Викендов се венчава Селена Гомез, бројни славни личности се поканети на свадбата (ФОТО) - Канал 5

Забава

Викендов се венчава Селена Гомез, бројни славни личности се поканети на свадбата (ФОТО)

Подготовките за свадбата на годината се во полн ек. Селена Гомез и Бени Бланко ќе го кажат судбоносното „Да“ овој викенд, а на списокот на гости се очекуваат многу познати лица.

Викендов се венчава Селена Гомез, бројни славни личности се поканети на свадбата (ФОТО)

Според медиумските извештаи, 33-годишната пејачка и 37-годишниот музички продуцент ќе се венчаат денеска, 27 септември, во Санта Барбара, Калифорнија. Двојката се обиде да ги чува сите детали од свадбата во тајност, па неодамна изјавија дека дури и немаат одреден датум.

Славни гости

TMZ објавува дека церемонијата ќе се одржи во приватен имот во Монтесито, а се очекуваат околу 170 гости.

Огромен бел шатор веќе е поставен на приватниот имот во Монтесито, луксузен дел од округот Санта Барбара. Опкружен со палми, овој простор изгледа како вистинска оаза што ќе ги пречекува гостите. До главниот шатор е поставен помал, темно сив, под кој ќе има олтар каде што вљубениот пар ќе ги размени своите завети и официјално ќе станат сопружници.

Луксуз на секој чекор

Од четврток, бројни камиони за достава и тимови задолжени за организацијата се забележани на тајната локација, кои вредно работат на подготовките за големиот ден. Просторот е трансформиран во гламурозна, но пријатна атмосфера со надворешни салони, специјални коктел катчиња и гурмански кујни за услужување на гостите.

На свадбата се очекуваат многу познати личности, како што е Тејлор Свифт, која беше видена на аеродромот. Ко-ѕвездите на Селена од серијата „Само убиства во зградата“ - Стив Мартин, Мартин Шорт и Пол Рад - исто така се снимени во Монтесито.

Двојката ја започна својата врска во јули 2023 година и се свршија во декември минатата година. Сепак, нивното познанство оди многу подалеку во минатото, со оглед на тоа што со години соработуваат на музички проекти.

Тагови: Селена Гомез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер