Виз Ер Скопски Маратон ги додели наградите за тим билдинг трката и штафетниот маратон

Вчера вечер во Брик бар се одржа доделувањето на наградите за тим билдинг трката, која беше дел од трката на 5КМ и штафетниот маратон – ЕУ за спорт, кои се одржаа во рамки на овогодинешниот Виз Ер Скопски Маратон.

На доделувањето на наградите беше присутен и амбасадорот на Европската Унија во нашата земја Дејвид Гир, кој лично ги додели наградите на најдобрите од штафетниот маратон – ЕУ за спорт.

Штафетниот маратон – ЕУ за спорт, беше поделен во три категории, односно во женска категорија, машка категорија и мешани тимови. Наградите за женската категорија беа доделени на денот на маратонот, додека пак наградите за другите две категории беа доделени вчера вечер во Брик бар.

Во машка категорија, најдобар беше тимот ЗАПС ЕДИНАК АК 7МИ НОЕМВРИ, со што го освоија првото место со време од 02:38:50, второто место го доби тимот АК БЕЛАСИЦА кои ја истрчаа трката за 02:53:14, а со трето место се здоби тимот ААК СКОБУЛ за време од 02:54:42.

Од мешаните тимови, првото место го доби тимот TRIOLOGY ACTIVE TEAM, со време од 03:12:28, тимот IPA SKOPJE го освои второто место и истрча за 03:21:42, додека пак третото место го освои тимот FIT HUB BLUE, кои трката ја истрчаа за 03:28:22.

Во тим билдинг натпреварувањето во трката на 5КМ, во машка и женска конкуренција, првото место го доби тимот ДЕЛТА, на втората позиција се најде тимот NRC - NIKE + RUN CLUB, а третото место го освои тимот на Пивара Скопје. Наградите на тим билдинг натпреварувањето ги додели Даниел Димевски Претседател на МОК.

Евроамбасадорот изрази големо задоволство за можноста и оваа година да бидат дел од Виз Ер Скопскиот Маратон и дададат свој допринос за организирањето и реализаијата, исто така упати и честитки до организаторите за успешно завршен маратон.

Директор на Виз Ер Скопски маратон, Кире Синадиновски, изрази огромна благодарност до сите учесници, кои и оваа година направија Скопскиот маратон да помине во одлична атмосфера. Синадиноски кажа дека орагнизаторите продолуваат со иста енергија и ентузијазам да работат на стратегијата за наредната година, со што Виз Ер Скопски маратон ќе продолжи да биде најмасовен спортски настан на годината во нашата држава. Дополнително тој додаде дека маратонот следната година ќе се одржи на 2ри октомври.

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер