Македонија

ВМРО - ДПМНЕ: Членовите на Судски совет со изгласана недоверба, оправдуваат пресуди

Членовите на Судски совет со изгласана недоверба, наместо да поднесат оставки, оправдуваат пресуди од две години затвор за убиство на млада девојка на пешачки.

Судството уште еднаш покажа дека не работи во заштита на правдата и во корист на граѓаните.

Наместо правда за народот, судството единствено работи во заштитата на неговите членови кои делат неправда или пак ја раздаваат правдата.

Со вчерашната постапка, Судскиот совет само го потврди ова. Судски совет се стави во служба и заштита на судија за кој човечкиот живот вреди само две години затворска казна. Тие го штитат судијата кој на возач, кој прегази и усмрти млада девојка која поминувала на пешачки, му пресудиле бедни две години затвор и го покриваат неговиот срам.

Овие членови на Судски совет, сите до еден се луѓе на Зоран Заев, кои се избрани од претходната влада на СДС и ДУИ, кои сега здружно ја газат правдата и ја уриваат државата.

Токму ова и беше причината поради која и им беше изгласа недовербата.

Но тие, не знаејќи за срам, морал и интегритет, наместо да поднесат оставки, со изгласани интерпелации продолжуваат да прават неправда.

Ова е тоа судство, расцветано како пупка на Заев, кое за ќебапи одредува пет години затворска казна, за кубење за коса на Радмила Шекеринска четири, додека за убиен човек само две години казна затвор.

Ваквите срамни одлуки на судството, потоа одбранети и поддржани и од Судски совет директно влијаат на губењето на надежта кај граѓаните дека правда во Македонија е возможна и дека постои.

Но овој гнил правосуден систем ќе падне и ќе се распадне. Во државата ќе има одговорност и ќе има независен и кредибилен судски систем, во кој дел ќе бидат високо професионални лица со кредибилитет и висок морален интегритет.

Тагови: Заев Судскиот совет

Фудбал

Милан го декласира Интер и се пласираше во финалето на Купот на Италија

Во реваншот од полуфиналето на фудбалскиот Куп на Италија, Милан синоќа како гостин го совлада градскиот ривал Интер со 3:0.

Стрелец на првите два гола беше Лука Јовиќ (36. и 50. минута), конечниот резултат го постави Тејани Рејндерс во 85. минута.

Во првиот натпревар екипите одиграа нерешено 1:1, па така со вкупни 4:1 Милан се пласираше во финалето.

Вториот финалист ќе биде одреден вечер по натпреварот Болоња - Емполи (прв натпревар – 3:0).

Тагови: Интер Милано Милан

Свет

Трамп: Мислам дека имам договор со Путин и со Зеленски за решавање на војната во Украина

Американскиот претседател Доналд Трамп изјави дека верува дека има мировен договор со Русија и со Украина.

Претседателот посочи дека договорот со украинскиот претседател Володимир Зеленски “виси во воздух“, но посочи дека договорот е блиску.

„Мислам дека Русија е подготвена и многу луѓе рекоа дека Русија сака да се заврши целата работа. И мислам дека имаме договор со Русија. Мораме да постигнеме договор со Зеленски“, им рече Трамп на новинарите во Овалната соба.

„Мислев дека можеби е полесно да се справам со Зеленски. Досега беше потешко... Но, мислам дека имаме договор со двајцата. Се надевам дека ќе го направат тоа“, рече Трамп.

Запрашан за предлогот на САД претставен на Украина, според кој Крим ќе биде признаен како де јуре руска територија, Трамп не се осврна директно на ова прашање, нагласувајќи дека „нема фаворити“ меѓу Украина и Русија и дека само сака војната да заврши.

Американскиот претседател рече дека наскоро може да се сретне со Путин по патувањето во Саудиска Арабија, Катар и Обединетите Арапски Емирати.

На прашањето дали може да се сретне со Путин во Саудиска Арабија, Трамп рече дека тоа е можно, но малку веројатно.

Трамп синоќа нагласи дека изјавата на украинскиот претседател Володимир Зеленски дека Киев не може да го признае отцепувањето на Крим е „многу штетна за мировните преговори со Русија“.

Украинскиот претседател Володимир Зеленски се фали на насловната страница на „Волстрит џурнал“ дека „Украина нема законски да ја признае окупацијата на Крим. Нема за што да се зборува“, напиша Трамп на својата мрежа Truth Social.

Според него, таа изјава е многу штетна за мировните преговори со Русија, имајќи предвид дека Крим „е изгубен пред неколку години под покровителство на претседателот Барак Хусеин Обама“ и не е ни тема за разговор.

Тагови: Доналд Трамп

Свет

Зеленски признава дека разговорите биле „емотивни“, алудирајќи на спорот околу Крим

Украинскиот претседател Володимир Зеленски вчера призна дека мировните преговори во Лондон биле обележани со „емоции“ и вети дека Украина ќе се држи до својот устав, алудирајќи на критиките на САД .

Украинскиот претседател Володимир Зеленски вчера призна дека мировните преговори во Лондон биле обележани со „емоции“ и вети дека Украина ќе се држи до својот устав, алудирајќи на критиките на САД за неговиот став дека Киев никогаш не може да ја признае руската контрола на полуостровот Крим.

- Емоциите денеска беа разбранувани. Но, добро е што петте земји се сретнаа за да се приближи мирот. Американската страна ја сподели својата визија. Украина и другите Европејци ги претставија своите. И се надеваме дека ваквата заедничка работа ќе доведе до траен мир, напиша Зеленски на платформата Икс по разговорот.

Во својата објава, Зеленски рече дека Украина „секогаш ќе постапува во согласност со нејзиниот устав и ние сме апсолутно сигурни дека нашите партнери, особено САД, ќе постапат во согласност со нивните цврсти одлуки“. Тој приложи копија од изјавата на тогашниот американски државен секретар Мајк Помпео од 2018 година за време на првиот мандат на Трамп како претседател - во која се повикува Русија да ја прекине окупацијата на Крим и да го одржи принципот дека границите не треба да се менуваат со сила.

Разговорите меѓу американски, украински и европски претставници во Лондон вчера за ставање крај на руската војна во Украина беа ставени на втор план откако американскиот државен секретар Марко Рубио ненадејно го откажа патувањето во Велика Британија.

Тагови: зеленски САД