Македонија

Владата му даде над 2 милиони евра на ЈСП „Скопје“ за покривање на загубите

Дали ЈСП Скопје, стана најголемиот загубар во Македонија?

Владата со инјекција од преку 2 милиони евра ќе ги покрива загубите кои ги претрпе ЈСП во изминатиов период. Според директорот Кристијан Чушков, претпријатието од почетокот на коронакризата работи со огромни загуби, а главната причина ја гледа во намалениот број на патници во автобусите кои сообраќаат со преполовен капацитет,а истите според протоколот не смеат да исполнат повеќе од половината на капацитетот за превоз на патници.

,,Досега имаме акумилирано загуби до 4 милиони, што за добавувачи, а ние ги плаќаме и приватните превозници. Во текот на денот освен во утринските часови, нема повеќе од десет патника, намален е процентот од 77 до 80 посто, значи возиме со 22-3 посто патници, а порано сме возеле по многу повеќе.

Од почетокот на пандемијата па досега бројот на граѓани во градскиот превоз е намален за преку 20 милиони патници, додека пак најголемата загуба е претрпена во месец април годинава каде што во автобусите се возеле речиси 90% помалку патници.

Чушков вели дека сите оние кои се бават со превоз трпат загуби, а на јавниот превоз му се даваат субвенции секаде во светот. Тој додаде дека ЈСП за прв пат работи со загуба.

Тие се субвенции за потешкоти, тука влегуваат средношколци, пензионери. Ние во моментов имаме застоени 2 милиони евра за нафта само, автобусите сообраќаат, а нема патници.Ние секоја година одржувавме позитива, првата година бевме 4 милиони во добивка, а втората 1,250. Е оваа година не сме.

Во септември ситуацијата е малку подобра, но во споредба со истиот месец во 2019 година, рентабилноста е помала за педесет проценти.

Покрај автобусите на ЈСП, градските власти планираат да воведат и нов брз автобуски транспорт, популарно нарече автобуско метро. Градот веќе добил првична верзија како ќе изгледа договорот со Европската банка. Се очекува договорот да биде финализиран до нова година, за да може да почне реализацијата на истиот 2021 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Во Тетово се уапсени 12 бугарски државјани

Полициската станица Тетово соопштува дека вчера (24.06.2026) во 15:15 часот во зграда во изградба на улицата „Тодор Циповски Мерџан“ во Тетово, полициски службеници од Полициската станица Тетово лишиле од слобода 12 државјани на Република Бугарија.

Полициската станица Тетово соопштува дека вчера (24.06.2026) во 15:15 часот во зграда во изградба на улицата „Тодор Циповски Мерџан“ во Тетово, полициски службеници од Полициската станица Тетово лишиле од слобода 12 државјани на Република Бугарија на возраст меѓу 34 и 66 години, кои работеле во зградата.

„Кај лицата е утврдено нерегуларно и непријавено дејствување на ова подрачје“.

„Тие се приведени во Полициската станица Тетово за понатамошна постапка и против нив ќе бидат поднесени соодветни пријави согласно Законот за странци“, велат од Полициската станица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Возете внимателно, Safe City профункционира и во околината на Охрид

СВР Охрид ја известува јавноста, посебно возачите на моторни возила дека од денеска, современиот систем за сообраќаен надзор „Безбеден град“ (Safe City), кој, официјално стартуваше од 01.02.2026, постепено се воведува и на подрачјето на СВР Охрид.

Денеска, по извршеното финално тестирање, стручни екипи ги ставија во функција безбедносни камери на автопатската делница кај Ново село, општина Дебрца. Во наредниов период, се очекува проектот „Безбеден град“ да профункционира и на патниот потег помеѓу селата Горенци и Требеништа, на останатите пофрекфентни сообраќајници и на коридорите 8 и 10 на подрачјето на СВР Охрид. Уредите се поставени, тие си уште не вршат санкционирање, бидејќи се наоѓаат во фаза на завршна техничка проверка и тестирање. Системот „Безбеден град“, ќе овозможи засилена и постојана сообраќајна контрола, ќе придонесе за намалување на сообраќајните незгоди, ќе врши детекција на прекршоци во сообраќајот, ќе значи зголемување на сообраќајната дисциплина и значително повисок степен на безбедноста во сообраќајот.

Апелираме, возачите да ги почитуваат сообраќајните правила и прописи а посебно да внимаваат на дозволената брзина на движење која, на оваа автопатска делница изнесува 100 километри на час.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Малата Ана се избори со најтешката болест- победничкото ѕвонче повторно заѕвони (ВИДЕО)

Нова радосна вест од Универзитетската клиника за детски болести.

Победничкото ѕвонче повторно силно заѕвони — за Ана, нашата мала хероина, која храбро ја помина и ја освои една од најтешките битки.

Секое ѕвонење е победа на детската храброст, на семејната љубов и на посветеноста на здравствените работници.

На Ана ѝ посакуваме многу здравје, среќа, насмевки и безгрижно детство.

Браво, Ана! Твојата победа денес е радост за сите нас, објавија на ФБ од Министерството за здравство.

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.