Владата се уште нема одлука кој ќе биде новиот Јавен обвинител - Канал 5

Македонија

Владата се уште нема одлука кој ќе биде новиот Јавен обвинител

Владата се уште не одлучила кој кандидат ќе го предложи за нов републички јавен обвинител. 

Владата се уште нема одлука кој ќе биде новиот Јавен обвинител

Иако поминаа повеќе од две недели откако Советот на јавни обвинители даде зелено светло за обвинителките Анита Тополова Исајловска, Лидија Раичевиќ и Ленче Ристоска како и за судијата Ненад Савески, поминаа и две владини седници но за ова прашање не било дискутирано. Од Владата за Канал 5 без да прецизираат само кратко велат дека оваа точка ќе се разгледува на некоја од следните седници. Иако законот не ја обврзува владата со прецизни рокови, според Дарко Аврамовски од Коалицијата Сите за правично судење ова не значи дека треба да се одолговлекува постапката.

-Фактот што во законот не се експлицитно предвидени рокови кои Владата треба да ги следи откако ќе го добие позитивното мислење, не е отворена врата за да може постапката да се одолговлекува имајќи предвид дека таму сите рокови се исклучително кратки, 15 дена за пријавување на огласот, 15 дена за мислење од Советот, тоа значи дека и остатокот од постапката треба да биде преземен во најбрз можен рок имајќи предвид дека во моментов ЈО ни функционира без Јавен обвинител односно само со вршител на должност,- изјави – Дарко Аврамовски – Коалиција Сите за правично судење.

Новиот државен обвинител се избира по актуелниот Закон за Јавно обвинителство иако во собраниска процедура се измени кои меѓу другото предвидуваат јавно презентирање на програмите на кандидатите за државен обвинител, според Аврамовски институциите како Советот на ЈО и покрај тоа што не биле законски обрзани можеле да демонстрираат поголема транспарентност.

-Со ништо не сметам дека Советот на ЈО беше спречен да ги примени ваквите одредби односно јавно да ги објави биографиите и програмите на кандидатите и да ги покани кандидатите на онаа јавна седница на која дискутираа практично да го дадат своето мислење за тоа кои од кандидатите ќе бидат оценети позитивно а кои негативно- изјави – Дарко Аврамовски – Коалиција Сите за правично судење.

Новиот Закон за Јавно обвинителство помина на Влада на крајот од декември и е доставен до собранието, од каде пак велат дека можно е веќе следната недела да се најде на дневен ред пред пратениците.

YouTube video

Тагови: Јавен обвинител

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Доцнат плати во државни институции, општини не можат да плаќаат преку Трезорот

Среде скандалот со Алта банка доцни исплатата на плати во повеќе државни институции, меѓу кои и во најголемата енергетска компанија ЕСМ.

СДСМ: Доцнат плати во државни институции, општини не можат да плаќаат преку Трезорот

Вработени реагираат дека вакво нешто се нема случено досега. Вообиечано плата добивале во првите пет дена од месецот.

Според информациите, вработените во ЕСМ добиле и СМС-пораки дека се уште не се знае кога точно ќе биде исплатена октомвриската плата и дека треба да бидат трпеливи.

Дополнитено, од општини пристигнуваат реакции дека преку Трезорот не можат да реализираат плаќања.

Што се случува? Дали Мицкоски и неговата ВМРО ОКГ до толку ја испразнија државната каса што веќе не можат да се сервисираат ниту редовните обврски?

СДСМ со месеци предупредува за катастрофалната состојба со буџетот. Дупката во буџетот е околу 900 милиони евра, јавниот долг неконтролирано расте.

Мицкоски и ВМРО ги доведоа државните финансии во сериозна опасност, со криминалните политики создадоа нов долг од 4 милијарди евра за две години и до крај на година ќе биде и над 60% од БДП.

Затоа е вториот ребаланс, затоа се задолжувањата – затоа нема пари за минимална плата од 600 евра, затоа нема пари за земјоделците, празна е касата, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Автобуска несреќа во Хрватска: Најмалку двајца загинати (ВИДЕО)

Две лица загинаа, а неколку други се повредени во тешка сообраќајна несреќа што се случи утрово околу 7:25 часот на автопатот А3 во правец на Загреб, веднаш по раскрсницата Иваниќ-Град. 

Автобуска несреќа во Хрватска: Најмалку двајца загинати (ВИДЕО)

Автобусот со српски регистарски таблички се преврте, потврди полицијата, објави 24 сата со ВИДЕО од несреќата.

Повредените лица ќе бидат префрлени во болниците во Загреб. Итните служби пристигнаа на местото на несреќата, а ангажиран е и хеликоптер на Итната медицинска помош. На терен се и пожарникари.

Сообраќајот се одвива бавно, по левата лента. Во тек е полициска истрага за утврдување на околностите на несреќата.

„Утрово, на 8 ноември, околу 7:25 часот на автопатот А3, км 61 во правец на Загреб (веднаш по раскрсницата Иваниќ-Град), се преврте автобус со српски национални ознаки, при што загинаа две лица. Неколку лица се повредени и ќе им биде укажана медицинска помош во болниците во областа на Загреб. Сообраќајот е забавен, се одвива по левата лента. Во тек е истрага“, соопшти полицијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утрово најстудено во Скопје со минус 3 степени, во текот на денот променливо облачно време

Денеска времето ќе биде променливо облачно со сончеви периоди и температура до 15 степени, информираат од УХМР.

Утрово најстудено во Скопје со минус 3 степени, во текот на денот променливо облачно време

МИНИМАЛНА ТЕМПЕРАТУРА (во 0С)

-3 Скопје-Петровец, -2 Крива Паланка, Тетово, Велес, Демир Капија, Берово, Маврови Анови, Попова Шапка, -1 Скопје-Зајчев Рид, Битола, Кавадарци, Лазарополе, 0 Прилеп, Струмица, Штип, Крушево, 2 Виница, 3 Охрид, Гевгелија, 4 Претор.

ВРЕМЕТО ДЕНЕСКА

Променливо облачно со сончеви периоди. Во попладневните часови и во текот на ноќта ќе има повремени локални врнежи од дожд. Ќе дува слаб до умерен ветер од југоисточен правец, поизразен долж Повардарието.

Максималната температура ќе биде во интервал од 9 до 15 степени.

Во Скопје, променливо облачно со сончеви периоди. Во вечерните часови и во текот на ноќта ќе има повремени врнежи од дожд. Ќе дува слаб до умерен ветер од југоисточен правец. Максималната температура ќе достигне до 15 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер