Викендов ќе се појави посебен феномен – Супермесечина

Во раните утрински часови на 9 февруари, на небото ќе се појави супер Месечина, пишува Mirror.

Полната месечина се појавува на небото кога Месечината е на спротивната страна на Земјата во однос на Сонцето, што значи дека нејзината површина е целосно осветлена. Во исто време, Месечината ќе биде многу близу до нашата планета, што значи дека ќе се појави поголема и посветла на ноќното небо.

Супер месечината ќе се појави во раните утрински часови на 9 февруари, а најинтензивна ќе биде во 08:33 CET.

„Месечината ќе биде полна околу три дена, од петок навечер до понеделник наутро, правејќи го овој викенд - викенд на полна месечина“, рече Гордон Џонстон од НАСА.

Овој вид Месечина има добиено повеќе имиња низ историјата, од кои најчеста е Снежната месечина или Месечината на гладните.

И додека Месечината е полна повеќе пати во текот на целата година, овој пат ќе биде специфична

"Траекторијата на Месечината околу Земјата е елипсовидна, што значи дека Месечината периодично се приближува и се оддалечува од Земјата. Најоддалечената точка на оваа елипса се нарекува агоге и е оддалечена 405.500 километри. Најблиската точка е перигеа и просечно е далеку околу 363.300 километри. Кога полната Месечината се појавува во перигеја, таа е малку посветла и поголема од обичната полна месечина и така ја добиваме Супер месечината “, објаснува Гордон Џонстон.

Ако го пропуштите настанот овој викенд, за среќа, нема да мора да чекате долго за да се појави следниот пат и тоа на 9-ти март.

Новинар на „Тајмс“: Алонсо не е на потесниот список на замени на Клоп

Продолжуваат шпекулациите околу иднината на тренерот на Баер Леверкузен, Чаби Алонсо. Шпанскиот стручњак најмногу се поврзува со Баерн Минхен и Ливерпул, а конечната одлука на тренерот кој брка тројна круна со „аспирините“ се уште не е позната.

Сагата помеѓу Ливерпул и Чаби Алонсо доби вистински пресврт бидејќи познатиот новинар Пол Џојс, кој е близок до „црвените“ и работи за „Тајмс“, објави дека шпанскиот тренер нема да се најде на потесниот список на замени на Јирген Клоп.

Тоа е многу остар пресврт од првичните гласини кои го поврзуваа Алонсо конкретно со тимот, но според сите сметки тој изгледа малку веројатно да застане на чело на Ливерпул, а сега се очекува Шпанецот да остане во Баер Леверкузен./МИА

Најмалку четири лица загинаа во невремето во Шпанија

Најмалку четири лица се удавија во морето поради големите бранови предизвикани од ураганот Нелсон во Шпанија.

Две лица се удавија вчера во градот Тарагона, источна Шпанија и две во регионот Астурија, во северниот дел на земјата.

Невремето зафати неколку шпански региони, а брзината на ветерот достигна 90 километри на час. /МИА

Изненадување во Мајами: Алкараз елиминиран од Димитров

Дванаесет години постариот Балканец направи дури 24 винери и генерално го совлада помладиот ривал во сите важни елементи на играта, заслужувајќи го целосно вториот триумф во меѓусебните дуели. 

Карлос Алкараз беше јасен фаворит во борбата за овогодинешната Мастерс титула во Мајами, но веќе во четвртфиналето се прости од вториот трофеј на тој АТП турнир од серијата 1.000, бидејќи изминатава вечер немаше решение за ударите на Григор Димитров - 0:2 (2:6, 4:6).

И не само тоа, Шпанецот беше толку слаб што по мечот не се срамеше да признае колку бил во сенка на пониско рангираниот бугарин.

- Повторно ме натера да се чувствувам како да имам 13 години. Не се сеќавам дека некој ме натерал да се чувствувам вака. Помина долго време откако се случи такво нешто. Не знаев што да правам. Барав решенија, но тој не ми дозволуваше. Чувствував неверојатна фрустрација, изјави 20-годишниот Шпанец по неговата изненадувачка елиминација.

Дванаесет години постариот Балканец направи дури 24 винери и генерално го совлада помладиот ривал во сите важни елементи на играта, заслужувајќи го целосно вториот триумф во меѓусебните дуели.

- Генијалноста е често во едноставноста. Знаев дека морам да бидам поагресивен, да ги водам поените. Многу е тешко да се направи тоа против него, изјави пресреќниот, но разумен „џелат“ на шампионот на неодамнешниот Мастерс во Индијан Велс.

Димитров за финалето ќе се бори со Александар Зверев од Германија, додека другата полуфинална двојка ја сочинуваат бранителот на тронот Данил Медведев (Русија) и Јаник Синер (Италија). /MИА

притисни ентер