Култура

Владина делегација во Париз на средби со високи претставници на УНЕСКО – ќе се зачува ли статусот на охридскиот регион?

Остана ли уште некоја шанса за балканскиот Бисер – или ќе го добие статусот – Културно наследство во опасност?

Државниот врв е во Париз, во нови дипломатски обиди да го убеди УНЕСКО дека ќе направи чекори за заштита на Охрид како светско културно наследство. Министерот за култура Зоран Љутков досегашните напори со челниците на организацијата ги оценува како позитивни и уверува дека државата прави се што е во нејзина моќ да не се загуби статусот.

-Досега беше на мониторинг и извештаи, ние ја вршевме работата од наша страна, тие од нивна страна, и немавме некакви конкретни дијалози на таа тема, секој ја гледаше својата приказна без да има конкретни решенија. Сега имаме еден ваков дијалог кој што е на нависоко ниво со најрелевантната институција и највлијателните луѓе на УНЕСКО можеме директно да зборуваме за проблемите со кои се соочуваме. Ние сме презеле одредени мерки, но за седум месеци тоа не е доволно и од тие причини побаравме комуникација на највисоко ниво и на одборот и челните луѓе да им ги соопштиме проблемите. Целта е да се избегне таа одлука за загрозено наследство? – Точно. - Зоран Љутков – Министер за култура.

За разлика од официјалните државни претстваници, невладините „навиваат“ Охрид да биде ставен на листата на културно наследство во опасност, бидејќи сметаат дека тоа единстевсн начин да се спаси регионот.. Сметаат дека политичарите досега имале многу шанси, но не покаже доволен интерес да се подобрат сосотјбите.

-Доколку се промени да биде светско наследство во опасност тоа значи активирање на многу механизми кои ќе помогнат регионот да излезе од состојбата во која што е сега, секако и зајакнат мониторинг меѓународен што сега го немаме. Сега имаме извештаи од реактивни мисии кои потоа со политички одлуки се менуваат и се купува време кое всушност го нема. Доколку не се почне да се прави неопходното и не се престане да се глуми дека се е во ред ние само ќе уништуваме само едно богаство кое го нема на ниту едно место во светот. Сите партии кога ќе дојдат на власт сметаат дека тие не смеат политички да си дозволат да го изгубат т.н. УНЕСКО статусот, но тоа што е вистина е дека никоја од нив не придонела да го задржи навистина, – Драгана Велковска – Охрид СОС.

Инаку, последниот ревизорски извештај за Охрид беше полн со забелешки... беа нотирани околу 4.800 дивоградби како хотели, куќи, викендици и угостителски објекти, но мерки за нивно отстранување не се преземени – што, според извештајот, директно го прекршува планот за заштитата на културното наследство.

Нотирани беа и со години ненаплатени комуналии, незаконско користење на јавни површини и недонесени урбани планови за 20 населени места.

Тагови: УНЕСКО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран поднесе жалба до Советот за безбедност на ОН

Иран официјално поднесе жалба до Советот за безбедност на Обединетите нации (СБОН), обвинувајќи ги САД за систематско кршење на Меморандумот за разбирање од Исламабад, потпишан минатиот месец.

Во писмо упатено до генералниот секретар на ОН, Антонио Гутереш, и претседателот на Советот за безбедност, Зенон Нгаи Муконг, постојаниот претставник на Иран во ОН, Амир Саид Иравани, изјави дека САД, како што тврди Техеран, почнале да ги поткопуваат неговите одредби речиси веднаш по потпишувањето на договорот, објави „Прес ТВ“.

На 17 јуни, Иран и САД потпишаа Меморандум за разбирање кој предвидува траен прекин на непријателствата на сите фронтови и продолжување на преговорите за конечен договор во рок од 60 дена.

Според толкувањето на Иран, документот предвидува дека Иран ќе ја преземе одговорноста за управувањето и безбедноста на пловидбата низ Ормутскиот теснец.

Во жалбата, Иравани наведе 42 случаи на наводни прекршувања на договорот од неговото потпишување, вклучувајќи ги воените напади на САД на иранска територија, ограничувањата за продажба на иранска нафта, воспоставувањето алтернативна поморска рута низ Ормутскиот теснец и поддршката за Израел во конфликтите во Либан.

Иранскиот амбасадор особено го истакна Член 5 од меморандумот, за кој тврди дека ја потврдува надлежноста на Техеран врз утврдувањето на безбедното минување низ Ормутскиот теснец.

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето на апелацискиот судија Ѓоко Ристов

Продолжува судењето на апелацискиот судија Ѓоко Ристов.

Тој е обвинет за непријавување имот, прикривање имот и перење пари, откако истражителите пронајдоа заѕидани 350.000 евра во кујната од домот на неговите родители во Неготино.

Судијата Ристов негира вина и тврди дека парите не се негови, а одбраната најави презентирање документи за потеклото на средствата.

Случајот го води судијката Билјана Коцевска од одделот за гонење организиран криминал. Вчера се случи и инцидент во кој беше опожарен патничкиот автомобил „фолксваген пасат“ што го користел обвинетиот судија.

Тагови: судењето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Македонската дијаспора е жртва на блокадата на СДС, Левица и ДУИ

Блокадите што СДС, Левица и ДУИ ги спроведуваат во Собранието се насочени директно против граѓаните.

Најголема жртва на нивната неодговорна политика е македонската дијаспора, која повторно е ставена во втор план поради теснопартиски интереси на СДС Левица и ДУИ.

СДС, Левица и ДУИ со нивните опструкции на законските решенија што треба да ги олеснат административните процедури и да ги подобрат услугите за нашите иселеници, јасно покажуваат дека политичките пресметки им се поважни од потребите на стотици илјади македонски граѓани кои живеат и работат надвор од државата.

Македонската дијаспора со години дава огромен придонес за развојот на државата. Таа инвестира, помага на своите семејства, отвора можности за нови економски врски и ја промовира Македонија низ светот. Наместо да им се овозможат побрзи, поефикасни и подостапни услуги, СДС, Левица и ДУИ одлучија да ги блокираат процесите за олеснување на гласањето и носењето на новиот Изборен законик.

Владата предводена од ВМРО-ДПМНЕ останува цврсто определена да работи во интерес на сите македонски граѓани, без разлика дали живеат во татковината или надвор од неа. Нашата цел е модерна, ефикасна и достапна администрација која ќе биде вистински сервис за дијаспората.

Ги повикуваме СДС, Левица и ДУИ да престанат со деструктивните блокади и конечно да покажат чувство на одговорност. Интересите на македонската дијаспора не смеат да бидат заложник на дневнополитички калкулации.

Македонија има обврска да ги поврзува своите граѓани, а не да дозволи некој да ги оттурнува поради политички мотиви.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.