На опозицијата пак, тој и порача да биде внимателна со навредите кон стратешките партнери на Македонија.

-Јас жалам што опозицијата после жестоките и рафални критики кон нашиот стратешки партнер Обединетото Кралство , сега истото тоа го прави кон САД. Ќе ве потсетам, не така одамна кога беа наметнати тие трговски тарифи од 33-35% истите тие опозициски перјаници поитаа да го навредуваат нашиот стратешки партнер САД а никаде ги немаше да се извинуваат кога се нивелираше таа ставка на 15%. Очекувам многу добри вести за македонските граѓани наскоро. -Христијан Мицкоски, премиер на Македонија.

Од опозициската СДСМ пак велат, вината не е во Вашингтон, туку во слабата дипломатија и нереалноста на прикажаните односи меѓу Македонија и САД. Според СДСМ, одлуката на САД не е техничка пауза, туку политички сигнал и предупредување.

-САД внимателно ја следат состојбата во земјата и ова е јасен сигнал дека гледаат проблем, дека нешто не е во ред. Толку од периметарот на Мицкоски, митот кој се обидуваше да го создаде пропадна. Неговите „одлични, специјални односи“ со САД се толку добри што завршивме во периметарот на Сомалија и како "трет свет",-Андреј Жерновски член на Извршен одбор на СДСМ.

Податоците од Стејт департментот покажуваат дека во последните девет години, бројот на издадени американски иселенички визи за македонски државјани бележи пад – во 2015 се издадени 1,318 а во 2024та 573 визи. Во овој деветгодишен период, вкупно се издадени 8 163 иселенички визи на македонски државјани.

Иако вчера министерот за надворешни работи, Тимчо Муцунски не сакаше да ги сподели аргументите кои ги добил од американска страна за причините поради кои Македонија се најде во групата земји со стопирани иселенички визи, според објавите од Стејт Департментот и Белата куќа, се работи за проблемот со имигранти кои по доаѓањето во САД, зависат од државна помош и социјални бенефиции, а според списокот кој го објави претседателот Трамп, тоа вклучува и 33% од македонските иселеници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.