Тој го пропушти првенствениот натпревар и убедливата победа на „сините“ над Борнмут.

Дваесет и шестгодишниот десен бек го пропушти првенствениот натпревар – во кој „сините“ остварија убедлива победа од 5:1 против Борнмут на „Стемфорд Бриџ“ – додека траеја деталните медицински прегледи за повредата здобиена за време на тренинг. Дополнителните прегледи од страна на медицинскиот тим на клубот потврдија дека операцијата е единственото неопходно решение за санирање на проблемот со коленото.

„Рис веќе го започна процесот на закрепнување и во оваа фаза од рехабилитацијата ќе ја има целосната поддршка од медицинскиот тим на клубот во тренинг-центарот ’Кобем‘.

Сите во Челзи му посакуваат на Рис брзо закрепнување и ќе го поддржат на неговиот пат кон враќање на теренот“, соопштија од англискиот гигант.

Иако клубот не прецизираше колку точно ќе отсуствува капитенот, се очекува текот на рехабилитацијата да покаже кога точно англискиот репрезентативец повторно ќе ѝ биде на располагање на стручниот штаб.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Претседателот на Владата на Република Македонија, Христијан Мицкоски денеска одговарајќи на новинарско прашање во однос на објавените податоци за раст на туризмот од Државниот завод за статистика, изјави:

„Да, Државниот завод за статистика објави податоци за август и за првите осум месеци. Она коешто претставуваше наш приоритет за оваа 2026 година во делот на туризмот, ние речиси го постигнавме заклучно со месец август, односно да имаме 1 милион туристи и да имаме близу 3 милиона преноќувања.

Заклучно со месец август, ние имаме блиску до 1 милион туристи, негде околу деветстотини осумдесет и нешто илјади и некаде отприлика 2 милиона и седумстотини и два-триесет илјади преноќувања. Што значи дека пред време ќе ја постигнеме целта што ни беше зададена на почеток од годината, којашто самите си ја зададовме. Но она што повеќе ме радува е навистина големиот бум којшто се случи во летните месеци јули-август и коешто траеше и месеците потоа. Да речеме во август бројот на туристи од странство, споредено со истиот месец минатата година е поголем за 11,1%, а бројот на преноќувања е за повеќе од 20% поголем, што претставува навистина нешто коешто сите нас пријатно нѐ изненади. Но и потврда на заложбите на Владата да ги промовира туристичките потенцијали на земјата и на тој начин да привлекуваме туристи. Тука е и договорот кој го потпишуваме со туристички агенции коишто носат туристи и тука не треба да се заборави фактот дека дојдовните и патниците коишто патуваат надвор од земјата на нашите аеродроми, за 30% е зголемен, споредено со истиот период минатата година.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според внатрешна анализа на „PSOE“, една ваква листа би можела на левицата да ѝ обезбеди апсолутно мнозинство во горниот дом на парламентот. Коалицијата би ја сочинувале „PSOE“, „Frente Amplio“ и „Podemos“. Рокот за пријавување коалиции истекува вечерва на полноќ, а конечен договор сè уште не е објавен.

Во четвртокот, говорејќи од Брисел, Санчез потврди дека заедничкиот настап на изборите за Сенатот останува како можност.

До 40 сенатори повеќе

„PSOE“ очекува значителни придобивки од ова обединување. Според внатрешен документ во кој увид имал информативниот портал „Eldijario.es“, заедничка листа составена од „PSOE“, „Frente Amplio“ и „Podemos“ би можела да освои 129 од вкупно 209 места во Сенатот за кои се гласа на изборите.

Во истиот документ се проценува дека „PSOE“ и нејзините сојузници би можеле да избијат на првото место во дури единаесет провинции каде што претходно победувале десничарски партии. Ова се должи на шпанскиот изборен систем, кој им доделува поголем број места во Сенатот на победниците, дури и кога разликата во бројот на гласови помеѓу коалициите и партиите што се натпреваруваат е релативно мала.

За Санчез ова е од големо значење, бидејќи Сенатот претставуваше извор на неговите најголеми тешкотии за време на тековниот мандат. Горниот дом на парламентот служеше како главна противтежа на владата – составена од „PSOE“ и „Sumar“ – со оглед на тоа што Народната партија „PP“ таму сама поседува апсолутно мнозинство, со 143 места.

Бидејќи се очекува десницата повторно да може да обезбеди мнозинство во Конгресот по изборите, „PSOE“ се стреми да задржи предност, барем во Сенатот.

„Podemos“ како главна пречка

Преговорите се најсложени поради вклученоста на „Podemos“. Договор само помеѓу „PSOE“ и „Frente Amplio“ не е доволен. Понатаму, „Podemos“ одби да се приклучи кон „Frente Amplio“, иако во моментов преговара за договори на регионално ниво.

Во текот на претходниот мандат, партијата главно беше во директен судир со социјалистите. Пред десет години, самиот „Podemos“ ѝ предложи коалиција на „PSOE“ за изборите за Сенатот, но социјалистите тогаш ја одбија понудата.

Сојуз од ваков вид би претставувал вистинска реткост во шпанската политика. Треба да се навратиме повеќе од 25 години наназад за да најдеме сличен преседан – кога тогашните лидери на „PSOE“ и на „Izquierda Unida“, Хоакин Алмунија и Франсиско Фрутос, потпишаа договор за заеднички изборни листи за Сенатот во 27 изборни единици.

Десницата не успеа да постигне договор

Доколку Санчез успее да формира обединет блок, најголеми губитници би можеле да бидат десничарските партии – Народната партија (PP) и радикално десничарската „Vox“ – кои не успеаја да постигнат договор за заеднички настап.

Како резултат на тоа, гласовите за десницата би можеле да се разделат меѓу овие две партии – поделба од која најголема корист веројатно би имал блокот на Санчез, кој е центриран околу „PSOE“.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.