Високите температури ги зголемија интервенциите на штипската Брза помош - Канал 5

Здравје

Високите температури ги зголемија интервенциите на штипската Брза помош

Здравствените работници во Брзата помош во Штип деновиве поради високите температури имаа и по над 20 интервенции, само во една смена. 

Високите температури ги зголемија интервенциите на штипската Брза помош

Драгана Величковска лекар во Брзата помош при ЈЗУ Здравствен дом „Панче Караѓозов“-Штип за МИА вели дека деновиве имаат и чести повици од пациенти со симптоми на коронавирусот и дијареи.

– Еден апел до граѓаните, пациентите кои ги повикуваат нашите екипи да носат заштитни маски, со цел да го заштитиме и здравјето на здравствените работници, кои веднаш излегуваат и пружат медицинска помош, вели Величковска.

Александар Стојанов, специјалист по медицина на трудот за МИА вели дека градежните работници, потоа работниците во јавните претпријатија и сите останати кои претежно работат на отворено, најмногу ќе ги почувствуваат екстремно високите температури.

Посочи дека топлотниот бран на мета ги има и работниците во неклиматизирани простории, како што се некои од текстилните фабрики, но и оние кои патуваат со јавен превоз или одат пеш до работа и назад. Стојанов смета дека над 60 проценти од работниците деновиве ќе бидат значително изложени на портокаловата фаза на високи температури, за што следат и соодветни препораки за заштита.

– Должност на работодавачите е да обезбедат подобри услови на работното место. Просториите да бидат климатизирани, да ги предупредат работниците за физичките, хемиските и биолошките штетности на работното место, да користат повеќе паузи во текот на работното време. Исто така, треба да има голема претпазливост при одењето на пауза, влегувањето и излегувањето од работното место или јавниот превоз, затоа што температурата е една внатре, а надвор е друга, вели Стојанов.

Укажува дека колапси и удари се најчестите последици при премин од неклиматизирани во климатизирани простории и обратно. Лекарите советуваат дека во таков случај треба да се побара медицинска помош, но и да се земат многу течности.

-Исто така во овој период треба да се пие многу течности, да се носи светла облека. Работодавачот треба да на работниците да им даде соодветна опрема и тие треба да ја користат, а се препорачува луѓето да не излегуваат без потреба, особено хроничноболните, бремените жени, додава Стојанов.

Препораки за заштита од високите температури вчера објавија ресорните министерства, кои препорачуваат ослободување од работните обврски на бремените жени и хронично болни лица, работодавачите да ги почитуваат законските прописи од оваа област и да не се излегува на отворено во периодот од 11 до 17 часот доколку за истото нема потреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Борбени авиони на НАТО соборија беспилотно летало над Литванија

Борбени авиони на НАТО соборија беспилотно летало над Литванија откако беше издадено предупредување за главниот град Вилнус и околниот регион.

Борбени авиони на НАТО соборија беспилотно летало над Литванија

Леталото во Литванија дошло од соседна Белорусија и се движело кон запад.

Гитанас Науседа, претседателот на Литванија, утринава објави: „Беспилотно летало што штотуку навлезе во литванскиот воздушен простор беше уништено од борбени авиони на НАТО. Со оглед на тоа што Русија ја засилува агресијата врз Украина, ваквата подготвеност е од витално значење за нашиот регион.“

Во меѓувреме, Полска ги активираше своите воздухопловни сили како превентивна мерка поради руските напади со беспилотни летала врз Украина. Вчера полската војска извлече сомнително руско беспилотно летало од морето кај балтичкиот брег во северна Полска.

Литванија, Латвија и Естонија – сите членки на НАТО на границата со Русија – постојано се соочуваат со навлегувања на беспилотни летала на нивните територии откако Москва ја започна војната против украина.

Тагови: дрон НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп изјави дека веќе нема напади врз енергетски цели, Русите погодија бензинска во Киев

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко .

Трамп изјави дека веќе нема напади врз енергетски цели, Русите погодија бензинска во Киев

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко – само еден ден откако американскиот претседател Доналд Трамп изјави дека Украина и Русија се договориле да не ја напаѓаат енергетската инфраструктура на другата страна.

Во нападот е повредено едно лице, а погодени се и магацини во друг дел од градот, соопшти Кличко на Телеграм.

Сведок на Ројтерс слушнал експлозија во Киев.

Погодени бензинска пумпа и магацини, Русија неодамна почна да ги напаѓа бензинските пумпи во Киев, со што го прошири опсегот на своите цели.

Според украинските власти, Русија погодила околу 300 бензински пумпи во изминатите неколку месеци, главно во областите долж или во близина на линијата на фронтот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кратовец осомничен дека прободел со нож полициски службеник

Кумановското обвинителство ќе спроведе истрага против 40-ет годишен кратовец заради напад со нож на полициски службеник при интервенција.

Кратовец осомничен дека прободел со нож полициски службеник

Според обвинителството, осомничениот на 11 септември нападнал службени лица при вршење работи на јавната безбедност поврзани со спречување кривично дело.

Кога двајца полицајци употребиле сила за да ја отворат заклучената врата од собата во која се наоѓал осомничениот, тој ги нападнал. При нападот, на еден од полициските службеници со нож му нанел тешки телесни повреди, меѓу кои прободна рана и посекотина.

Поради опасност од бегство и можност осомничениот да го повтори делото, јавниот обвинител до судијата на претходна постапка доставил предлог за определување мерка притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер