Економија

Владата утре на пладне ќе соопшти мерки за намалување на ценовниот шок од поскапувањето на горивата

Владата утре ќе излезе со вонредни мерки со кои ќе се ублажи ценовниот шок, по двонделниот раст на цените на нафтените деривати во земјава – брифираат владини извори за Канал 5.

Ваквите чекори доаѓаат по континуираниот раст на цените на нафтата на светските берзи, но и очекувањата дека со понеделничката одлука на Регулаторна трета недела по ред во земјава ќе има раст на цените на горивата....

„Цените на светските берзи растат, што се очекува дополнително да се одрази на домашната цена на бензините. Иако земјава плаќа убедливо најевтин бензин споредбено со регионот се очекува во понеделник дополнителен раст на дизелот и бенизините. Владата константно ја следи состојбата и утре во 12 часот ќе има вонредни мерки за борба против високите цени на бензините. Ќе се донесат мерки со кој ќе се ублажи ценовниот шок. “, велат извори од Владата за Канал 5...

Премиерот Мицкоски досега во неколку наврати посочи дека опциите со кои вбладата би можела да интервенира се намалат акцизата и ДДВ-то од 18 на 10% . За да се прогласи кризна состојва во земјава и да се намалат акцизите за еден денар треба тон дизел да изнесува над 800 долари, но колкава е цената на тон и натаму останува непознато бидејќи РКЕ го крие податокот врз основа на кој ги пресметува цените.

Дополнително министерството за економија детално ги анализира и цените на основните прехранбени продукти. Оттаму велат дека се свесни за можните ценовни притисоци, особено тие што зависат од увоз и транспорт, но досега контролите не покажале значително зголемување на цените, освен кај јајцата, зголемување кое го објаснуваат со берзанскиот раст на сојата и кај маслото, кое исто така велат е последица на берзнаски раст...

„ Министерството за економија и труд како и Владата е подготвено да реагира со соодветни и навремени мерки доколку се утврди неоправдан раст на цените или поголемо нарушување на пазарната стабилност. Во таа насока, се анализираат можностите за интервенции кои ќе имаат за цел заштита на животниот стнадард на граѓаните, како и можност за таргетирани мерки за најранливите категории, велат од министерството за економија по првичните контроли на ДПИ и посочуваат и дека целосен извштај за ценовните движења очекуваат во текот на следната недела, по што ќе се има појасна слика за следните чекори.

Земјите од регионот Србија, Црна гора, Словенија, Хрватска досега веќе излегоа со мерки како што се намалување на акцизите или пак ограничување на цените на нафтените деривати.

Тагови: Владата цени

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Јадранот во близина на Чањ: Две жени и четири деца се заглавија меѓу карпите

Синоќа, спасувачката единица на Управата за поморска безбедност безбедно евакуираше група од шест туристи, две жени и четири деца, чиј чамец се заглавил меѓу карпите во близина на Чањ.

„Операцијата започна веднаш по пријавата, по полноќ. Граѓанин од крајбрежјето ги извести властите дека чамецот со возрасни и деца се заглавил во карпите, по што спасувачкиот брод SAR-1 беше испратен од Бар без одложување. Исклучително тешка операција, со оглед на силниот ветер, кој дополнително го отежнуваше пристапот и евакуацијата во ноќни услови, спасувачите прво, двајца по двајца, извлекоа четири деца на возраст од 11 до 14 години на безбедно, а потоа двајца возрасни, од кои едниот не знаеше да плива“, беше потврдено за РИНА во УПСУЛ.

Тие додадоа дека по пристигнувањето на плажата, сите лица биле предадени на тимот на Итна медицинска помош, кој веќе чекал на брегот. Спасените лица биле неповредени, освен што децата биле премрзнати и биле згрижени со термални обвивки обезбедени од спасувачите.

Порано истата вечер, спасувачкиот тим на Администрацијата беше ангажиран и во друга задача, едрилица со двајца членови на екипажот, која беше надвор од употреба поради дефект на пропелерот, беше безбедно одвлечена од шлепер до пристаништето во Бар.

„Овие случаи покажуваат колку е важна брзата реакција и од граѓаните и од службите. Доколку повикот не беше пристигнат на време, исходот можеше да биде сосема поинаков во овие услови. Затоа Администрацијата за поморска безбедност на Јадранот ги повикува сите да се јават на 129 без двоумење штом ќе забележат пловило или лице во неволја на море. Секоја минута е важна, а брзиот извештај им дава на спасувачките екипи драгоцено време да пристигнат и да помогнат“, истакнува UPSUL.

Тагови: Јадран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Не помина интерпелацијата за министерот Панче Тошковски

Со вкупно 77 гласа, од кои 58 „против“ и 19 „за“ во Собранието не беше изгласана интерпелацијата за министерот за внатрешни работи, Панче Тошковски, поднесена од Левица.

На гласањето му претходеше жестока расправа во Собранието. Опозицијата обвинува за селективно постапување на полицијата, политички мотивирани акции, безбедносни пропусти...

Тошковски пак, во иницијативата гледа евтин политички обид да се закочи расчистувањето со криминалот и корупцијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На Пелистер спасена мала срна која била нападната од куче (ВИДЕО)

Вработените во јавната установа Национален парк Пелистер спасија мала срна која била нападната од куче бездомник.

Од установата на Фејсбук објавија дека малата срна ја спасил раководителот на помошно-техничкото одделение и ренџер во установата.

По спасувањето, вработените презеле дополнителни активности за срната повторно да биде вратена во својата природна средина. Со помош на емитирање на звуци малата срна повторно беше споена со својата мајка“ посочуваат од Националнот парк Пелистер.

Тагови: НП Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.