Витамин Ц: Седум полезни напивки - Канал 5

Витамин Ц: Седум полезни напивки

Витаминот Ц е есенцијална хранлива материја којашто има многу важни улоги во здравјето. Тој е моќен антиоксиданс, неопходен е за лачењето колаген, имунолошките функции и ја подобрува способноста на телото да апсорбира железо. 

Витамин Ц: Седум полезни напивки

Следат седум полезни напивки.

Многу пијалаци, како што се сокот и смутито, содржат импресивни количини на витамин Ц и можат да бидат практичен начин за зголемување на внесот. Во таа смисла, се издвојува сокот од портокал. Истражувањата покажуваат дека овој сок може да има корист и за когнитивната функција и здравјето на срцето, а го подобрува и целокупниот нутритивен квалитет. Чаша свежо исцеден сок обезбедува 120 отсто од дневните потреби за витамин Ц, што го прави еден од најдобрите извори на овој витамин што може да се пие.

Сокот од портокал е полн со заштитни растителни соединенија, како што се флавоноидните антиоксиданси, но и калиум и фолна киселина и други витамини и минерали.

Сокот од грејпфрут е моќен извор на витамин Ц, при што една чаша содржи повеќе од 100 отсто од дневните потреби на еден човек. Овој сок е, исто така, полн витамин А и моќни растителни соединенија, вклучувајќи каротеноиди и флавоноиди како нарингин, коишто помагаат телото да управува со оксидативниот стрес и воспалението.

Истражувањата покажуваат дека пиењето сок од грејпфрут може да го зголеми нивото на витамин Ц и нарингин во крвта, а воедно да ја подобри и целокупната способност на крвта да ги неутрализира штетните слободни радикали.

И свежите домати содржат солидна доза витамин Ц, но концентрираните форми како - сокот од домати, содржат значително повеќе по порција. Домат од приближно 100 грама, на пр., обезбедува нешто помалку од 20 отсто од препорачаниот дневен внос, додека чаша сок од домати содржи 136 отсто од препорачаниот внос на витамин Ц. Покрај витамин Ц, сокот од домати е добар извор на калиум и ликопен - растителен пигмент со силни антиоксидантни и антиинфламаторни својства.

Чаша сок од ананас, пак, содржи повеќе од 27 отсто од дневната потреба за витамин Ц, а има и други есенцијални витамини и минерали, како што се фолната киселина и Б-6. Сокот од ананас содржи и флавоноиди, но и бромелаин - ензим со моќни антиинфламаторни својства.

Сокот од брусница со низок шеќер обезбедува обилна доза витамин Ц, заедно со корисни растителни соединенија како проантоцијанидини, за коишто е познато дека го поддржуваат здравјето на уринарниот тракт. Иако се потребни натамошни истражувања, витаминот Ц може да помогне во претворањето на соединението во урината наречено нитрит во азотен оксид, којшто може да ги убие штетните бактерии. Тоа спречува бактериите што предизвикуваат инфекции на уринарниот тракт, како што е „Ешерихија коли“, да се залепат на слузницата на мочниот меур и другите поврзани органи.

Смути може да се пие како здрава ужина или лесен оброк кога се нема многу време за јадење. Чаша сомелени замрзнати јагоди со процеден јогурт покрива повеќе од 68 отсто од потребите за витамин Ц и обезбедува 25 грама протеини. Може и дополнително да се зголеми содржината на витамин Ц со мешање на друго овошје или зеленчук богато со витамин Ц - покрај јагодите, како што е киви или кељ.

Ако сакате да ги избегнете калориите и високата содржина на јаглехидрати во сокот, но сепак сакате напиток богат со витамин Ц, пробајте лимонада. Цедењето свеж лимон или додавањето лажица сок од лимон во водата може да додаде значителна доза витамин Ц во исхраната. Водата со исцеден лимон во неа содржи повеќе од 20 отсто од дневните потреби за витамин Ц.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Градежништвото останува еден од најсилните двигатели на домашната економија, што јасно го потврдуваат најновите податоци на Државниот завод за статистика за првиот квартал од 2026 година.

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Според државната статистика, градежниот сектор во првото тромесечје од оваа година бележи раст од 7,2 проценти во споредба со истиот период минатата година.

Овие бројки претставуваат силен показател за континуираната градежна активност низ целата држава, како и за успешната реализација на капиталните инвестиции кои се од клучно значење за економскиот развој.

Особено охрабрувачки е фактот што во сегментот на нискоградбата е регистриран двоцифрен раст од над 20 индексни поени. Овој сегмент ги опфаќа инвестициите во изградба на автопати, експресни патишта, регионални и локални патишта, како и железницата, кои Владата преку Министерството за транспорт ги реализира со високо ниво на посветеност и одговорност.

Растот во нискоградбата е директен резултат на засилените активности на терен и силната динамика со која се реализираат капиталните проекти.

Автопатиштата на Коридор 8 и 10 д, се градат со силна динамика, а паралелно со тоа се инвестира и во железничката инфраструктура, што претставуваат клучен сегмент за долгорочниот економски развој, регионалното поврзување и зголемувањето на конкурентноста на економијата.

Дополнително, Државниот завод за статистика објави дека стапката на раст на бруто-домашниот производ (БДП) во првото тримесечје од 2026 година изнесува 3,1 процент.

Овој резултат претставува јасен показател дека економијата расте, дека инвестициите даваат резултати и дека развојните политики на Владата создаваат реални ефекти во стопанството.

Резултатите што ги објави ДЗС, се потврда дека државата се движи во вистинска насока, градежништвото останува мотор на економскиот развој, а инфраструктурните проекти силно го поддржуваат растот, развојот и креираат подобра иднината на државата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во Комисијата за надворешни работи на ЕП изгласани 11 компромисни и два амандмани на бугарските европратеници

Предлог Извештајот на известувачот Вајц за Македонија помина во Комисијата за надворешни работи на ЕП, и кон крајот на јуни ке се најде и на пленарна седница на Европскиот парламент.

Во Комисијата за надворешни работи на ЕП изгласани 11 компромисни и два амандмани на бугарските европратеници

Изгласани се 11 компромисни амандани и два на бугарски европратеници, едниот од нив се однесува на историската комисија.

Усвоените амандмани европарламентот официјално ќе ги објави, по што ќе се знае дали мегу нив е и амандманоит на Вајц за вториот протокол со Бугарија.

Од Европскиот парламент соопштија дека ја реафирмираат поддршката за македонските евроинтеграции, но дека напредокот во преговорите зависи од трајни и длабоки реформи, не само за усвојување на потребните уставни амандмани.

Вајц во пишано соопштение информираше дека е задоволен од исходот, а нагласува и дека земјава направила важни реформски чекори и дека од клучна важност е да се продолжи со напорите и да остане силно посветена на евроинтегративниот пат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер