Власта и опозицијата во клинч за протестот на средношколците во Нови Сад - Канал 5

Балкан

Власта и опозицијата во клинч за протестот на средношколците во Нови Сад

Во Србија се отвори нова жестока шолемика и меѓусебни обвинувања меѓу власта и опозицијата по вчерашното прекинување на наставата и излегувањето на улица на 15 минутното оддавање почит за настраданите во несреќата на железничката станица.

Власта и опозицијата во клинч за протестот на средношколците во Нови Сад

Во Србија се отвори нова жестока шолемика и меѓусебни обвинувања меѓу власта и опозицијата по вчерашното прекинување на наставата и излегувањето на улица на 15 минутното оддавање почит за настраданите во несреќата на железничката станица во Нови Сад, јави дописникот на МИА од Белград.

Српскиот премиер Милош Вучевиќ вчера реагираше дека неговиот син Данило кој има 16 години, во гимназијата „Јован Јовановиќ Змај“ во Нови Сад каде учи, „практично бил истеран од училиштето со своите колеги на барање на двајца или тројца наставници, под изговор дека мораат да излезат на улица за наводно да им оддадат почит на загинатите во несреќата во Нови Сад“.

По реакцијата на премиерот Вучевиќ во гимназијата „Јован Јовановиќ Змај“ во Нови Сад, одржаа вонредна седница на Наставничкиот совет и Училишниот одбор, и синоќа излегоа со итно соопштение, во кое ја „осудуваат политизацијата на учениците“.

-Гимназијата ги осудува постапките на наставниот кадар кој ја искористи трагедијата за незаконско и неморално политичко дејствување. Од гимназијата најавуваат и спроведување на дисциплински постапки предвидени со закон и прописи, се наведува во соопштението.

Од опозициското движење „Крени-промени“ на ова реагираа со свое соопштение дека директорот на Гимназијата „ Јован Јовановиќ Змај“ издал наредба наставниците да достават писмени изјави за нивните активности во 11:52 часот (на 15 минутниот протест и одавање почит) и дали во тоа време ги изнеле децата надвор.

Во реакциите денеска се вклучи и министерката за образование Славица Ѓукиќ Дејановиќ која остро ја осуди „злоупотребата на учениците во политички цели“ и изјави дека одговорните ќе сносат последици согласно законот, а Министерството за образование ќе испрати просветна инспекција во училиштето за да ги утврди сите наводи.

На реакцијата на министерката Ѓукиќ Дејановиќ реагираа од Форумот на белградски гимназии „дека последиците ќе ги сносат оние што ги принудија децата на протести“, наведувајќи дека е срамота да се зборува за одговорност на наставниците во време кога едвај се поминати 24 часа од смртта на ученикот во Лесковац, кој беше убиен од друг ученик.

Реагираше и претседателката на Собранието на Србија, Ана Брнабиќ која оцени дека постапките на одредени професори од гимназијата во Нови Сад, кои го натераа синот на премиерот Милош Вучевиќ да ја напушти наставата и да се приклучи на протестот со другарите, е многу повеќе од политичка злоупотреба на децата и побара најстроги санкции.

„Веќе извесно време размислувам како да реагирам на тоа што некој просветен работник самостојно решил да ги извади своите ученици од училницата на улица за да учествува во политичка претстава. Тоа што овој просветен работник свесно направил такво нешто и на дете чиј татко е премиерот на Република Србија, Милош Вучевиќ, без да размисли ниту за момент како се чувствува тоа дете или, уште полошо, да размисли за тоа и со јасна желба да го казни детето за политичките ставови на неговиот татко“, напиша Брнабиќ на Х.

Од друга страна Новосадската опозиција, која ја сочинуваат сите опозициски групи во градското собрание на Нови Сад, денеска најостро ги осуди „неоснованите напади на премиерот на Србија, Милош Вучевиќ, врз наставниот кадар на „Јован Јовановиќ Змај“.

Во соопштението за медиумите, опозицијата наведува дека „Вучевиќ очигледно е многу вознемирен што речиси сите ученици од најпрестижната гимназија во Нови Сад доброволно присуствуваа на петнаесетминутниот час за морал, етика, емпатија и солидарност кон семејствата на жртвите, кога ја напуштија наставата во 11:52 часот и застанаа“.

Од опозицијата повторија дека бараат оставка од премиерот Милош Вучевиќ поради падот на настрешницата на Железничката станица во Нови Сад, при што загинаа 15 лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лавров по состанокот на Г20 во Атланта : Нема подобрување на односите меѓу Русија и САД

„Во пракса, досега не е забележан никаков реален напредок во односите со САД“, рече Лавров синоќа.

Лавров по состанокот на Г20 во Атланта : Нема подобрување на односите меѓу Русија и САД

Шефот на руската дипломатија, Сергеј Лавров, изјави дека досега нема никакво подобрување во односите меѓу Русија и САД, и покрај неговото присуство на состанокот на министрите за надворешни работи на Г20 во американскиот град Атланта, јави ДПА.

„Во пракса, досега не е забележан никаков реален напредок во односите со САД“, рече Лавров синоќа.

„Не треба да се негуваат илузии во врска со договорот за дизел горивото“, додаде тој, осврнувајќи се на договорот меѓу САД и Кремљ за привремено укинување на санкциите, со цел да се овозможи набавка на руско дизел гориво и да се намалат цените на бензинските пумпи.

Лавров изрази незадоволство, наведувајќи дека „суштинските прашања не се решаваат, санкциите остануваат на сила, сите санкции воведени од (поранешниот американски претседател Џо) Бајден продолжуваат да се спроведуваат од страна на актуелната администрација, а се воведуваат и дополнителни санкции за нафтените гиганти ’Лукоил‘ и ’Роснефт‘“, пренесува германската агенција .

Осврнувајќи се на планираните трилатерални разговори меѓу Украина, САД и Русија, Лавров истакна дека преговарачките позиции се јасни.

Според неодамнешните најави од Кремљ, делегациите планирале да се сретнат кон средината на ноември во Абу Даби, главниот град на Обединетите Арапски Емирати, за да ги продолжат разговорите за можно мировно решение, кои беа прекинати со месеци.

Истовремено, Лавров остро го критикуваше својот германски колега Јохан Вадепул, обвинувајќи го за одбегнувањето на министрите на вообичаената заедничка фотографиоја од состанокот.

Министрите за надворешни работи на Г20 ја откажаа заедничката фотографија на учесниците на разговорите во Атланта. Кратко пред почетокот на состанокот, шефот на германската дипломатија изјави дека „нема да има заедничка фотографија на која нашите европски партнери ќе бидат заедно со г-дин Лавров“.

„Јас тоа го нарекувам ’дипломатија на семејни фотографии‘“, рече Лавров. „Ако најважното нешто за нив е како изгледаат на една заедничка фотографија и кој стои до нив, тогаш тоа кажува сè“, пренесе ДПА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Одземена дозволата за работа на АЛТА банка во Србија

Извршниот одбор на Народната банка на Србија (НБС) ѝ ја одзеде дозволата за работа на „АЛТА банка“ а.д. Белград. 

Одземена дозволата за работа на АЛТА банка во Србија

Банката е во сопственост на Давор Мацура, кој се смета за близок до Српската напредна странка – партијата на поранешниот претседател Александар Вучиќ, која претрпе пораз на изборите пред една недела.

Од НБС соопштија дека, со судска одлука, за стечаен управник ќе биде назначена Агенцијата за осигурување на депозити, пренесува nova.rs.

Во соопштение за јавноста, Народната банка на Србија наведува дека на оваа одлука ѝ претходеле контроли, преку кои се настојувало работењето на банката да се насочи кон зголемување на ликвидноста.

„Утврдено е дека во изминатиот период финансиската состојба на банката значително се влошила. Постои можност за дополнителен пад на ликвидноста, поради што се загрозени интересите на депонентите на банката“, се вели во соопштението на НБС.

Од централната банка додаваат дека одлуката е донесена со цел заштита на депонентите и зачувување на стабилноста на финансискиот систем, бидејќи се исполнети условите за одземање на дозволата, пропишани со Законот за банки.

Агенцијата за осигурување на депозити треба да обезбеди исплата на осигурените износи во рок од седум работни дена и да им овозможи на клиентите да располагаат со своите средства. Според податоците на НБС, сметката на „Алта банка“ е блокирана уште од 30 октомври.

Непосредно пред објавувањето на одземањето на лиценцата, компанијата „Алта пеј“ (Alta Pay), која работи во рамките на истата групација како и банката, ги известила своите деловни партнери плаќањата да ги вршат преку нејзините сметки во други банки – „Поштанска штедионица“ и ОТП (OTP), пренесува „Време“.

Овој потег бил невообичаелив, бидејќи „Алта пеј“ има сопствен платен промет и сметки, меѓу другото и во „Алта банка“. Компанијата, всушност, дала насоки да се заобиколат нејзините сметки во матичната банка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќај по влажни коловози

Сообраќајот на државните патишта утринава се одвива непречено, но по претежно влажни коловози и со умерен интензитет надвор од градските средини. 

Сообраќај по влажни коловози

Автомото сојузот на Македонија (АМСМ) апелира за внимателно возење и прилагодена брзина, особено низ котлините и клисурите каде што постои честа појава на одрони. На граничните премини од македонска страна нема подолги задржувања, а на неколку клучни магистрални и регионални правци во тек се активни градежни зафати со посебен сообраќаен режим.

Влажните коловози создаваат дополнителен ризик за возачите кои се движат низ котлините, речните долини и засеците. АМСМ издвојува четири патни правци каде што е потребна исклучителна претпазливост поради одрони од карпи и земја: Катланово – Велес, Маврово – Дебар – Струга, Виница – Берово и Кочани – Делчево.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер