ВМРО-ДПМНЕ: СДС нема кредибилитет да зборува за енергетика - Канал 5

ВМРО-ДПМНЕ: СДС нема кредибилитет да зборува за енергетика

Нивниот Васко Ковачевски е во бегство поради криминал, а Филипче е на одмор во Дубаи со златна виза.

ВМРО-ДПМНЕ: СДС нема кредибилитет да зборува за енергетика

СДС нема никаков кредибилитет да говори за енергетиката. Всушност во овие моменти нивниот директор на ЕСМ Васко Ковачевски е се уште во бегство поради криминал. Таков е случајот со набавка на мазут, како и набавката на адитиви. И додека сеат лажна грижа државата се уште треба да ги плаќа фактурите од 300.000 евра месечно што треба да се плаќаат 15 години по ред.

И додека креираат паника со испадот на мрежата, да не се заборави дека нивниот лидер Филипче со денови е на одмор во Дубаи од каде има златна виза.

Предизвиците во производството на електрична енергија, особено во РЕК Битола, се токму благодарение на погрешните и нечесни политики што ги водеше СДС. Таму, вработените, за време на грејната сезона, па и во моментов, деноноќно функционираат во состојба на готовност за да се справат со сите предизвици и несоодветно одржуваната техничко-технолошка опрема.

СДС функционира врз основа на шпекулации и фабрикувани полувистини. Да потсетиме, и пред пет месеци, среде грејна сезона, тврдеа дека РЕК Битола само што не колабирал. Сепак, фактите ја демантираат опозицијата.

Во енергетиката, особено во капацитети како РЕК Битола, не постојат инстант решенија и санација на состојбите преку ноќ. Она што СДС го уништи за седум години, е невозможно да се санира во краток рок.

Енергетскиот сектор е оставен во состојба на хаос и колапс како директна последица од седумгодишното недомаќинско и криминално владеење на СДС и нивните коалициски партнери.

Што затекнавме?

Преносната и дистрибутивната мрежа е во катастрофална техничка кондиција. РЕК Битола беше затекнат со уништена механизација и нерегуларно одржувани капацитети. Вработените работеа во небезбедни услови, а дел од поранешните менаџери се под истрага.

Дополнително, доделени беа премногу дозволи за фотоволтаични централи без ред и согледување на капацитет на мрежа, со моќност од 9500 MW кои ја надминуваат потребата за електрична енергија во државава повеќе од седум пати, со што директно се загрозува флексибилноста и адекватноста на електроенергетскиот систем.

Наследивме девастиран систем, со трансформатори од 1978-ма година. Криминално набавени нови трансформатори, со нереално високи цени кои се расипуваат две години после набавување, иако векот на користење би требало да е 40 години.

Исто така, поради криминални побуди, се каснеше со набавката на шант реакторот за корекција на напоните, и како што досега неколку пати сме потенцирале набавен е по нереално висока цена, додека во мрежа треба да биде пуштен во работа дури на крајот на 2026-та година.

Наследивме криминални договори за поправка на дотраени трансформатори, без визија и без водење на сметка на системот и државните стратешки интереси како што е енергетската стабилност.

Наследивме систем во кој средствата на граѓаните безмилосно и душмански се трошеа на спонзорирање на сомнителни спортски теретани и прикриени партиски активисти.

Наместо зголемена сигурност и стабилност преку поврзување со нашиот сосед Албанија, наследивме криминален договор преку кој се протежираа бизнис интересите на СДС и ДУИ.

Ова мора да престане. Потребни се системски реформи, одговорност за стореното и враќање на професионализмот и транспарентноста во енергетскиот сектор. Граѓаните заслужуваат сигурно, квалитетно и чесно управувано снабдување со електрична енергиja.

Јасно е дека СДС е синоним за криминал, корупција и предавства.

ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Автомобил што има мијалник со топла вода, какво чудо направиле Германците

„Horch 930S“ од 1939 година е еден од најретките луксузни автомобили на светот. Има вграден мијалник со топла и ладна вода, седишта што се претвораат во кревет и V8 мотор.

Видео: Автомобил што има мијалник со топла вода, какво чудо направиле Германците

На прв поглед, изгледа како елегантен луксузен автомобил од 1939 година, но ова конкретно возило крие детал што би ги изненадил дури и денешните возачи.

Станува збор за „Хорх 930S“ (Horch 930S) – автомобил опремен со вграден мијалник со топла и ладна проточна вода. Мијалникот се извлекува пред предниот браник, а топлата вода се обезбедува преку систем поврзан со колото за ладење на моторот. Да, да, добро прочитавте: автомобилот доаѓаше со вграден мијалник што можеше да се извлече пред предниот браник секогаш кога ќе се појави потреба.

Особено интересно е решението за топла вода, која се загревала преку систем поврзан со колото за ладење на моторот. Ова им овозможувало на патниците во овој луксузен автомобил пристап до вода дури и за време на патувањето. Сепак, мијалникот е само еден од деталите што сведочат за големото внимание посветено на удобноста и практичноста.

„Horch 930S“ имал врати што се отворале широко, без централен столб што би го попречувал влегувањето или излегувањето. Седиштата можеле да се спуштат за да се создаде простор за спиење, со што возилото станувало многу погодно за подолги патувања. Внатрешноста, исто така, привлекува посебно внимание.

Контролната табла е изработена од полирано дрво и е збогатена со бројни хромирани детали, посебни тркалезни инструменти и часовник поставен во средината.

Вратите имале хромирани рачки, додека панелите биле обложени со висококвалитетен текстил. Прозорците се отворале рачно, преку класичен механизам со рачка за вртење.

Horch 930S поседуваше простран багажник, додека под хаубата се наоѓаше 3,8-литарски V8 мотор со моќност од приближно 92 коњски сили. Според денешните стандарди, ова можеби не изгледа импресивно, но мора да се земе предвид дека автомобилот потекнува од 1939 година – ера кога ваквите технички и луксузни карактеристики биле исклучително ретки. Токму поради овие причини, овој модел зазема посебно место во историјата на автомобилизмот.

Произведени се само неколку примероци, што го прави Horch 930S еден од најретките луксузни автомобили од тоа време. И додека денешните производители се натпреваруваат во понудата на поголеми екрани, повеќе електронски системи и поудобни седишта, Horch – пред речиси 90 години – воведе концепт што и денес звучи неверојатно: автомобил опремен со сопствен мијалник и топла вода.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Легендарниот Титаник имал близнак, но и неговата судбина е кобна!!

„HMHS *Britannic“, третиот и последен брод од класата *Olympic* на компанијата „Вајт стар лајн“ (White Star Line), потонал на 21 ноември 1916 година во Егејското Море, во близина на островот Кеа, за време на Првата светска војна. 

Легендарниот Титаник имал близнак, но и неговата судбина е кобна!!

Овој луксузен прекуокеански брод, кој бил пренаменет во болнички брод, се сметал за најбезбедното пловило од својата класа; сепак, една експлозија — речиси сигурно предизвикана од поморска мина поставена неколку дена претходно од германската подморница U-73 — го испратила на дното за 55 минути.

Од 1.066 луѓе кои се наоѓале на бродот, 30 ги загубиле животите. До ден-денес, *Britannic* останува најголемиот потонат патнички брод во светот.

Изградба и пренамена во болнички брод Бродот *Britannic* бил поринат на 26 февруари 1914 година во бродоградилиштето „Харланд и Волф“ (Harland & Wolff) во Белфаст, како сестрински брод на *Olympic* и *Titanic*. Бил долг приближно 269 метри и имал нешто поголем тонажен капацитет од Титаник.

По трагедијата од 1912 година, биле воведени дополнителни безбедносни мерки, вклучувајќи зајакнати прегради, проширен систем на водонепропусни комори и значително поголем број чамци за спасување. Бродот никогаш не стапил во комерцијална употреба. Со избувнувањето на Првата светска војна во 1915 година, тој бил пренаменет во болнички брод — под ознаката HMHS *Britannic* — со бел труп, црвени крстови и зелена лента.

Бил опремен со операциони сали и повеќе од илјада болнички кревети, а екипажот вклучувал и медицински персонал — меѓу кои била и Вајолет Џесоп, која преживеала и на Титаник, а подоцна и на *Britannic*.

Во ноември 1916 година, бродот пловел кон Мудрос на островот Лемнос. На 21 ноември, околу 8:12 часот наутро, додека минувал низ каналот Кеа, одекнала силна експлозија на десната страна од прамците. Водата брзо навлегла во неколку предни оддели, предизвикувајќи бродот да се навали и незапирливо да тоне.

Капетанот Чарлс Бартлет се обидел да го насука бродот на брегот, но не успеал. Евакуација и жртви Евакуацијата била многу поуспешна отколку на „Титаник“.

Вкупно биле спуштени околу 35 чамци за спасување, повеќето од нив без поголеми проблеми. Најголемата трагедија се случила кога два чамца биле спуштени прерано, додека пропелерите сè уште работеле, поради што биле вовлечени и уништени. Во тие несреќи загинале 30 луѓе – што биле и единствените жртви при потонувањето.

„Британик“ исчезнал под површината во 9:07 часот. Повеќето патници и членови на екипажот биле спасени благодарение на брзата реакција на бродовите во близина, како и на релативно топлото море за доцна есен.

Остатоците од бродот биле откриени од Жак Кусто во 1975 година. Бродот лежи на својата десна страна, на длабочина од приближно 120 метри, и е исклучително добро зачуван. Денес, тој е заштитен со грчкиот закон, а пристапот е дозволен само за искусни технички нуркачи.

Иако останува во сенката на „Титаник“, судбината на „Британик“ е подеднакво фасцинантна: бродот, кој никогаш не служел како патнички брод, го завршил својот век како симбол на воената трагедија, медицинската храброст и големите технолошки амбиции од почетокот на 20. век.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шефот на британските воздухопловни сили: Ова може да биде последниот борбен авион со пилот

Следниот британски борбен авион би можел да биде последниот во чија пилотска кабина ќе има пилот, изјави ер-маршалот сер Харв Смит, висок командант во Кралските воздухопловни сили (РАФ), во интервју за „Телеграф“. 

Шефот на британските воздухопловни сили: Ова може да биде последниот борбен авион со пилот

Смит смета дека борбените авиони без екипаж, потпомогнати од вештачка интелигенција, целосно ќе ја трансформираат воената авијација – промена што тој ја спореди со преминот од авиони со пропелери кон авиони со млазен погон.

Се очекува новиот борбен авион да биде подготвен до 2035 година.

Британија развива борбен авион од шестата генерација наречен „Темпест“ (Tempest), кој ќе вклучува „стелт“ технологија. Тој се развива како дел од меѓународна иницијатива позната како „Глобална програма за борбена авијација“ (GCAP).

Во проектот, вреден повеќе милијарди фунти, се вклучени британската компанија „BAE Systems“, италијанската „Leonardo“ и јапонската фирма „Japan Aircraft Industrial Enhancement Company“. Планот е новото летало да влезе во оперативна употреба до 2035 година.

„Леталото од програмата GCAP би можело да биде последното борбено летало со екипаж што некогаш ќе го изградиме – не затоа што луѓето ќе станат помалку важни, туку напротив“, изјави Смит за „Телеграф“.

Смит објасни дека британското Кралско воено воздухопловство (RAF) во иднина ќе ги комбинира постојните борбени авиони со автономни системи – односно, со летала способни самостојно да извршуваат одредени задачи.

„Доколку се користат правилно, вештачката интелигенција и машините ќе ги преземат најопасните задачи наместо луѓето; сепак, технологијата мора да го подобри човечкото расудување, а не да ја замени човечката одговорност“, рече Смит.

Британското Кралско воено воздухопловство моментално управува со борбените авиони „Еурофајтер тајфун FGR4“ (Eurofighter Typhoon FGR4) и „Ф-35Б лајтнинг“ (F-35B Lightning). Вториот модел го користи и Кралската морнарица, бидејќи е способен да полетува и слетува на носачи на авиони.

Смит најави дека првите беспилотни борбени летала ќе почнат да летаат низ британскиот воздушен простор уште следната година. Ова ќе го означи почетокот на нова фаза во развојот на воената авијација, во која луѓето сè повеќе ќе управуваат со леталата од далечина.

„Беспилотните борбени летала ќе почнат да летаат во британскиот воздушен простор следната година. Ова е истовремено возбудливо и неопходно“, изјави првиот човек на британското Кралско воено воздухопловство.

Велика Британија веќе го користи беспилотното летало „Протектор“ - долго приближно 11 метри - дизајнирано и за извидување и за вооружени операции.

Се управува од RAF Waddington, база лоцирана во англискиот округ Линколншир. „Протектор“ може да остане во воздух приближно 40 часа и е способен да носи ракети „Бримстоун“ и прецизно водени бомби „Пејввеј“.

За разлика од целосно автономните системи, ова летало е контролирано од оператори на земја.

САД веќе тестираат борбени беспилотни летала заедно со борбени авиони.

Минатиот месец, воздухопловните сили на САД спроведоа тест што демонстрираше како би можела да изгледа таквата соработка.

Борбен авион „Ф-22 Раптор“, пилотиран од човек, полета од воздухопловната база „Едвардс“ во Калифорнија. За време на тестот, пилотот на „Ф-22“ дал тактички инструкции на беспилотното летало „ЈФК-44А Фјури“ што летало во близина. Дронот потоа независно ги толкувал овие команди, ги избирал своите маневри и извршувал симулирани борбени задачи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер