Влијанието на божиќниот и новогодишниот консумеризам врз животната средина - Канал 5

Живот

Влијанието на божиќниот и новогодишниот консумеризам врз животната средина

На активностите на човекот кои оставаат последици врз животната средина несомнено се вбројува и модерниот косумеризам за време на Божик и Нова година, кој исто така влијае врз „здравјето на Земјата“.  

Влијанието на божиќниот и новогодишниот консумеризам врз животната средина

„Среде соба високо елката ни стои....“ и ако е природна таа испушта 16 килограми гасови еквивалент на јаглерод диоксидот по нејзиното складирање по употребата. Ова количество на емитувани штетни гасови е поголемо од она што би се ослободило при расцепкување на природната елка и при нејзино спалување.

Кога станува збор пак за пластичните елки, состојбата е уште пострашна. Вештачките елки оставаат уште поголеми јаглеродни отпечатоци, испуштајќи во просек околу 40 килограми гасови еквивалент на јаглерод диоксид. Ваквиот податок не треба да претставува изненадување, ако се има предвид дека пластиката е изработена од фосилни горива.

Покрај емисиите на штетни гасови, тука се и пестицидите. Природните новогодишни елки најчесто се одгледуваат на строго наменски монокултурни плантажи, кои не важат за симболи на биолошкиот диверзитет.

[Први јануари - Нова Година, која годинава е во петок, е неработен ден за сите граѓани. Министерството за труд и социјална политика денеска соопшти дека овој ден е неработен согласно Законот]

За да се заштитат елките од штетници и болести, при нивното одгледување често се користат пестициди, вклучувајќи го и контроверзниот глифосат околу чија употреба се води жестока дебата во Европската Унија.

Германската еколошка невладина организација Сојуз (Бунд) минатата година спровела тестирање на повеќе природни новогодишни елки ширум Германија и на речиси три четвртини од нив или 73,6 отсто биле откриени траги од пестициди.

Дополнителен еколошки проблем е она што се остава под новогодишните елки - детските играчки. Според извештајот на бизнис организацијата Индустрија на играчки на Европа (ТИЕ), околу 80 отсто од играчките во ЕУ по потекло од трети земји што се продаваат онлајн не ги исполнуваат безбедносните стандарди утврдени со Директивата за безбедност на играчките на Европската Унија.

Анализата на ТИЕ утврдила дека во некои играчки количеството на елементот бор, за кој се смета дека предизвикува проблеми со репродуктивното здравје, биле 13 пати над дозволената граница.

ТИЕ оценува дека иако во ЕУ важат едни од најстрогите правила за безбедност на играчките во светот, сепак продавачите ги користат сајтовите за онлајн трговија за да го заобиколат безбедносниот режим на блокот.

Според генералната директорка на ТИЕ, Кетрин Ван Рит, состојбата станува се поалармантна со растот на популарноста на платформите за е-трговија.

- Откривме дека на онлајн пазарите се продаваат многу играчки од страна на продавачи кои често не се од ЕУ и кои навистина не се грижат за безбедноста, изјави Ван Рит за бриселскиот инфо портал „Политико“.

[Како што соопшти денеска ОЛАФ, околу 60 учесници на дводневната конференција ќе разговараат за идентификување на најновите криминални трендови и најдобрите практики во справувањето со појават]

Инаку, меѓу членките на ТИЕ се и „Лего“, одделот за играчки на „Волт Дизни“ и „Мател“, производителот на куклите Барби.

Според статистичките податоци на Евростат, во 2023 година дури 80 отсто од играчките во ЕУ биле увезени од Кина. Речиси сите предупредувања издадени годинава во ЕУ за недозволени количества на хемикалии во играчките се однесуваат на оние по потекло од Кина.

Кога станува збор за играчите и останатите божиќни и новогодишни дарови, тука е амбалажата за нивно пакување, која создава огромни количества отпад, особено ако се има предвид дека само за завиткување на подароците се користат илјадници и илјадници метри хартија.

Така, според невладината еколошка организација Репак, само Ирска со своите нешто над пет милиони жители, од амбалажата за пакување на подароците за Божик во 2022 година генерирала околу 97.000 тони отпад.

Покрај елките и играчките, божиќните и новогодишните празници се врзуваат и со оброците обилни со месо. Според студијата на француската Агенција за еколошка транзиција (АДЕМЕ), спроведена во 2022 година, 83 отсто од количеството на храната подготвена за време на празниците претставува вишок.

Ова укажува дека т.н. сезона на празници е период на генерирање залудно потрошена храна.

Статистичките податоци покажуваат значително зголемување на консумирањето на месо во текот на божиќните и новогодишните празници, што се поврзува со штетните последици на земјоделскиот сектор врз животната средина.

Според Меѓународната агенција за енергетика (ИАЕ), околу 40 отсто од глобалните емисии на метан потекнуваат од земјоделството. Метанот е гас што, меѓу останатите, го испуштаат кравите и овците и тој важи за еден од водечките предизвикувачи на ефектот на стаклена градина.

[Субвенции во висина од 354 милиони денари им се исплатени на вкупно 12.500 сточари кои одгледуваат говеда. Субвенциите се исплатени преку мерката „Директни плаќања за обележани грла говеда“. ]

Податоците на Обединетите нации укажуваат дека речиси 15 проценти од вкупните глобални емисии на стакленички гасови потекнуваат од добитокот, што е приближно еднакво на количествата што заедно ги ослободуваат индустриите за производството на челик и на цемент.

Друг еколошки проблем е и обезбедувањето храна за добитокот, за што се користат огромни површини земјиште за одгледување соја, пченка и други житарки со кои се хранат мисирките и говедата чие месо завршува на божиќните и новогодишните трпези.

Дополнително обезбедувањето пасишта за говедата и овците, често значи потреба од сечење на шуми или вештачко пресушување на мочуришта. Тоа има двојно влијание врз животната средина - се нарушува биодиверзитетот и се елиминираат клучните „вшмукувачки“ на јаглерод диоксид, што придонесуваа за климатските промени и за уништување на природата.

Кога станува збор за климата, тука е и штетно влијание врз неа од патувањата во деновите на Божик и Нова година.

[ТАВ Македонија, аеродромскиот оператор на двата македонски аеродрома, Меѓународниот Аеродром Скопје и Аеродромот Св. Апостол Павле Охрид, бележи 70 отсто пораст во патничкиот сообраќај во 202]

Според податоците на Меѓународната организација за цивилно воздухопловство (ИЦАО), при еден лет на релација Лондон - Њујорк и обратно се испушта повеќе од половина метрички тон јаглерод диоксид по патник.

Ако се има предвид дека еден жител на Европа во просек годишно испушта нешто над седум метрички тони јаглерод диоксид, тоа значи дека само за патување до Њујорк и враќање дома еден Европеец придонесува за зголемување на неговите јаглеродни емисии за речиси една десетина.

Податоците на ИЦАО покажуваат дека на повратен лет меѓу Брисел и Берлин се ослободуваат 0,18 метрички тони, односно 180 килограми, јаглерод диоксид по патник.

Емисиите на јаглерод диоксид при патувањата би можеле да се намалат доколку наместо со авион се патува со воз. Така, воз на релација Брисел-Лондон ослободува 2,9 килограми јаглерод диоксид по патник, додека авион за истото минато растојание би емитувал 68,1 килограми по патник или 23 пати повеќе.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Среде ММА борба ѝ испаднале градите, од тоа заработи богатство на OnlyFans (ВИДЕО)

Мексиканската ММА борачка Лусеро Акоста (32) имаше инцидент за време на борбата против Канаѓанката Шенон Кларк на настанот од Лигата на професионални борци (PFL) одржан на 16 октомври во Чикаго. 

Среде ММА борба ѝ испаднале градите, од тоа заработи богатство на OnlyFans (ВИДЕО)

За време на третата рунда, нејзиниот спортски градник се помести, оставајќи ги нејзините гради накратко изложени на телевизиските камери. Видеото стана вирално на социјалните мрежи, а Акоста по борбата објави дека инцидентот ѝ донел дополнителен приход на OnlyFans.

Акоста, позната по прекарот Ла Лоба, го имаше своето деби за организацијата PFL во Чикаго. Таа добро ја отвори борбата, но Кларк постепено ја презеде контролата. Во третата рунда, Канаѓанката ја собори противничката и почна да ја удира додека лежеше на подот.

За време на таа размена на удари, горниот дел од спортската опрема на Акоста се исфрли, оставајќи ја едната нејзина града изложена. Боречката ја продолжи борбата, но судијата ја запре по една минута и 59 секунди од третата рунда, а победата ѝ беше доделена на Кларк со технички нокаут.

Таа откри дека инцидентот ѝ донел профит

По борбата, Акоста се огласи на Инстаграм и објасни дека поради снимката што се прошири на интернет, интересот за нејзиниот профил на платформата OnlyFans, каде што објавува содржина за претплатници, се зголемил. „Дополнителна заработка на OnlyFans затоа што моите брадавици беа видливи за време на преносот во живо на PFL. Слатко. Официјален спонзор“, напиша мексиканската борачка.

Во друга објава, таа ја наведе и бројката од 500.000, за која американските медиуми претпоставуваат дека се однесува на долари, или приближно 446.000 евра. Сепак, Акоста не објасни дали таа сума претставува вкупна заработка, дополнителен приход од претплатници или нешто друго. Таа дури и не понуди доказ за плаќање, па затоа наведената сума сè уште не е независно потврдена.

Таа има повеќе од 500 илјади следбеници

Пред да дојде во PFL, Акоста настапуваше во организацијата Combate Global, каде што стана препознатлива по својот агресивен начин на борба. Пред поразот од Кларк, таа имаше четири победи по ред помеѓу септември 2022 и април 2025 година.

Поразот во Чикаго беше нејзин трет во професионалната кариера и прв со технички нокаут. Нејзиниот моментален сооднос е шест победи и три порази, додека Кларк со оваа победа достигна сооднос од 9:1.

Мексиканката е популарна и надвор од ММА спортот. Таа има повеќе од 500.000 следбеници на Инстаграм, а претходно привлече внимание со видеа од подводен тренинг во бикини. Таа го користи OnlyFans како дополнителен извор на приход, а по последната борба тврди дека бројот на претплатници ѝ значително пораснал.

Тагови: гради ММА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Фентанил не веќе единствен проблем- на улиците на САД се појави нова опасна дрога

Нов бран на синтетички дроги ја продлабочува кризата со зависност во Соединетите Американски Држави, каде што на пазарот се појавуваат сè поопасни мешавини од психоактивни супстанции .

Фентанил не веќе единствен проблем- на улиците на САД се појави нова опасна дрога

Нов бран на синтетички дроги ја продлабочува кризата со зависност во Соединетите Американски Држави, каде што на пазарот се појавуваат сè поопасни мешавини од психоактивни супстанции кои го зголемуваат ризикот од фатални предозирања, објавува Би-Би-Си.

Иако бројот на смртни случаи од предозирање во САД се намали од врвот од околу 110.000 во 2022 година на околу 70.000 минатата година, експертите предупредуваат дека кризата не е завршена, туку се менува поради зголемената преваленца на синтетички опиоиди и други хемиски супстанции.

Тие не знаат кои супстанции ги земаат

Фентанилот, синтетички опиоид кој е помеѓу 50 и 100 пати посилен од хероинот, често се меша со други супстанции, вклучувајќи синтетички седативи како што се ксилазин и медетомидин.

Ваквите комбинации го отежнуваат уште повеќе лекувањето на предозирањата, бидејќи налоксонот, лек што се користи за враќање на ефектите на опиоидите, не делува на овие седативи.

Според Би-Би-Си, последиците се особено видливи во градови како што се Колумбус, Охајо, и Чикаго, Илиноис, каде што корисниците на дрога честопати не знаат кои супстанции всушност ги земаат.

Скот Сандерс, кој раководи со организација за поддршка на луѓе кои се опоравуваат од зависност во Колумбус, рече дека проблемот се проширил и на корисниците на стимуланси, вклучувајќи крек кокаин, кој може да се меша со фентанил без нивно знаење.

Тој рече дека во округот Франклин, каде што се наоѓа Колумбус, 78 проценти од смртните случаи од предозирање во изминатите 12 месеци биле поврзани со стимуланси.

Дополнителен предизвик за безбедносните служби

Експертите, исто така, предупредуваат за појава на рани и сериозни оштетувања на кожата поврзани со употребата на ксилазин, додека комбинирањето на повеќе синтетички супстанции ја зголемува непредвидливоста на нивните ефекти.

Новите начини за шверцување дрога претставуваат дополнителен предизвик за безбедносните служби. Затворот во округот Кук во Чикаго, еден од најголемите во Соединетите Американски Држави, забележа скок на смртните случаи во 2023 година поврзани со синтетички дроги доставени до затворениците вградени во страниците на книгите и писмата.

Шерифот на округот Кук, Том Дарт, изјави дека затворските службеници морале да ги променат безбедносните процедури, а сега и да ја проверуваат поштата за влага за да откријат хартија натопена во недозволени супстанции.

Дарт верува дека проблемот не може да се реши само со полициски мерки и пресретнување на поштата, туку дека е потребна многу поголема инвестиција во програми за лекување на зависност и закрепнување.

Според него, ширењето на синтетичките дроги го отежнува уште повеќе справувањето со шверцот, бидејќи некои супстанции можат да се произведуваат во импровизирани лаборатории, без потреба од традиционални синџири на снабдување.

Снабдувањето со дрога постојано се менува

Претседателот на САД, Доналд Трамп, ги прогласи нарко-картелите за „терористи“ и ја означи дрогата фентанил, моќен синтетички опиоид, како „оружје за масовно уништување“.

Сепак, снабдувањето со дрога се менува и постојано се дизајнираат нови смртоносни синтетички лекови, вклучувајќи моќен седатив за животни познат на улица како „транк“.

Би-Би-Си известува дека кризата со дрогата во САД се променила во текот на децениите, од хероин и опиоиди на рецепт до фентанил и нови синтетички соединенија, додека експертите предупредуваат дека непредвидливиот состав на уличните дроги претставува зголемен ризик за корисниците.

Покрај борбата против шверцот, организациите што работат со зависници ја нагласуваат важноста на достапниот третман, програмите за превенција и тестирањето за дрога, со цел да се намали бројот на предозирања и да се спасат животи.

Тагови: дрога фентанил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем глад во Авганистан- погодени се 20 милиони луѓе

Се очекува речиси 19,2 милиони луѓе во Авганистан да се соочат со акутна несигурност во исхраната оваа зима поради недостаток на средства, предупреди Канцеларијата на Обединетите нации за координација на хуманитарни прашања (OCHA).

Голем глад во Авганистан- погодени се 20 милиони луѓе

Помеѓу септември и октомври, 15,9 милиони луѓе, или речиси еден од тројца Авганистанци, се соочуваат со акутна несигурност во исхраната на кризно ниво или полошо, изјави Олга Черевко, портпаролка на OCHA во Авганистан, за новинарите во Женева.

Оваа зима, рече таа, пет милиони луѓе би можеле да се соочат со вонредни нивоа на глад.

„Се очекува повеќе од четири милиони деца на возраст од шест месеци до пет години да имаат потреба од третман за акутна неухранетост следната година, вклучувајќи речиси 1,1 милион деца со акутна неухранетост“, рече таа.

20 милиони луѓе се изложени на ризик

Околу една третина од центрите за исхрана се затворени или прекинати со работа, делумно поради намалување на средствата. „Кога овие услуги ќе исчезнат, последиците можат да бидат неповратни, особено за децата“, предупреди Черевко.

И покрај подобрите врнежи од дожд и зголеменото земјоделско производство, милиони луѓе сè уште не можат да си дозволат храна, а годините конфликт, суша и економски тешкотии ја ослабнаа способноста на семејствата да се справат со кризата, рече таа.

„Но, една добра жетва по неколку години суша не може да ја поправи штетата“, додаде таа.

Черевко, исто така, предупреди дека ограничувањата наметнати врз жените и девојчињата ја влошуваат кризата, повикувајќи се на проценките на УНИЦЕФ дека Авганистан би можел да изгуби до 20.000 наставнички и 5.400 здравствени работници до 2030 година ако продолжат сегашните ограничувања.

Таа повика на итна хуманитарна помош пред зимата, со континуирани инвестиции во земјоделството, вработувањето, здравствената заштита и економските можности за жените.

Тагови: Авганистан глад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер