Македонија

ВМРО-ДПМНЕ: Предлог измените на Законот за минерални суровини ги зајакнуваат механизмите за заштита на животната средина

Предлог измени на Законот за минерални суровини, не се закана за животната средина, затоа што на сила остануваат сите постојни механизми за нејзина заштита.

Предложените измени се јасно дефинирани, ограничени по опфат, прецизно таргетирани и се однесуваат исклучиво на јавните претпријатија, односно субјекти врз кои државата има директна или индиректна контрола и на минерални суровини од јавен интерес, пред сè енергетски минерали како јагленот и други ресурси со стратешко значење за државата.

Важно е да се напомене дека во ниеден случај не се менуваат еколошките стандарди, не се укинува обврската за студии за влијание врз животната средина, не се намалуваат механизмите за инспекциски надзор и контрола и не се отвора простор за неконтролирано доделување концесии на приватни субјекти.

Наспроти тврдењата во јавноста, измените ја зајакнуваат улогата на државата во управувањето со ресурсите од стратешкото значење и со нив се обезбедува координирано и контролирано користење на ресурсите.

Во член 10 се предвидува дека за одредени категории минерални суровини од јавен интерес, Владата дава претходна согласност во постапката за доделување концесија за детални геолошки истражувања.

Ова, во ниту еден случај, не е олеснување на процедурите, туку напротив, претставува, вклучување на највисокото ниво на одлучување, што значи поголема одговорност и институционална контрола.

Измените овозможуваат во постапката за добивање дозвола за експлоатација да се земе предвид и одлука за поведување постапка за експропријација, но исклучиво во случаи кога станува збор за проекти од јавен интерес.

Тие имаат за цел да ги надминат практичните административни пречки кои досега ја отежнуваа реализацијата на проекти од јавен интерес, особено во енергетскиот сектор, што значи поефикасна постапка, не пониски стандарди.

Со овие измени се дава предност на јавниот интерес преку институции под државна контрола и се создава правна рамка за реализација на проекти од стратешко значење, особено во енергетиката.

Сето ова не значи либерализација, туку поефикасни постапки, повисоко ниво на контрола на државата, високи еколошки стандарди и зајакнати механизми за заштита на животната средина.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заврши самитот во Тиват- Фон дер Лајен: Кога реформи ќе бидат испорачани, тогаш пристапниот пат кон ЕУ мора да биде награден

Заврши самитот ЕУ - Западен Балкан во Тиват, Црна Гора.

Македонската делегација ја предводи премиерот Мицкоски, кој имаше две одделни средби со францускиот претседател Макрон и германскиот канцелар Мерц.

Со слика одиме директно во Тиват. Таму е колешката Афродита Рамос. Афродита, дали имаше некаков заклучок, односно што е епилогот на Самитот?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Косово викендов ќе одржи трети избори за една година

Косово ќе одржи парламентарни избори во недела по трет пат за нешто повеќе од една година, откако партиите не успеаја да постигнат договор за избор на нов претседател.

Предвремените избори се одраз на долготрајната политичка и институционална криза во која движењето Самоопределување (Ветевендосје) на премиерот Албин Курти се надева на уште една победа, објави Индекс.

Тоа ќе бидат 11-ти парламентарни избори од 2001 година, кога беа одржани првите повоени национални избори, а повеќето беа нерегуларни.

Османи ја губи поддршката од Курти

Предвремените избори беа распишани бидејќи косовскиот парламент не успеа да избере нов претседател во уставниот рок по завршувањето на мандатот на претседателката Вјоса Османи.

Претседателот се избира индиректно, во парламентот.

Османи, кој беше избран за претседател во април 2021 година по победата на Самоопределување, изрази желба за втор мандат, но не ја доби поддршката од Курти. Самоопределување предложи неколку кандидати за претседател, но ниту еден од нив не ја доби потребната поддршка од опозицијата.

По истекот на мандатот на Османија, претседателските овластувања на 4 април ги презеде претседателката на парламентот, Албулена Хаџиу, која ќе биде вршител на должноста претседател до изборот на нов претседател.

Политичката криза трае од минатогодишните избори

Политичката и институционалната криза во Косово се продлабочи по парламентарните избори во февруари минатата година, кога, и покрај убедливата победа на Самоопределување, следеа бројни неуспешни обиди за конституирање на парламент и формирање влада.

Курти ја обвинува опозицијата за политичкиот застој, додека најголемата опозициска партија, Демократската партија на Косово (ПДК), смета дека владејачката Самоопределување е одговорна за нови предвремени избори.

Според државната изборна комисија, на изборите во недела учествуваат 21 политичка партија или сојузи.

Резултати од последните избори

Самоопределување, кое исто така победи на предвремените парламентарни избори минатиот декември, смета на трета победа. Османи, која бара враќање на претседателската функција, оттогаш повторно се приклучи на нејзината поранешна партија, Демократската лига на Косово (ЛДК).

Партијата на Курти освои 51 процент од гласовите на последните избори. ДПК беше втора со 20 проценти поддршка, ЛДК трета со околу 13 проценти од гласачите, а Алијансата за иднината на Косово (ААК) четврта со 5,5 проценти поддршка.

Малцински места во парламентот

Десет места во косовскиот парламент со 120 члена му припаѓаат на српското малцинство, а уште десет се резервирани за претставници на другите малцинства.

Српската листа, поддржана од официјален Белград, освои девет места резервирани за српската заедница на претходните предвремени избори. Десеттото место го освои листата „За слобода, правда и опстанок“ на Ненад Рашиќ, кој е министер за заедници и враќање во владата на Курти.

Тагови: избори Косово

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојковски: Нон пејперот е добра вест, но може да биде и лоша ако земјава застане со реформите

Ако Македонија ги спроведува реформите со добро темпо, француско германскиот нон пејпер значи добра вест за земјава, смета аналитичарот Андреа Стојковски од „Преспа Институтот“.

Спред него тој ќе донесе голем број придобивки за државата, пред сѐ економски, но смета дека недостасува временска рамка... Сепак вели документот не ги заобиколува уставните измени, кои и понатаму остануваат услов.

Стојковски очекува предлогот на Мерц и Макрон да биде прифатен од сите земји членки на Унијата. Со него разговараше Ивана Стојановска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

​Предлог измени на Законот за минерални суровини, не се закана за животната средина, затоа што на сила остануваат сите постојни механизми за нејзина заштита.

Заврши самитот ЕУ - Западен Балкан во Тиват, Црна Гора.

Предлог измени на Законот за минерални суровини, не се закана за животната средина, затоа што на сила остануваат сите постојни механизми за нејзина заштита.