Свет

Високи цени на нафтата и неизвесно примирје: САД и Иран пред нова рунда разговори во Пакистан

Двонеделното примирје меѓу САД и Иран и натаму под притисок.

Продолжуваат обвинувњата меѓу Вашингтон и Техеран за тоа кој го крши и онака кревкото примирје. Во текот на ноќта Израел го нападна Либан, што наиде на негодување кај иранските власти. Израелската војска соопшти рано утринава дека погодила 10 лансери во Либан кои испукале ракети кон северен Израел. Иран јасно ставa до знаење дека Либан е опфатен со двонеделниот договор за прекин на огнот постигнат со САД - нешто што Вашингтон и Израел го оспоруваат.

Нема знаци дека Иран ја укинува речиси целосната блокада на Ормутскиот теснец, што предизвика најлошото нарушување на глобалните енергетски резерви досега. Техеран ги наведе континуираните напади на Израел врз Либан, меѓу кои беа и најтешките напади во војната во среда, како клучна точка на сопнување.

Американскиот претседател Доналд Трамп во обраќање пред новинарите оцени дека светот се соочува со многу помоќен Иран отколку ред 47 години.

„Се справуваме со овие луѓе 47 години, исправен сум пред многу помоќен Иран – иако пред еден месец е „обезглавен“, но исправен сум пред Иран каков што не бил изминатите 47 години. Со ова претходно требаше да се справат 7 претседатели или и повеќе, а сега секој од нив вели „требаше ова да го сторевме и претходно“. Па така, ова не е нешто која сакам јас да го правам туку премногу е опасно.“- Доналд Трамп, Претседател на САД

Претходно Израелските власти соопштија дека најмалку 303 лица биле убиени во воздушни напади врз командни центри на Хезболах и воени локации, во Либан. Либан се соочува со криза со безбедноста на храната, бидејќи војната во Иран ги нарушува испораките на стоки во земјата, вели Светската програма за храна на Обединетите нации.

Заменик-министерот за надворешни работи на Иран, Саид Хатибзаде, оцени дека континуираните израелски напади врз Либан се „сериозно кршење“ на договороти дека САД мора да изберат „помеѓу војна и прекин на огнот“. Министерот за надворешни работи на Иран, Абас Арагчи истакна дека вратата за дипломатија е секогаш отворена, нешто што не е овој пат случај.

„Нападот врз нуклеарните постројки само по себе е непростливо загрозување на меѓународното право и треба да биде осудено. Синоќа како што споменав имав разговори со повеќемина министри за надворешни работи од регионот, речиси секој од нив е многу загрижен и заинтересирани се вклучат во ставање крај на оваа агресија од Израел исто така загрижени се за евентуален напад од страна на САД.“- Абас Арагчи, Министрер за надворешни работи на Иран

Меѓувреме САД ги нападнаа клучните ирански нуклеарни објекти Фордоу, Натанц и Исфахан рано утринава. На социјалните мрежи Трамп вели дека Иран „многу лошо ја врши работата“ во управувањето со преминот, каде што минуваат 20% од светската нафта, и го предупредува Техеран да не „наплаќа такси за танкерите што минуваат низ него“.

Додка во сила е формалниот прекин на огнот меѓу Иран и САД, нова надеж се најавените мировни преговори во Пакистан, закажани за викендов, на кои треба да присуствуваат потпретседателот на САД Џ.Д. Венс и иранска делегација. Во Пакистан, властите се подготвуваат за утрешната прва рунда разговори меѓу САД и Иран кој во 10-те точки за крај на војната бара задржување на контролата врз Ормускиот теснец, прифаќање на правото на Иран на нуклеарно збогатување, укинување на санкциите и завршување на војната, вклучително и против Хезболах во Либан.

На светските берзи фјучерсите за суровата нафта денеска пораснаа над 99 долари за барел, цената се менува на дневно ниво иако првично драстично се намали откако САД и Иран го договорија за двонеделен прекин на огнот. Цената на природниот гас изнесува 2,67, додека цената на бензинот е 3,04 долари за барел.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Расел Кроу привлекува внимание во Венеција, ослабнал 26 килограми

Расел Кроу се појави на 83-тиот Меѓународен филмски фестивал во Венеција во петокот, привлекувајќи внимание со својата значително послаба фигура.

Тој пристигна на црвениот тепих со својата партнерка, Бритни Терио, а парот присуствуваше на проекцијата на филмот „What Love Builds“ во салата „Дарсена“.

За оваа пригода, Кроу (62) избра елегантен црн костум и бела кошула, а сивата коса ја зачешла наназад. Додека позираше за фотографите, ја држеше раката околу половината на својата партнерка. Бритни (42), неговата партнерка со која е во врска шест години, носеше црн фустан што ја следи линијата на телото и има длабоко деколте, а изгледот го надополни со црни чевли со високи потпетици и дијамантски накит.

Откри колку килограми изгубил

Кроу изгубил значителна тежина во текот на изминатата година. За време на неодамнешното гостување во подкастот „The Joe Rogan Experience“, тој откри дека ослабел 26 килограми.

Исто така, сподели дека значително го намалил консумирањето алкохол, иако не се откажал целосно од него. По снимањето на филмот „Nuremberg“, како што рече, тежел 126 килограми. „Сега тежам 100,9 килограми“, откри тој.

View this post on Instagram

A post shared by Drew McIntyre (@dmcintyrewwe)

Актерот неодамна објави фотографии од теретана на социјалните мрежи, а неговата физичка трансформација ги воодушеви многубројните обожаватели. Во коментарите, тие забележаа дека тој повторно изгледа како „Гладијатор“, алудирајќи на неговата култна улога како Максимус во филмот „Gladiator“ од 2000 година, која ја одбележа неговата кариера. Му помогна и здравствена програма.

Актерот исто така спомена дека во тој период му помогнала програмата „Way2Well“. Како дел од програмата, тој прима инјекции кои, според него, помагаат да се ублажат последиците од стари повреди здобиени за време на физички напорни филмски улоги.

„Не ја разбирам науката зад сето тоа, но чувствувам вистинска корист во рамената и колената. И инјекциите и инфузиите го смирија воспалението во моето тело“, рече Кроу.

Во врска е со Бритни од 2020 година

Кроу и Бритни Терио се заедно од ноември 2020 година; Тие за првпат се појавија заедно на црвениот тепих како пар во октомври 2022 година, на премиерата на неговиот филм „Poker Face“.

Се запознале уште во 2013 година, на снимањето на трилерот „Broken City“. Терио е од Њу Орлеанс и претходно работела како актерка и навивачка.

Кроу претходно беше во брак со Даниел Спенсер, со која ги има синовите Чарлс и Тенисон. Тие стапија во брак во 2003 година, се разделија во 2012 година, а нивниот развод беше официјално финализиран во 2018 година.

Извор: Индекс.хр

Тагови: Расел Кроу

Свет

Трамп: Би сакал да видам обединета Ирска

Американскиот претседател Доналд Трамп изјави дека „би сакал да види“ обединета Ирска, тврдејќи дека „тоа на крајот ќе се случи“.

За време на средбата со ирскиот премиер на имотот Фармли во Даблин, американскиот претседател рече дека обединета Ирска би била „големо признание за сите“. „Како би можело тоа да биде лошо?“, праша тој.

Еден новинар го праша за неговото мислење за ирското обединување. Свртувајќи се кон ирскиот премиер Михол Мартин, кој седеше до него, Трамп додаде: „Разговараме за тоа, а вие го имате вистинскиот човек овде кој би можел да го придвижи процесот. Но, да, мислам дека тоа би било фантастична работа“.

Q: What’s your view on Irish unification?

Trump: I’d love to see it unified. I think it would be a great thing. How could it be bad? pic.twitter.com/88FOXsBOoM
— Acyn (@Acyn) September 12, 2026

„Новинарите се обидуваат да ми наместат стапица“

Тој подоцна дополнително го нагласи својот став за време на обраќањето во резиденцијата на американскиот амбасадор. Тој се потсети како еден новинар го прашал што мисли за обединувањето на Северна Ирска и Република Ирска.

„Морате да разберете дека со новинарите – барем кога станува збор за мене – секое прашање е стапица. Тие секогаш се обидуваат да ви наместат стапица, прашувајќи: 'Што мислите за обединувањето на Северна Ирска и Ирска?' Мислам дека дадов добар одговор. Утре ќе читаме за тоа“, предвиде Трамп.

„Тоа е едно од оние прашања на кои, без разлика што ќе кажете или колку добро ќе го кажете, нема добар одговор, нели? Има четири или пет такви – би можел да набројам и други, но нема да ве охрабрувам. Сепак, тоа беше едно од тие прашања. Всушност, реков дека, искрено, тоа би било многу одлична работа. Мислам дека би било одлично“, додаде тој. За време на средбата со Мартин, тој рече дека односите меѓу Ирска и САД „никогаш не биле толку добри како сега“. Тој го опиша Мартин како „пријател“ и рече дека „имале одличен однос уште од почетокот“. Трамп подоцна ќе отпатува во своето одморалиште за голф во Дунбег, округот Клер, каде што се одржува турнирот „Ириш опен“.

Бурнам ја отфрли можноста за референдум

Британскиот премиер Енди Бурнам поттикна политичка дебата на островот Ирска претходно оваа година, кога изјави дека референдум за обединување „не доаѓа предвид“. Според одредбите на Договорот од Белфаст, односно Договорот од Велики петок од 1998 година, британскиот министер задолжен за Северна Ирска е должен да распише референдум за статусот на Северна Ирска доколку смета дека обединувањето ќе биде поддржано од мнозинството гласачи. За да дојде до уставна промена, и граѓаните на Република Ирска мора да гласаат за обединување.

Извор: Индекс.хр

Тагови: Доналд Трамп

Автомобилизам

Зошто Германците ја намалуваат брзината на автопатите дури и таму каде што нема ограничување?

Препорачана брзина од 130 км/ч во Германија: Што значи „Richtgeschwindigkeit“?

На одредени делници од германските автопати сè уште не постои општо ограничување на брзината. Сепак, сè поголем број возачи се придржуваат до брзина од околу 130 км/ч, а за тоа постојат неколку причини.

Во Германија постои таканаречена „Richtgeschwindigkeit“ – препорачана брзина од 130 км/ч.

Иако не е задолжителна на делниците без ограничување, надминувањето на оваа брзина може да има последици во случај на сообраќајна несреќа.

Ако возачот ја надмине брзината од 130 км/ч, може – под одредени околности – да сноси делумна одговорност за евентуалната штета.

Компаниите воведуваат сопствени ограничувања

На однесувањето на возачите влијаат и политиките на компаниите. Сè повеќе фирми ја ограничуваат брзината на службените возила на 130 км/ч, делумно за да ја намалат потрошувачката на гориво и трошоците за возниот парк.

Препораки за компаниите издадоа и организациите „Agora Verkehrswende“ и „Öko-Institut“, истакнувајќи дека ограничувањата на брзината можат да придонесат кон помала потрошувачка на гориво и поголема одржливост.

Некои институции одат и чекор понатаму. Државната канцеларија за финансии на Северна Рајна-Вестфалија (*Landesamt für Finanzen Nordrhein-Westfalen*) препорачува максимална брзина од 110 км/ч за службените возила на автопатите.

Ограничување од 130 км/ч важи и за возилата со кои управува „BwFuhrparkService“, организацијата одговорна за голем дел од возниот парк на германската војска.

Според „Autoblog.nl“, постојат и извештаи дека почитувањето на ова правило се следи преку телеметрија. Горивото е уште една причина за возење со помала брзина.

На крајот на краиштата, постои и многу практична причина: цената на горивото.

Кога литар гориво во Германија чини околу 2,30 евра, возењето со поголеми брзини резултира со значително поголема потрошувачка.

Според тоа, фактот што на одредени делници од патот нема ограничувања на брзината, не значи дека повеќето возачи ќе возат со максимална брзина.

За многумина, 130 км/ч е едноставно компромис помеѓу брзината, потрошувачката на гориво, безбедноста и трошоците.

Извор. Б92

Тагови: Германија