МакедонијаВМРО-ДПМНЕ: Што се обидува да сокрие Костадиновска Стојчевска?Бисера Костадиновска Стојчевска не кажа кои се членовите на членовите на комисиите кои се потпишале на скандалозната програма без концепт и стратегија. Па оттука логично се поставуваат прашањата: 1.Дали тоа значи дека лично Костадиновска Стојчевска ги носела одлуките при избор на проектите за Годишната програма? 2.Кого крие и дали станува збор за уценети од членовите на комисиите кон Костадиновска Стојчевска? Ја потсетуваме министерката дека не само што треба да ги соопштите нивните имиња, туку нејзина обврска е да ги соопштите и нивните професионални квалификации. Ако не знае Костадиновска Стојчевска бидејќи до сега не била дел од културата тогаш ќе и објасниме ние, во времето на ВМРО ДПМНЕ, пресовите на министерот при објавувањето на Годишната програма се одржуваа во присуство на сите членови на комисиите, затоа што со буџети со износи од 9.000.000 – 12.000.000 денари само во националните театри, не сме имале од што да се срамиме. Воедно, Костадиновска Стојчевска треба да одговори дали членот на комисијата за музејска дејност е наставник по англиски јазик и нема никаква допирна точка со музејската дејност? Дали членот на комисијата за визуелни уметности е се уште студент? Ако во времето на ВМРО ДПМНЕ имало и академици а во најмала рака универзитетски професори, комисијата за заштита на културно наследство сега е составена од членови кои немаат ниту научно звање, а за потсетување на јавноста, минатата година член на истата комисија беше именуван наставник по биологија. Нека ни каже министерката дали назначената претседателка на комисијата за интердисциплинарни дејност, освен што е истакнат активист на СДСМ е и член на извршната канцеларија на МЛАДИНСКИ КУЛТУРЕН ЦЕНТАР Битола, па дали тоа не е конфликт на интереси, дотолку повеќе, што во оваа дејност се доделени 656.000 денари за проектот „Битола отворен град 2024“ во организација на истиот тој МКЦ. Притоа, голем дел на членовите на комисии се повеќе препознатливи по својот партиски отколку професионален ангажман. Дополнително, овие лица ќе наплатат дебело за давање на своите “стручни“ мислења, односно хонорарот на 50тмината лица е околу 90.000 денари или вкупно за сите 4.500.000 денари, народни пари. Стручноста и компетентноста се плаќа и треба да биде соодветно наградена, но поставува прашањето дали сите „тајни’ членови на комисиите се навистина кредибилни и ли главниот предуслов е партиската препорака. Во однос на одобрениот проект на Албанскиот театар од Скопје, кој е дел од Годишната програма на Националните установи во меѓународна дејност, цитираме: „РЕАЛИЗАЦИЈА на фестивалот „МОИСИУ“ во Приштина, Косово“ со 1.800.000 денари, повторно ја повикуваме министерката да објасни зошто е проектот така насловен и зошто сите останати театри кои се финансирани за учество во многу подалечни земји се поддржани со десет пати помали средства? И доколку станува збор само учество, како тоа за 100 километри пат, министерството издвоило 1.800.000 денари?! А што се однесува до заедничкиот именител на „Здружението на граѓани за поинакво делување АРТАКТ, „Друштво за производство, трговија и услуги ТРИЧЕТВРТИ увоз-извоз ДООЕЛ“ и Сташа Божиновска, сите од Битола, очигледно ќе мораме ние да ја информираме македонската јавност дека се работи за лице кое е директно врзано со најблискиот соработник во кабинетот на Костадиновска Стојчевска, а позади овие „тешки“ проекти стојат имињата на неговата ќерка, сестра и вработена и прва соработничка во неговата фирма. Уште еднаш да потсетиме дека наведените проекти се финансирани од министерството за култура со преку 2.000.000 денари. СДС и Костадиновска Стојчевска носат само порази во културата. Никогаш не било полошо во македонската култура. Важно е да ги поразиме, се наведува во партиската реакција.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Шоу бизПогледнете како членовите на Црвена Јабука потпишаа автограм за фан (ВИДЕО)Членовите на Црвена Јабука покажаа колку се блиски со своите фанови, и тоа на прилично необичен начин.Тие споделија видео на Инстаграм, снимено на пат, на кое може да се види како потпишуваат автограм за возач на камион кој возел покрај нивното комбе. Му подадоа лист хартија и пенкало низ прозорецот, а насмевката на неговото лице откако го доби потписот најдобро покажува колку многу му значел тој момент. Заедно со видеото, на кое пишува „Вака се потпишуваат и автограми“, бендот додаде: „Она кога даваш автограми и на пат :)“. Видеото ги воодушеви нивните следбеници. View this post on Instagram A post shared by Crvena Jabuka (@crvenajabukaofficial) Четириесет години од култниот албум Овој јуни, Црвена Јабука слави 40 години од објавувањето на нивниот деби албум, кој ја започна нивната кариера и содржи некои од нивните најголеми хитови. По тој повод, беше издадено луксузно винилно реиздание на албумот со песните „Бјежи кишо с прозора“, „Са твојојх усана“ и „Дирлија“. На фронтменот на бендот, Дражен Жериќ Жера, му беше врачен и посебен подарок од „Croatia Records“ на фестивалот „CMC“ во Водице - стаклена скулптура од скулпторката Алана Кајфеж со мотивот од корицата на првиот албум.Тагови: Црвена Јабука автограм Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Технологија„YouTube“ пораките се прошируваат во уште девет земји„YouTube“ продолжува да ја проширува својата функција за размена на приватни пораки и споделување видео содржини во апликацијата.Компанијата започна со тестирање на вградениот систем за пораки во одредени земји минатата година, а неколку месеци подоцна, поддршката беше проширена на 31 пазар. Сепак, САД не беа вклучени во тоа време. Според најновото соопштение на компанијата, функцијата сега доаѓа во уште девет земји, вклучувајќи ги САД, Бразил, Велика Британија и Сингапур. Вкупниот број на поддржани земји се зголеми на 40. Меѓу земјите од регионот на листата се Хрватска, Бугарија, Словенија и Романија. Како функционираат „YouTube“ пораките Корисниците над 18 години, кои се најавени на „YouTube“ канал и живеат во поддржани земји, можат да споделуваат видео содржина со други корисници директно од апликацијата. Видеата и содржината на кратки видеа се споделуваат преку опцијата „Сподели“, додека новите контакти можат да бидат поканети во разговорот преку иконата „Пораки“ што се наоѓа во горниот десен агол на апликацијата. Системот веќе поддржува неколку функции типични за модерните апликации за пораки. Корисниците можат да ја поништат испратената порака со долго притискање врз неа, како и да избришат цели разговори. Од безбедносни причини, достапни се и опции за блокирање канали и контакти, како и пријавување несоодветни разговори. Извор: Б92Тагови: YouTube Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиЕврокомесарката за проширување на почетокот на јули доаѓа во посета на Македонија 15:00Мицкоски од Илинден: Владата со поддршка за приватниот сектор, колку е поуспешен бизнисот, толку е посилна државата12:58Мицкоски на пуштање во употреба на Дом за стари лица во Илинден09:19Мицкоски оствари средба со Ергодан: Беше изразено заедничко задоволство од одличните политички односи16:58Николоски: Почнуваме изградба на нов автопат, Скопје - Блаце ќе биде главна артерија за поврзување со Косово и Црна Гора12:37
Мицкоски од Илинден: Владата со поддршка за приватниот сектор, колку е поуспешен бизнисот, толку е посилна државата12:58
Мицкоски оствари средба со Ергодан: Беше изразено заедничко задоволство од одличните политички односи16:58
Николоски: Почнуваме изградба на нов автопат, Скопје - Блаце ќе биде главна артерија за поврзување со Косово и Црна Гора12:37
АвтомобилизамАлгоритам одредува колку брзо ќе возите: Калифорнија го лансира првиот паметен автопатКалифорнија го лансираше првиот проект за „паметен автопат“, кој треба да ги намали застојот без проширување на патиштата.Систем од сензори, дигитални знаци и алгоритми што го контролираат влегувањето на возилата на автопатот е воведен на дел од автопатот „I-15“ помеѓу Темекула и Муриета. Пилот-проектот од 33 милиони долари ќе трае две години. Целта е да се подобри протокот на сообраќај на еден од најпрометните автопати во Јужна Калифорнија, каде што патувањето што треба да трае помалку од 10 минути често трае помеѓу 25 и 45 минути. Новата технологија го координира управувањето со пристапната платформа и одредува кога возилата можат да влезат на автопатот. Во некои случаи, возачите ќе мора да чекаат до четири минути пред да им биде дозволено да влезат. Системот ја следи густината на сообраќајот во реално време и користи електронски табли за да препорача оптимална брзина за да се избегне често сопирање и забрзување, што е една од главните причини за сообраќајни метежи. Иако често се опишува како управување со сообраќајот базирано на вештачка интелигенција, службениците нагласуваат дека станува збор за однапред програмиран систем за управување со сообраќајот, а не за технологија на вештачка интелигенција. Слични системи веќе се користат во други делови од светот. Според податоците од Денвер, тие можат да го намалат времето на патување за околу 20 проценти, додека во Австралија се забележани подобрувања во просечните брзини на патување од 35 до 65 проценти. Доколку резултатите се позитивни, Калифорнија планира да ја прошири технологијата на други автопати. Извор: Б92Тагови: автопат Калифорнија Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook