Влатко Стефановски со награда Порин за посебен придонес во хрватската музика - Канал 5

Шоу биз

Влатко Стефановски со награда Порин за посебен придонес во хрватската музика

 Македонскиот гитарист со меѓународна кариера Влатко Стефановски е добитник на наградата Порин за посебен придонес во хрватската музика (Porin Special Merit Award), што ќе биде доделена на 27 март годинава во сплитската сала „Грипе“. 

Влатко Стефановски со награда Порин за посебен придонес во хрватската музика

„Кроација рекордс“ денеска соопшти дека оваа награда го препознава исклучителниот уметнички опус на Стефановски кој ја обликуваше регионалната музичка сцена, вклучително и хрватскиот културен простор. Потенцираат дека Стефановски е уметник чие творештво ги надминува границите на една средина – неговиот музички јазик, авторитет и креативна доследност оставија силен белег во бројни соработки, меѓу кои Хрватска зазема посебно место.

- Стефановски во текот на повеќедецениската кариера изгради автентичен и препознатлив музички израз во кој природно се испреплетуваат етно-џезот, инструменталниот рок, џез-фјужн и блузот, силно проткаени со наследството на традиционалните македонски ритми. Токму овој уникатен спој го направи симбол на македонската музичка култура, но и еден од најценетите гитаристи на меѓународно ниво, се вели во соопштението.

„Кроација рекордс“ потсетува дека музичкиот пат на Стефановски започнал кога далечната 1965 година добил акустична гитара на подарок, за која во почетокот всушност и не покажувал голем интерес. Сепак, во гимназиските денови се раѓа љубопитноста, започнува да свири, да создава музика, да собира бенд – сè со цел да собере пари и да заработи за уште подобра гитара и засилувач. По завршувањето на гимназијата, составот „Леб и сол“ веќе беше сериозен бенд, а подоцна стана еден од највлијателните во историјата на регионалната музика. Бендот од Скопје, чиј опус трајно ја промени перцепцијата за инструменталната и етно-музиката на овие простори, стана познат по својот карактеристичен звук, за кој најзаслужен беше токму неговиот фронтмен Стефановски, се вели во соопштението.

Од 1978 до 1991 година, дополнуваат од „Кроација рекордс“ снимија 13 албуми, вклучително и концертни, а еден од највпечатливите е Live in New York, снимен во 1991 година во клубот CBGB.

Го истакнуваат и албумот Live in Macedonia, објавен по повторното обединување на групата во 2006 година, со кој се одбележаа 30 години од нивното постоење во состав: Влатко Стефановски, Бодан Арсовски, Гарабет Тавитјан и Коки Димушевски.

По распадот на „Леб и сол“, Стефановски, се вели во информацијата, оствари исклучително богата и разновидна соло кариера. Бројни албуми, соработки, музика за филм и театар, како и меѓународни проекти со светски музичари како John McLaughlin, Allan Holdsworth, Manu Katché, Pino Palladino, Tony Levin, Miroslav Tadić и Teodosii Spassov.

Значаен траг, потенцираат, остави и неговиот албум „Сараево“, кој настана од потребата чувствата кон градот што го сака да ги преточи во музика, а целиот приход од продажбата го донираше за деца без родители. Низ годините соработуваше и со низа најзначајни имиња на хрватската музичка сцена, меѓу кои се Џибони, Арсен Дедиќ, Оливер Драгојевиќ, Матија Дедиќ, Миа Димшиќ, како и со инструментални проекти како Bow vs Plectrum (Hojsak & Novosel), но и со Загрепската филхармонија. Редовно настапуваше на концертните сцени низ земјата и учествуваше на бројни албуми наградени со Порин во различни категории, како изведувач и инструменталист.

- Особено е симболично што Порин за посебен придонес доаѓа веднаш по објавувањето на изданието на кое Стефановски интерпретира десет евергрини на Ѓорѓе Новковиќ – Guitar Sings, снимени со Royal Philharmonic Orchestra во легендарното студио Abbey Road, со што симболично се поврзуваат неговата меѓународна кариера и трајната поврзаност со музиката на овие простори. Со оваа награда, Влатко Стефановски се приклучува на угледната низа добитници на Porin Special Merit Award, чиј придонес е препознаен по силата и значењето на нивните кариери, меѓу кои се Stephen Kovacevich, Sting, Roger Waters, Johnny Winter, John Lydon, Arturo Sandoval, Jean-Luc Ponty, Ron Carter и Lee Konitz, соопшти „Кроација рекордс“.

Оттаму дополнуваат дека придонесот на Стефановски несомнено е препознаен преку неговото трајно музичко влијание, врвните уметнички вредности, како и преку честите и со радост прифатени гостувања во Хрватска, кои претставуваат драгоцен додаток на неговата исклучителна кариера.

Тагови: Влатко Стефановски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нови напади врз бродови, додека разговорите за крај на војната САД - Иран наидоа на нов ќорсокак

 И САД и Хутите од Јемен, кои се сојузници на Иран, објавија одделни напади врз бродови, додека изгледите за завршување на војната со Иран се чинеа слаби, а Техеран изјави дека Ормутскиот теснец ќе остане затворен доколку Вашингтон не ги прифат

Нови напади врз бродови, додека разговорите за крај на војната САД - Иран наидоа на нов ќорсокак

Нападите, на виталните точки за глобалните резерви на нафта – продолжуваат и покрај постојаните тврдења од американскиот претседател Доналд Трамп дека договорот е неизбежен.

Цените на нафтата пораснаа, поради обновениот песимизам за брзо завршување на конфликтот.

И Иран и САД ја засилија реториката во последните два дена.

Највисокиот ирански безбедносен службеник, Мохсен Резаи ,вчера изјави дека виталниот бродски пат низ Ормускиот теснец ќе остане затворен доколку САД не ги прифатат условите на Иран за завршување на војната - ослободување на замрзнатите средства на Иран и крај на конфликтите низ целиот регион, вклучително и во Либан и Газа.

Тоа следеше по новото барање на Трамп во понеделникот дека Иран треба да плати отштета за луѓето убиени во 50-годишните војни, напади и протести.

Тагови: Иран Ормутскиот теснец САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Вечерва пристигнува небески спектакл! По 6 години повторно затемнување на Сонцето: Еве кога почнува – внимавајте на видот

Денес, 12 август 2026 година, со почеток во 19:29 часот, граѓаните ќе имаат можност да го набљудуваат делумното затемнување на Сонцето.

Вечерва пристигнува небески спектакл! По 6 години повторно затемнување на Сонцето: Еве кога почнува – внимавајте на видот

Овој спектакуларен природен феномен во Скопје ќе се одвива во време на заоѓањето на Сонцето на северозападниот хоризонт, и тоа по пауза од полни шест години. Месечината ќе почне да го покрива Сонцето точно во 19:29 часот, а потоа заедно ќе зајдат под хоризонтот.

Во Скопје денес, 12 август 2026, ќе може да се види делумно затемнување на Сонцето. Времињата се по локално време:

Почеток: 19:29 часот

Максимум: 19:36 часот

Крај: околу 19:39 часот

Ќе биде покриен само околу 5% од Сонцето, па затемнувањето ќе биде релативно суптилно.

Не гледајте директно во Сонцето – ризикувате трајно оштетување на видот

Иако станува збор за прекрасна глетка, стручњаците упатуваат сериозно предупредување: никогаш не гледајте директно во Сонцето за време на делумно затемнување без соодветна заштитна опрема.

За да избегнете трајно оштетување на видот, потребно е да се придржувате до следните правила:

Користете сертифицирани очила: Доколку користите заштитни очила, тие мора да бидат официјално сертифицирани според ISO 12312-2 стандардот. Обичните очила за сонце не обезбедуваат заштита.

Не користете оптички уреди: Никогаш не гледајте во Сонцето преку двоглед, телескоп, дурбин или друг оптички уред.

Последиците може да бидат сериозни: Непочитувањето на безбедносните препораки може да доведе до тешко и трајно оштетување на видот.

фото: WIKIPEDIA

Извор: A Owen/ Pixabay

Тагови: затемнување на Сонцето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Несекојдневно уживање на „Охридско лето“ -Созовска и Костов го доловија сиот раскош на барокот

Камерното музицирање на виолинистот Владимир Костов и чембалистката Цветанка Созовска вчеравечер беше несекојдневен настан на „Охридско лето“. Врвните уметници, оваа прекрасна вечер во црквата „Света Софија“ ја посветија на дела создадени во барокот

Несекојдневно уживање на „Охридско лето“ -Созовска и Костов го доловија сиот раскош на барокот

Доловувањето на сиот раскош на барокот започна со едно од најпознатите дела на италијанскиот композитор Антонио Бонпорти, Инвенција оп.10 бр 4 ге-мол за виолина и басо континуо, а потоа беа изведени композиции од Бах, Вивалди, Верачини, Скарлати и Бибер. За голема почит е што македонските уметници ги негуваат и делата на македонските композитори, па така, Созовска ја изведе Свитата за пијано оп.27 од истакнатиот македонски композитор Томислав Зографски за која самата таа ја направи преработката за чембало.

Инаку, врвната чембалистка Цветанка Созовска која има специјализирано барок, точно три децении живее и работи во Холандија, но ја промовира барокната музика и надвор од холандските граници. За да може да го долови барокот на автентичен начин пред љубителите на класичната музика во Македонија, таа во земјава го донесе и својот личен инструмент.

-Инструментот што го користам вечерва е лично мој. Го купив пред три години во Холандија и го увезов во Македонија за да имам и тука инструмент и да можам да патувам и да ја презентирам барокната музика во автентичен стил, не само во Скопје, туку насекаде во земјава. Голема е честа што и на „Охридско лето“ настапувам со мојот инструмент, рече Созовска.

Со нејзиниот колега, виолинистот Владимир Костов, ги врзува не само виртуозноста над своите музички инструменти, туку и големата љубов кон барокната музика. Заедничкото музичко дружење со фестивалската публика, тие го изведоа во историски штим од 415 херци, а Костов на концертот користеше и барокно гудало за својата виолина.

-Како што се развивала виолината во текот на вековите, така се развивало и гудалото. Ова е еден тип на гудало кое што по форма, големина и должина се користело во тоа време за да се долови тој звук. Исто така специфично е и тоа што свириме на автентичен штим од 415 херци. Тоа е штим којшто се изведува со оригиналните инструменти бидејќи во современата музичка практика, инструментите се штимаат на 440 до 442 херци. Овој звук дава посебен амбиент и една посебна интерпретација на барокната музика и уште поголема автентичност на самите дела, појасни Костов, кој е концерт-мајстор во Македонската филхармонија, но и професор на Факултетот за музичка уметност во Скопје.

По вчерашното возбудливо музичко патување низ барокот, на репертоарот на фестивалот „Охридско лето“ вечерва ќе следува концерт на кинескиот пијанист Сихенг Сонг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер