.

Србинот се раздели со Партизан и му се приклучи на тимот на Локомотив Кубан предводен од Томислав Томовиќ, поранешен стратег на Звезда и помошник-тренер во националниот тим на Србија.

На 14-годишна возраст, како еден од најголемите европски таленти на своја возраст Покушевски се пресели во системот на атински Олимпијакос.

На само 17 години, популарниот Поко дебитираше во Евролигата и влезе во историјата на грчкиот гигант како најмлад играч што зачекорил на теренот во оваа елитна европска конкуренција.

Неговиот потенцијал беше забележан и од НБА-скаутите, па во 2020 година беше избран како 17-ти пик на драфтот.

Во најсилната лига во светот, тој мина четири сезони играјќи за Оклахома Сити Тандер и Шарлот Хорнетс. Во европската кошарка се врати во 2024 година, кога го облече дресот на белградски Партизан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нова фитнес зона во ООУ „Мирче Ацев“ во Општина Ѓорче Петров

Општина Ѓорче Петров продолжува со континуирани инвестиции во спортската инфраструктура, создавајќи современи услови за спорт, рекреација и здрав развој на децата и младите. 

Нова фитнес зона во ООУ „Мирче Ацев“ во Општина Ѓорче Петров

Во ООУ „Мирче Ацев“ е изградена нова современа фитнес зона, како дел од проектот што се реализира со поддршка на Министерството за транспорт и врски.

Новата фитнес зона е една од вкупно трите фитнес зони што се реализираат во рамки на проектот, со што дополнително се унапредува и збогатува спортската инфраструктура на територијата на Општина Ѓорче Петров.

Со поставувањето на современите фитнес реквизити, учениците и младите добиваат функционален простор за физичка активност, вежбање и рекреација, кој ќе биде од корист и за останатите жители на општината.

-Во изминатиот период инвестиравме во нови и реконструирани спортски терени, фитнес и калистеника зони, како и во унапредување на училишната спортска инфраструктура. Нашата цел е спортот да биде достапен за сите, а особено за нашите деца и млади. Оваа инвестиција е уште еден чекор во тој континуитет. Благодарност до Министерството за транспорт и врски за поддршката во реализацијата на проектот - истакна градоначалникот на Општина Ѓорче Петров, Александар Стојкоски.

Од Општина Ѓорче Петров најавуваат дека инвестициите во спортот продолжуваат и во наредниот период, со реализација на нови проекти во училиштата, населбите и постојните спортско-рекреативни комплекси.

Инвестицијата во спортот е инвестиција во здрави генерации, активни млади и силна заедница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Овој викенд- бесплатно кино на отворено во Драчево

Општина Кисела Вода, во соработка со Кинотека на Македонија, овој викенд организира бесплатни филмски проекции на отворено во Амфитеатарот на Домот на културата во Драчево.

Овој викенд- бесплатно кино на отворено во Драчево

На програмата се две познати македонски остварувања во режија на Дарко Митревски:

На 08.08.2026 (сабота), од 20 часот, ќе се прикажува филмот „Бал-Кан-Кан“. Публиката ќе има можност да ја погледне оваа комедија со актерските остварувања на Раде Шербеџија, Ерол Кадиќ и Салаетин Билал.

На 09.08.2026 (недела), од 20 часот, на репертоарот е „Трето полувреме“, филм инспириран од вистински настани, со улогите на Сашко Коцев, Катарина Ивановска, Ричард Самел и Раде Шербеџија.

Влезот за двете проекции е слободен.

Ги покануваме сите љубители на филмот да ни се придружат со своите семејства и пријатели на оваа викенд-дружба посветена на македонската кинематографија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер