Виткоф: Доколку Иран сака мир, има начин да го добие- алтернативата би била лоша - Канал 5

Свет

Виткоф: Доколку Иран сака мир, има начин да го добие- алтернативата би била лоша

Специјалниот претставник на САД, Стив Виткоф, изјави дека администрацијата на американскиот претседател Доналд Трамп претпочита дипломатско, а не воено решение за тензиите со Иран.

Виткоф: Доколку Иран сака мир, има начин да го добие- алтернативата би била лоша

Специјалниот претставник на САД, Стив Виткоф, изјави дека администрацијата на американскиот претседател Доналд Трамп претпочита дипломатско, а не воено решение за тензиите со Иран и рече дека евентуалниот договор со Иран би можел да вклучува четири клучни прашања.

Запрашан за време на конференцијата на Израелско-американскиот совет во американската држава Флорида дали верува дека е веројатен американски воен напад врз Иран, Виткоф рече дека се надева на дипломатски исход, објави „Тајмс оф Израел“.

Според него, евентуалниот договор со Иран би морал да вклучува четири клучни прашања, имено збогатување на ураниум, ракетна програма на Иран, количина и ниво на збогатен нуклеарен материјал и активностите на сојузниците на Иран и посредничките групи во регионот.

Виткоф оцени дека Техеран би можел да биде подготвен да направи отстапки поради тешката економска состојба во земјата, додавајќи дека дипломатското решение би му овозможило на Иран да се врати во меѓународната заедница, додека алтернативата би била „лоша“.

Тој, исто така, рече дека Соединетите Американски Држави се со граѓаните на Иран кои се спротивставуваат на режимот, нарекувајќи ги исклучително храбри.

Трамп постојано се закануваше со воена акција против Иран доколку продолжат убиствата на демонстранти, но во среда рече дека Техеран го информирал дека насилството врз демонстрантите престанало, што предизвика шпекулации дека можеби нема да се случи напад.

Во исто време, САД почнаа да преместуваат дополнителни воени средства во регионот.

Според американските претставници, Трамп сè уште не донел одлука за можни напади, додека Белата куќа вели дека доколку насилството продолжи, Иран ќе претрпи сериозни последици.

Според податоците од иранските организации за човекови права, протестите се одржале во сите 31 провинција, а досега се убиени најмалку 2.637 лица, додека повеќе од 16.700 се уапсени.

Тагови: Виткоф Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Зверев на тронот во Њујорк за втора Грен слем круна

Германскиот тенисер Саша Зверев го освои Ју-Ес Опен, триумфирајќи во финалето над Бен Шелтон – 6:3, 7:6 (2), 5:7, 6:2.

Зверев на тронот во Њујорк за втора Грен слем круна

Со победата во Њујорк, Зверев ја освои втората Грен слем титула во кариерата, по онаа освоена во Париз оваа година. Ова беше негово второ финале во Њујорк во кариерата.

Пред шест години загуби од Доминик Тим, иако водеше со 2-0 во сетови.

На патот до трофејот, Зверев ги победи и Лоренцо Сонего и Квентин Алис – и двајцата по пет сета – како и Алехандро Табило, Лучано Дардери, Ботик ван де Зандшулп и Карен Хачанов со максимален резултат.

Најдобриот резултат во кариерата на Шелтон на Грен слем турнирите ќе му донесе највисок пласман во кариерата – четвртото место – почнувајќи од понеделник.

„Сè до оваа година не освоив ниту една титула, а сега освоив две во истата година. Мислам дека Бог виде колку напорно работевме и низ каква болка поминавме. 2026 година е резултат на сите претходни години. Ви благодарам на сите; немаше да бидам овде без вас. Сакам да ѝ се заблагодарам и на уште една личност која никогаш не ги гледа моите натпревари – тоа е најважната личност во мојот живот. Кога на четиригодишен син ќе му дијагностицираат дијабетес, потребна е силна мајка за да излезе од таа ординација и да каже: ’Мојот син ќе биде она што сака да биде; ако сака да биде тенисер, ќе биде тенисер‘. Среќен сум поради она што го правиме. Мајка ми е најважната и најсилната личност што ја познавам; потребна е навистина силна личност за да се направи она што го направи таа“, рече емотивниот Зверев во шампионскиот говор.

Тагови: Зверев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за пожарот во дискотеката „Пулс“ во Кочани

Денеска во судницата во Идризово при Основниот кривичен суд Скопје треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.

Продолжува судењето за пожарот во дискотеката „Пулс“ во Кочани

Случајот се наоѓа во доказна постапка и треба да продолжи со вкрстено испрашување од одбраната на тимот градежни вештаци, кои го изработиле градежното вештачење на обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Руски дрон удрил воз во близина на украинско-полската граница, кратко откако поранешниот британски премиер Борис Џонсон и поранешниот премиер на Шведска Карл Билд и високи европски безбедносни претставници поминале низ неа.

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Нема информации за жртви по ударот кај Јаходин, во кој беше погодена локомотивата на возот. Сите патници се евакуирани, соопштија украинските власти.

Билд,Џонсон и други европски советници за национална безбедност, вклучувајќи го и британскиот советник Џонатан Пауел, поминале по истата линија во друг воз на враќање од конференција во Киев.

Русија соопшти дека погодила „железничка инфраструктура“ во западна украина, но украинската државна железничка компанија соопшти дека „сосема е можно целта на овој дрон да бил дипломатскиот воз“.

Поранешниот шеф на ЦИА, Дејвид Петреус, кој во времето на нападот се наоѓал во друг воз на станицата Јаходин, рече дека инцидентот бил „застрашувачки“.

Возот „ја напуштил станицата порано од очекуваното поради промената на возниот ред... Поради постојаните закани за руски напади“.исто така, се наведува дека наредба за евакуација на патниците во погодениот воз била дадена „само 15 минути“ пред нападот од страна на руски дрон со млазен погон.украинскиот министер за надворешни работи Андриј Сибиха рече дека „варварските напади“ на украинско-полската граница во Јаходин се еднакви на „терористичко тропање директно на вратите на ЕУ и НАТО“„

Тагови: дрон русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер