Владата ќе го чека Уставниот суд, па ќе одлучи дали ќе интервенира во законот за пензиско осигурување - Канал 5

Македонија

Владата ќе го чека Уставниот суд, па ќе одлучи дали ќе интервенира во законот за пензиско осигурување

Законските измени, со кои се предвидува само пензионерите кои живеат на територијата на земјава да добиваат линеарно зголемување на пензиите, беа со цел освен пензискиот фонд да се заштитат и пензионерите кои се активни во фондот.

Владата ќе го чека Уставниот суд, па ќе одлучи дали ќе интервенира во законот за пензиско осигурување

Законските измени, со кои се предвидува само пензионерите кои живеат на територијата на земјава да добиваат линеарно зголемување на пензиите, беа со цел освен пензискиот фонд да се заштитат и пензионерите кои се активни во фондот – вели заменик министерот за социјална политика, Ѓоко Велковски, откако Комисијата за заштита од дискриминација, одлучувајќи по претставки од граѓани, утврди дека околу 12 илјади пензионери кои се стекнало со право на пензија во земјава, но живеат во странство се индиректно дискриминирани, откако не го им било исплатено второто линеарно зголемување од 2 500 денари. Со ваквите измени, годишно фондот на ПИОМ штеди најмалку 5 милиони евра.

„Анализата која се направи по првото линеарно покачување дојдовме до податок дека 10 илјади лица кои не живеат во Македонија имаат странски трансакциски сметки со живеалиште кое не е во Македонија а законот децидно кажува дека процентот на порамнување е по принципот на инфлацијата во земјава и животниот стандард .... Поаѓајќи од тој аспект дојдовме до ситуација дека токму ваквиот принцип мора да биде за оние само кои живеат во Македонија.... “- Ѓоко Велковски – заменик министер за социјална политика.

Иако министерството и Владата од комисијата добија препорака во рок од 6 месеци да го променат законот, сепак Велковски вели ќе ја чекаат одлуката на Уставниот суд, каде се оспорени законските измени од април годинава..

„Комисијата за дискриминација даде едно решение за индиректна дискриминација поради оваа законска измени, и до Уставниот суд, се поднесе три инцијативи каде Владата даде препорака до судот дека не ги прифаќа како такви но секако последниот збор ќе го има уставниот суд...и доколку поинаку биде одлучено Владата и министерството ќе го следи тоа ...“ - Ѓоко Велковски – заменик министер за социјална политика.

Следното линеарно покачување од 1.000 денари е планирано за март догодина, а доколку не се направат законски измени како што налага комисијата, тоа повторно нема да важи за пензионерите кои живеат во странство.

Велковски вели формирана е и комисија која ја анализира состојбата во фондот, но и претходните линеарни зголемувања, по што ќе се донесе одлука дали следната година ќе има има процентуално или повторно ново линеарно зголемување на пензиите.

YouTube video

Тагови: пензионерите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Јадранот во близина на Чањ: Две жени и четири деца се заглавија меѓу карпите

Синоќа, спасувачката единица на Управата за поморска безбедност безбедно евакуираше група од шест туристи, две жени и четири деца, чиј чамец се заглавил меѓу карпите во близина на Чањ.

Драма во Јадранот во близина на Чањ: Две жени и четири деца се заглавија меѓу карпите

„Операцијата започна веднаш по пријавата, по полноќ. Граѓанин од крајбрежјето ги извести властите дека чамецот со возрасни и деца се заглавил во карпите, по што спасувачкиот брод SAR-1 беше испратен од Бар без одложување. Исклучително тешка операција, со оглед на силниот ветер, кој дополнително го отежнуваше пристапот и евакуацијата во ноќни услови, спасувачите прво, двајца по двајца, извлекоа четири деца на возраст од 11 до 14 години на безбедно, а потоа двајца возрасни, од кои едниот не знаеше да плива“, беше потврдено за РИНА во УПСУЛ.

Тие додадоа дека по пристигнувањето на плажата, сите лица биле предадени на тимот на Итна медицинска помош, кој веќе чекал на брегот. Спасените лица биле неповредени, освен што децата биле премрзнати и биле згрижени со термални обвивки обезбедени од спасувачите.

Порано истата вечер, спасувачкиот тим на Администрацијата беше ангажиран и во друга задача, едрилица со двајца членови на екипажот, која беше надвор од употреба поради дефект на пропелерот, беше безбедно одвлечена од шлепер до пристаништето во Бар.

„Овие случаи покажуваат колку е важна брзата реакција и од граѓаните и од службите. Доколку повикот не беше пристигнат на време, исходот можеше да биде сосема поинаков во овие услови. Затоа Администрацијата за поморска безбедност на Јадранот ги повикува сите да се јават на 129 без двоумење штом ќе забележат пловило или лице во неволја на море. Секоја минута е важна, а брзиот извештај им дава на спасувачките екипи драгоцено време да пристигнат и да помогнат“, истакнува UPSUL.

Тагови: Јадран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Не помина интерпелацијата за министерот Панче Тошковски

Со вкупно 77 гласа, од кои 58 „против“  и 19 „за“  во Собранието не беше изгласана интерпелацијата за министерот за внатрешни работи, Панче Тошковски, поднесена од Левица.

Не помина интерпелацијата за министерот Панче Тошковски

На гласањето му претходеше жестока расправа во Собранието. Опозицијата обвинува за селективно постапување на полицијата, политички мотивирани акции, безбедносни пропусти...

Тошковски пак, во иницијативата гледа евтин политички обид да се закочи расчистувањето со криминалот и корупцијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На Пелистер спасена мала срна која била нападната од куче (ВИДЕО)

Вработените во јавната установа Национален парк Пелистер спасија мала срна која била нападната од куче бездомник.

На Пелистер спасена мала срна која била нападната од куче (ВИДЕО)

Од установата на Фејсбук објавија дека малата срна ја спасил раководителот на помошно-техничкото одделение и ренџер во установата.

По спасувањето, вработените презеле дополнителни активности за срната повторно да биде вратена во својата природна средина. Со помош на емитирање на звуци малата срна повторно беше споена со својата мајка“ посочуваат од Националнот парк Пелистер.

Тагови: НП Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер