ВМРО-ДПМНЕ првиот круг од локалните избори го оцени како историска победа - Канал 5

Македонија

ВМРО-ДПМНЕ првиот круг од локалните избори го оцени како историска победа

Убедлива победа и видно расположение, но прославата одложена, поставената бина пред седиштето на ВМРО-ДПМНЕ остана празна и неискористена, единствено што се слушаше беше амбиенталната народна музика.

ВМРО-ДПМНЕ првиот круг од локалните избори го оцени како историска победа

Дел од челновите и симптизерите што дојдоа во штабот генерално беа задоволни и ги очекувале резултатите, а сега очекуваат работа од избраните градоначалници.

Како гледате на резултатите? Победнички./ Подобри од што ги очекувавме./ Убедлива победба како претходните, победата се знаеше, победуваме во втор круг се најавува за Град Скопје./ Да продолжат со одлично темпо, да ја градат Македонија, а не да ја рушат./ До сите градоначалници, граѓаните кои ги избраа, на овие локални избори треба да се свесни, треба совесно, чесно и одговорно да ја работат работата, да бидат најмногу за граѓаните, а не за себе.

Пораздвижено и со подобра атмосфера беше внатре во штабот, а единствената славеничка кулминација се случи за време на обраќањето на претседателот на партијата Мицкоски, кога имаше и скандирања..

Мицкоски, прогласи како што рече историска победа, но порача дека не е време за славје и опшуштање, бидејќи изборите се уште траат.

-Затоа вечер не славиме, туку ветуваме. Ветуваме дека ќе работиме уште повеќе, дека секој глас ќе го претвориме во дело, секоја надеж во резултат, ветуваме дека оваа победа нема да ја мериме со бројки, туку со направени дела, затоа што вистинската победа ќе биде кога секој човек ќе каже - „да, вредеше“,-- Христијан Мицкоски – Претседател на ВМРО – ДПМНЕ .

Откако спласна еуфоријата, денеска потпретседателот на партијата Александар Николовски на прес конференција со слоган „Македонија е обоена во црвено“, рече дека овие избори покажале дека СДСМ е на своето најниско ниво, губејќи ги своите бастиони како Струмица, а вели, силна е пораката и која ја добиле ДУИ.

-СДСМ е на најниското ниво од своето основање до денес, јасно е дека народот праќа јасна порака на двоецот Венко Филипче – Зоран Заев, оставката е најморалниот чин на човек кој доживеал ваков дебакл, граѓаните јасно кажаа дека е доста од двоецот Зоран Заев – Венко Филипче. На овие избори го декласиравме и ДУИ. ДУИ минатата година замина во опозиција, а на овие избор е декласиран, тие изгубија катастрофално и народот им кажа што мисли за нив и нивната деструктивна и криминална политика-- Александар Николовски – Потпретседател на ВМРО-ДПМНЕ.

По резултите вчера, од ВМРО-ДПМНЕ порачаа и дека темата за „легимитетот“ што ја отвори ДУИ, како и барањето за предврмеени парлментарни избори се веќе затворени.

YouTube video

Тагови: Александар Николоски ВМРО-ДПМНЕ Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вонредни избори на Косово

Денес на  Косово  се одржуваат вонредни парламентарни избори , откако институциите не успеаја да изберат претседател во рокот утврден од Уставниот суд, што доведе до распуштање на Собранието и распишување нови избори.

Вонредни избори на Косово

Според податоците на Централната изборна комисија, право на глас имаат околу 2,1 милион избирачи, од кои значителен број се регистрирани во дијаспората.

Во изборната трка учествуваат 17 политички партии, три коалиции и еден независен кандидат, кои ќе се натпреваруваат за 120 места во парламентот. Меѓу учесниците е и најголемата српска политичка партија на Косово – Српска листа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Македонскиот КИЦ во Загреб со „АЈДЕ!“ ја исполни до последно место салата на Загрепскиот танцов центар

Преполна сала, долги овации и силни емоции ја одбележаа изведбата на современата танцова претстава „АЈДЕ!“ во организација на македонскиот Културно-информативен центар во Загреб. 

Македонскиот КИЦ во Загреб со „АЈДЕ!“ ја исполни до последно место салата на Загрепскиот танцов центар

Големиот интерес на публиката резултираше со целосно исполнета сала на Загрепскиот танцов центар, што претставува уште една потврда за растечкиот интерес за македонската современа уметност и култура во Хрватска.

Публиката уживаше во впечатливата и моќна танцова претстава на авторите и кореографи Игор Киров и Бојан Мицев, која преку современ сценски израз отвора универзални теми за љубовта, слободата, припадноста и предизвиците наметнати од општествените норми.

Долгиот аплауз и емотивната реакција по завршувањето на претставата јасно покажаа дека „АЈДЕ!“ е дело кое комуницира силно и непосредно со гледачите, без оглед на националните и културните граници.

Пред почетокот на претставата, на присутните им се обратија директорката на македонскиот КИЦ во Загреб Мими Ѓоргоска Илиевска, директорката на Загрепскиот танцов центар Александра Мадсен и кореографот Игор Киров, еден од најистакнатите македонски балетски уметници и кореографи, со свестско реноме во доменот на модерниот танц, кој има постигнато врвни уметнички остварувања на меѓународната балетска сцена. Во своите говори тие ја поздравија публиката и ја истакнаа важноста на оваа прва соработка меѓу македонскиот КИЦ и Загрепскиот танцов центар, преку која македонската современа танцова уметност добива значајна меѓународна видливост и се отвораат нови можности за соработка, преку вмрежување и афирмација на македонските автори и уметници надвор од границите на државата, како и продлабочување на културните врски меѓу Македонија и Хрватска.

„Уметноста има моќ да ги поврзува луѓето без оглед на границите, јазиците и различностите. Вечерва преполната сала на Загрепскиот танцов центар е најдобрата потврда дека публиката препознава искрена емоција, квалитет и значењето на културната размена меѓу Македонија и Хрватска“, истакна Ѓоргоска Илиевска.

Претставата „АЈДЕ!“ претставува значаен пример на современото македонско танцово творештво, кое преку автентичен уметнички пристап успешно ги поврзува традицијата, современоста и универзалните човечки вредности. Ова е очигледен показател дека уметноста останува еден од најсилните мостови за поврзување на луѓето, културите и општествата.

Продукцијата на претставата е поддржана од Министерството за култура и туризам, Општина Штип и ЕАМ Штип, а гостувањето во Загреб е дел од годишната програма на Македонскиот КИЦ во Загреб, реализирана во соработка со Motion Network продукција и Загрепскиот танцов центар со поддршка на Министерството за култура и туризам.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Перез или Рикелме, Реал Мадрид избира нов претседател

Најтрофејниот шпански фудбалски клуб, Реал Мадрид денеска бира претседател, над 75.000 членови имаат право на глас.

Перез или Рикелме, Реал Мадрид избира нов претседател

Актуелниот Флорентино Перез или Енрике Рикелме е изборот на 75000 членови на Кралскиот клуб со право на глас на денешните претседателски избори, први по 20 години.

Гласањето започна во 9 часот и ќе трае се до 20 часот.

Во кампањата која беше шестока двајцата против кандидати имаа многу ветувања околу нови фудбалери.

Перез кој е фаворит на изборот според анкетите вети дека ако остане на чело на клубот има договор со тренерот Жозе Мурињо, и дефанзивците Ибрахима Конате и Дензел Думфрис, а најави и една суперѕвезда,

Неговиот противкандидат Рикелме вети дека во клубот ќе ги врати легендите Раул, Касилјас, Јеро кои би имале директорски функции, а а како засилувања ги најави Ерлинг Халанд и Родри, додека за тренер ќе преговара со Јирген Клоп.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер