Технологија

Вилијам Шатнер (90) конечно полета во вселената (Во живо)

Вилијам Шатнер денеска полета во вселената.

90-годишниот актер познат по улогата на капетан Кирк вчера требаше да полета во вселената, но патувањето било откажано поради силните ветрови. Следете ја авантурата на Шатнер во живо во видеото.

Така, Шатнер ќе стане најстарата личност што некогаш патувала во вселената. Тој управуваше со вселенското летало „УСС Ентерпрајз“ на меѓугалактичка одисеја во „Ѕвездени патеки“, а сега тргнува во сопствена одисеја.

„Она што го глумев, ќе ги видам од прва рака“, рече Шатнер претходно.

„Воодушевен сум, загрижен, малку нервозен и малку исплашен за оваа нова авантура“, додаде тој.

Blue Origin објави дека Шатнер ќе биде на следниот лет заедно со Одри Пауерс, потпретседателка на компанијата.

Шатнер, Пауерс и двајца други членови на екипажот полетаа од оддалечениот дел на Западен Тексас, помалку од три месеци по првиот вселенски лет со екипаж на Blue Origin. Екипажот ќе ужива четири минути во безтежинска состојба во текот на 11-минутното суборбитално патување. Џеф Безос и неговиот брат го направија истото ова лето.

Свет

Италијанската полиција го уапси најбараниот американски бегалец среде Ватикан

Италијанската полиција минатата недела го уапси „најбараниот“ американски бегалец кој носел три скриени ножеви на преполниот плоштад Свети Петар пред Ватикан, соопшти денеска судски извор.

Бегалецот, кој сега е во притвор, се вика Мозес Техада и е осуден како насилник од Одделението за истраги на казнено-поправните институции во државата Њујорк.

Тој е на листата на најбарани во одделот.

Италијанскиот весник „Република“ прв објави дека Техада е уапсена, а подоцна тоа го потврди и извор од правосудството.

Тој го привлече сомнежот на полицијата која го приведе и констатира дека носи ножеви долги 20 сантиметри. Плоштадот Свети Петар беше исполнет со верници и туристи додека папата Франциско одржа општа аудиенција тој ден, среда, 10 април. Засега не е познато дали Техада, која е осудена за грабеж и киднапирање, претставувала некаква закана за папата Франциско.

Инспекторите откриле дека тој неодамна пристигнал во Рим од Молдавија, а претходно престојувал во Украина. На истражителите им рекол дека во Украина бил од 2022 година, каде се борел против руските сили, пренесе „Република“. Италијанските власти сега чекаат американските власти да одлучат дали ќе бараат негова екстрадиција.

Забава

Меган Фокс покажа како изгледа без шминка (ФОТО)

Меган Фокс објави фотографија на Инстаграм на која позира без шминка.

Нејзината објава за еден ден им се допадна на повеќе од милион луѓе.

„Многу си поубава без шминка“, „Прво мислев дека ова е Ким Кардашијан“, „Некои изгледаат исто со и без шминка. Меган е една од нив“, „Одлична фотографија“, „Треба да си без шминка почесто“, ѝ пишувале луѓето во коментарите.

Инаку, Меган неодамна ја промени фризурата. Откако извесен период се појавуваше во јавноста со розова коса со средна должина, сега има екстензии во тиркизна боја.

На следбениците им се допадна нејзината промена. „Одам на фризер со твојата слика“, „Секоја фризура ти стои убаво“, „Косата ти прилега со очите“, „Сега морам да ја фарбам и косата“, ѝ рекле.

Инаку, 37-годишната актерка многумина ја сметаат за една од најубавите жени на светот.

Македонија

Ограбена менувачница во Чаир, крадците го одзеле сефот со пари

Неколку лица со употреба на сила и погоден предмет вчера влегле во менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.

Како што соопшти МВР, кражбата вчера во СВР Скопје во 10:15 часот ја пријавил сопственикот на менувачницата, М.Д.(42) од Скопје, а се случила околу 04.20 часот.

По преземени мерки и активности, возилото било пронајдено на паркинг простор на подрачје на Чаир.

Се преземаат мерки за целосно расчистување на случајот.

притисни ентер