Владата засега не размислува за повторно намалување на ДДВ-то за дизелот - Канал 5

Економија

Владата засега не размислува за повторно намалување на ДДВ-то за дизелот

Владата засега не размислува за повторно намалување на ДДВ-то за дизелот како мерка, но е во преговори со ОКТА за продолжување на попустот за горивата и во месец мај....  

Владата засега не размислува за повторно намалување на ДДВ-то за дизелот

Владата засега не размислува повторно да го врати ДДВ-то за дизелот од сегашните 18 на 10 % - рече денеска премиерот Христијан Мицкоски. Одговарајќи на новиранско прашање посочи деновиве на владина седница ќе се разгледаат цените на нафтените деривати на берзите и можна е нова интревенција кај акцизите, а дополнително вели како Влада активно преговараат и со ОКТА за продолжување на попустот на горивата, кој истекува утре на полноќ.

Иако не прецизираше колку мерките кои како влада ги воведоа го чинат државниот буџет – Мицкоски смета дека со мерките кои ги презеле се зачувал стандардот на граѓаните. Очекува стабилна инфлација. Според него има добра реализација и на приходите во Буџетот, а состојбата како што посочи вниматлено се следи ...

„Во овој момент не размислуваме за намалување на ДДВто за дизел горивото. РАзговараме со ОКТА за продолжување на попустот, акцизите остануваат исти. Треба да се види сега во вотрата половина од април која е просечната цена и на безолониот и на дизелот и на тој начин ќе се носи одлука на Влада во делот на акцизите. Безоловниот беше под 1 200 по тон имаше 2 денари но очекувам сег аи тој да отиде над и таму да имаме 4 денари. “

Дека нема простор за загриженост увери и министерката за финансии Гордана Димитриеска Кочоска. Состојбата со Буџетот е стабилна, а Владата вели води стабилни и макроекономски и фискални политики и така ќе се продолжи...

„Македонија е 3та земја по износот кој го издвојува од буџетот за мерки. И после нас веќе сите останати земји тоа јасно кажува дека ние се грижиме зза граѓаните. Состојавбата се следи. Во оние моменти кога има услови се донело одлука за враќање на ДДВто на 18 % што не значи дека е конечно се следи состојабата ќе се види и понатаму ќе носиме одлуки... “

Инаку денеска се одржа првата седница на Комитетот за јавни инвестиции, како дел од Реформската агенда, а со чие формирање, владата очекува да се воспостави поцврст и поодговорен механизам за одлучување кога станува збор за јавните инвестиции. На денешниот состанок беше разгледана можноста за реализација на јавни инвестиции во вредност од 3,3 милијарди евра во наредните 5 години....

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 16 загинати во земјотресот од 7 степени во Кина (ВИДЕО)

Најмалку 16 лица загинаа, а 32 се повредени во земјотрес со магнитуда од 7 степени што го погоди Тибет, Кина, во четврток вечерта. 

Најмалку 16 загинати во земјотресот од 7 степени во Кина (ВИДЕО)

11 од повредените се во сериозна состојба. Најмалку 339 куќи се урнаа.

Земјотресот го погоди округот Бакинг, градот Нагку во северен Тибет, во 22:33 часот по локално време. Кинескиот центар за земјотресни мрежи процени дека епицентарот бил длабок 10 километри, додека Американскиот геолошки завод (USGS) ја процени длабочината на 18 километри.

Спасувачките екипи продолжија да пребаруваат и да им помагаат на жителите. Полицијата и пожарникарите поставија шатори за луѓето раселени од земјотресот.

Кинеската државна телевизија CCTV објави дека тоа е најсилниот земјотрес што го погодил регионот во последните пет години.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Масовни протести поради строгите закони за абортус низ 20 градови во Полска

Жените во повеќе од 20 полски градови протестираа поради недостатокот на пристап до бесплатни и легални абортуси. 

Масовни протести поради строгите закони за абортус низ 20 градови во Полска

Демонстрантите ја обвинија либералната влада на премиерот Доналд Туск дека не го исполнила своето ветување за ублажување на строгите закони.

Во Варшава, стотици жени протестираа пред парламентот и покрај обилните дождови. Митинзите се одржаа и покрај тоа што парламентот во вторник одобри два закона што имаат за цел да ги ублажат правилата за абортус. Се очекува конзервативниот претседател на парламентот Карол Навроцки да стави вето на нив, според АП. Зофија Марчинек од „Тимот за соништа за абортус“, група за репродуктивни права со седиште во Варшава, рече дека усвојувањето на законот една година пред следните парламентарни избори е „симболичен гест“, а не вистинска намера за реформа на законот.

Либералната влада, рече таа, била свесна дека законите немаат шанси да го преживеат ветото на Навроцки, па затоа се обидела да создаде впечаток дека презема акција. Марчинек верува дека ѝ се потребни гласовите на жените за да победи на изборите следната година. Легалниот абортус во католичка Полска е дозволен од 1993 година само во случаи на тешки абнормалности на фетусот, ризик за животот и здравјето на мајката или кога бременоста е резултат на силување или инцест.

Полските жени оттогаш се залагаат за легализација на абортусот, вклучително и преку национален бран протести познат како „Црн протест“, кој започна во 2016 година, кога учесничките носеа црно.

Законите беа дополнително заострени во 2020 година, под власта на национално-конзервативната партија Право и правда (ПиС), кога абортусите беа забранети во случаи на вродени дефекти на фетусот. Абортусот останува табу тема во Полска, а земјата има еден од најрестриктивните закони во Европа. Построги прописи постојат само во Малта.

Проевропската коалиција на Доналд Туск ги доби изборите во 2023 година делумно врз основа на ветување за либерализација на законите за абортус. Туск во 2024 година рече дека неговата влада нема да може да го поништи ветото на конзервативниот претседател.

Наместо да се промени законот, беа воведени мерки за да се спречат болниците да одбиваат да вршат легални абортуси од религиозни причини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција им ги забранува социјалните мрежи на помладите од 15 години

Грчкиот парламент донесе закон со кој им се забранува на децата под 15 години да користат социјални мрежи. 

Грција им ги забранува социјалните мрежи на помладите од 15 години

Законот, кој стапува на сила на 1 јануари 2027 година, беше донесен поради растечката загриженост за влијанието на овие платформи врз здравјето и безбедноста на малолетниците, објави Ројтерс.

Премиерот Киријакос Мицотакис изјави дека платформите имаат рок од два и пол месеци да развијат систем за проверка на возраста на корисниците и да обезбедат заштита на нивната приватност. Грција е една од седумте земји-членки на Европската унија кои соработуваат со Европската комисија за решение за проверка на возраста на корисниците.

Слични мерки веќе се забележани во светот. Минатата година, Австралија стана првата земја што законски го ограничи пристапот до социјалните медиуми за малолетници. Во Франција, пак, Уставниот суд го поништи таков закон во август.

Помагање на родителите во борбата против зависноста

Владата нагласува дека со овој потег сака да им помогне на родителите во потиснувањето на таканареченото бесконечно скролување. Тие наведуваат дека овој феномен ги лишува децата од сон, ја нарушува концентрацијата и го одзема времето од поминувањето време со пријателите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер