Според Мицкоски потребно е да се олесни процесот на гласање на иселениците, особено од прекуокеанските земји кои според него треба да летаат по 10 часа за да го остварат своето право на глас. Премиерот очекува СДСМ, Левица, ДУИ и партиите на Села и Таравари меѓусебно да се договорат за една изборна единица, моделот на финансирање и поплаките, до рокот до 15 јули за, како што рече, Изборниот законик да не биде жртва на дневнополитички театар.

-Ова сега што го прават нема никаква врска со вистината, ова е театар за мал број гласачи којшто се уште им веруваат. Велат ние не се потпишуваме со вас, ние сме Робеспјерови следбеници итн, е така не може. Ако сакате да учествувате ќе мора да имате и одговорност. И потоа настапи и втората опозициска партија, СДСМ, па поднесоа илјадници амандмани секој си наоѓаше некаква забелешка за да ние дадеме јасен предлог – седнете договорете се во опозицијата. Што сакате, како сакате. Дајте предлог во којшто ќе е вклучено гласањето на дијаспората и ние бланко го поддржуваме. Се што сакате ние бланко ќе ви поддржиме. Само да биде содржано гласањето на дијаспората. Една изборна-една изборна, повеќе пари-повеќе пари, еве ние ќе намалиме од кај нас, иако сме најголема политичка партија, нека биде за нив, изјави Мицкоски.

Од СДСМ претходно го одбија повикот на власта за договори меѓу опозициските партии, велат, тоа е проблем на власта. Тврдат дека тие не се против гласање на дијаспората, туку против модел кој, како што велат, отвора врата за изборен грабеж. Од Левица, пак, денеска преку соопштение реагираат, за како што велат, обидите на ВМРО-ДПМНЕ да се претстави како заштитник на дијаспората и тврдат дека не планираат да откажат од барањето за една изборна единица.

ДУИ веќе ги оценија како пропаднати меѓупартиските преговори за Изборниот законик и ги обвинија ВМРО-ДПМНЕ дека се повлекле и од првично договореното електронско гласање на дијаспората.

Со оглед на различните желби се помали се шансите во наредните денови партиите да најдат консензус за измените на Изборниот законик кои се се засега единствената неисполнета од 10 – реформи од јунскиот рок кој истекува на 15 јули а од нејзината реализација зависат околу 4 милиони евра кои Македонија би ги добила од Европската Унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во тесната судница во која на моменти беше морничаво, на почетокот обвинетиот не го потврди сопствениот идентитет, а по паузата прозборе и кажа дека е вработен овчар. Откако се изјасни за невин, бранителот ангажиран од семејството не сакаше повеќе да го застапува.

Обвинителот Љубомир Лапе ги наведе доказите, фотографии, ДНК анализи, извештаи од ексгумации и психијатриско вештачење кое сега не беше детално образложено, но според кое, Трајко Бојковски знаел што прави кога напаѓал жени што живееле сами за да задоволува ниски страсти.

Обвинителот Лапе тврди дека има неспорни докази, а на обвинетиот ќе му се овозможи бранител по службена должност, бидејќи првичниот одби да го застапува откако не призна вина.

Правните застапници на жртвите и преживеаните очекуваат доживотен затвор за обвинетиот.

На следното рочиште закажано за 31 август ќе бидат сослушани и испитани преживеаните жени, а според обвинителството доказите и сведоците во целина и без сомнеж ќе докажат дека обвинетиот ги задоволувал своите полови страсти кон мртви тела.

Таргетирал стари жени, влегувал во нивните домови, ги удирал и ги давел и откако ќе ги усмртел вршел полови дејствија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерот за внатрешни работи Панче Тошковски и директорот на Бирото за јавна безбедност Александар Јанев денеска во Министерството за внатрешни работи остварија официјални средби со генералниот секретар на Интерпол, Валдеси Уркиза, кој престојува во официјална посета на Република Македонија.

На средбите беше разговарано за понатамошно унапредување на соработката меѓу Министерството за внатрешни работи и Интерпол, за јакнење на оперативната координација, размената на информации, развојот на професионалните капацитети и заедничкото справување со организираниот и транснационалниот криминал, сајбер-криминалот, тероризмот, трговијата со луѓе, илегалната миграција и финансиските истраги.

Во рамки на разговорите беше потврдена и важноста од континуирано инвестирање во современи полициски капацитети, примена на нови технологии и натамошно продлабочување на партнерството со Интерпол, како еден од клучните предуслови за ефикасен одговор на современите безбедносни закани.

Министерот за внатрешни работи Панче Тошковски истакна дека посетата на генералниот секретар Уркиза претставува силна потврда за довербата што македонската полиција ја ужива во рамки на најголемата меѓународна полициска организација.

„Разговаравме за унапредувањето на нашата соработка во борбата против организираниот и транснационалниот криминал, сајбер-криминалот, трговијата со луѓе, илегалната миграција, тероризмот и финансиските истраги, како и за понатамошното јакнење на размената на информации и оперативната координација. Продолжуваме да инвестираме во модерна, професионална и европска полиција, затоа што само преку силни партнерства, меѓусебна доверба и заедничко делување можеме успешно да се справиме со современите безбедносни предизвици и да обезбедиме поголема сигурност за сите наши граѓани“, истакна министерот Тошковски.

Генералниот секретар на Интерпол, Валдеси Уркиза, ја поздрави активната улога на македонската полиција во меѓународните операции и ја истакна важноста на партнерството со Република Македонија.

„Интерпол високо ја цени активната вклученост на македонската полиција во нашите глобални операции и иницијативи. Современите закани бараат меѓународен одговор, а Македонија е доверлив партнер кој покажува професионалност, посветеност и подготвеност да придонесе во заедничката борба против транснационалниот криминал. Ќе продолжиме заедно да ги јакнеме капацитетите, да ја унапредуваме размената на информации и да инвестираме во новите генерации полициски професионалци“, истакна генералниот секретар Уркиза.

Директорот на Бирото за јавна безбедност Александар Јанев нагласи дека посетата на генералниот секретар на Интерпол претставува признание за професионалноста и кредибилитетот на македонската полиција и потврда за успешната меѓународна соработка што Министерството ја развива во изминатиот период.

„Во рамки на посетата ја претставивме нашата визија за развој на современа, професионална и одговорна полиција, подготвена да одговори на сè покомплексните безбедносни предизвици на денешницата. Особено значајно е што македонската полиција има свои претставници во структурите на Интерпол, а нашето Национално централно биро Интерпол – Скопје секојдневно дава значаен придонес во меѓународната размена на информации и заедничките оперативни активности. Силните партнерства, меѓусебната доверба и заедничката посветеност остануваат најцврстата основа за градење побезбедна иднина за сите наши граѓани“, истакна директорот Јанев.

Во текот на официјалната посета, министерот Тошковски и генералниот секретар Уркиза претходно ја посетија Полициската академија во Идризово, каде што се запознаа со процесот на образование и обука на идните полициски службеници и разговараа за натамошно унапредување на соработката во областа на полициската едукација.

Во рамки на програмата, генералниот секретар на Интерпол оствари средба и со службениците од Националното централно биро Интерпол – Скопје, го посети Одделот за форензички испитувања при Министерството за внатрешни работи, каде што се запозна со форензичките капацитети на Министерството, а во кругот на МВР положи свежо цвеќе пред спомен-обележјето во чест на загинатите полициски службеници, оддавајќи почит на нивната жртва и служба во заштита на безбедноста на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.