Видео: Заврши фестивалот во Кан: Златна палма за филмот „Анора“

Трогателната драма со комични елементи „Анора“, за млада егзотична танчерка која влегува во врска со син на руски олигарх, беше наградена со Златна палма на филмскиот фестивал во Кан.

Филмот на американскиот режисер Шон Бејкер победи во конкуренција на 21 филмско дело, вклучувајќи ги и делата на истакнати режисери како Френсис Форд Копола и Дејвид Кроненберг.

По проекцијата во вторник, „Анора“ доби аплауз кој траеше седум и пол минути, а публиката аплаудираше за време на прикажувањето на двочасовниот филм.

Бејкер ја прими наградата со ѕвездата на неговиот филм Мајки Медисон и им рече на толпата дека „не знае што се случува во моментов“. На Џорџ Лукас му беше доделена почесна Златна палма, која му ја врачи неговиот стар пријател и некогашен соработник Френсис Форд Копола.

Хрватскиот краток игран филм „Човекот кој не можеше да молчи“, на режисерот и сценарист Небојша Слијепчевиќ ја освои Златната палма за најдобар краток филм.

Европска комисија: Македонија се обврза да ги направи уставните измени за да продолжи

Европската Унија ќе работи од близу со новата македонска влада за спроведување на реформската агенда и продолжување по евроинтегративниот пат. 

Сепак,од таму велат дека очекуваат земјава да ги спроведе преземените обврски преку промена на уставот и вметнување на бугарите во него. На дневниот брифинг на ЕК во Брисел, порпаролката на комисијата Ана Писонеро порача и дека земјава мора да го искористи моментумот кој според неа, постои во ЕУ за проширување.

-Мислам дека пораката е многу јасна, Македонија мора да го искористи моментумот кој постои за проширувањето за да продолжи решително кон на својот ЕУ пат. Мислам дека сите сте свесни за тоа што ЕУ Советот јасно кажа дека го очекува од Македонија и секако тоа се однесува на уставните амандмани за кои Македонија се обврза да ги направи за да може да продолжи по својот ЕУ пат,- - Ана Писонеро – Порпаролка на ЕК .

Прашана пак за Преспанскиот договор и користењето на уставното име на земјава, Писонеро со порака дека Комисијата очекува двете страни да го спроведуваат договореното, но и дека Унијата изразила жалење за некористењето на придавката „Северна“ од страна на, како што кажа, дел од македонските лидери.

-Веќе кажавме дека жалиме за некористењето на некои од македонските лидери на уставното име на Македонија, тоа е нешто што е договорено во Преспанскиот договор и јасно е дека сите страни треба да ги почитуваат одредбите од договорот и да ги спроведуваат со добра волја. Тоа имаме да го кажеме,- - Ана Писонеро – Порпаролка на ЕК .

Во меѓувреме, Украина и Молдавија кои аплицираа за членство во ЕУ пред две години, односно по почетокот на руската инвазија, денеска во Луксембург и официјално ги започнуваат преговорите за членство во Унијата. Ваквиот потег дел од медиумите во ЕУ го оценија како дискриминаторски кон земјите од Западен Балкан. Порака дека земјите од регионот треба да се приклучат на ЕУ пред Украина и Модлавија бидејќи подолго се во чекалната на Унијата, упати и италијанскиот министер за надворешни работи Антонио Тајани.

Чибишев нов директор на Токсикологија, Меџити на Неврологија

Чибишев нов директор на Токсикологија, Меџити на Неврологија, утре нов директор ќе има и Онкологија.

Андон Чибишев е новиот директор на Клиниката за токсикологија, а утре ќе биде назначен нов директор на Клиниката за онкологија, изјави денеска министерот за здравство Арбен Таравари, кој беше во посета на Здравствениот дом Скопје од каде најави вработувања во здравството.

- Професор Чибишев ќе биде новиот директор на Токсикологија. Исто така се надевам дека утре ќе го назначиме и новиот директор на Онкологија бидејќи таму решението за в.д. директорката е поминато кон средината на јуни. На Неврологија, нов директор е поранешниот министер за здравство д-р Фатмир Меџити, изјави Таравари.

Министерот за здравство потврди дека се сменети организациските директори на девет клиники, меѓу кои и на Токсикологија. Потврди дека се пронајдени неправилности во работењето на економската директорка Бесија Иљази на Токсикологија.

– Најверојатно да, службите го имаат тоа. Секако дека ние одлучивме веднаш да се разреши и да се назначи нов директор. Нема веќе да има економски директори, тоа е целта, рече Таравари.

[Изјава на в.д. претседателот на Алијанса за Албанците, Арбен Таравари по средбата со премиерот Димитар Ковачевски. ]

Многу скоро, како што најави, ќе биде предложен законот за да нема економски директори на клиниките.

– Многу скоро ќе предложам нов закон за здравствена заштита во којшто нема да има економски директори во сите установи. Кај што има, ако не се лажам повеќе од 100 вработени, така е законот, ќе предвидиме да има само професионален еден директор на клиника или болница или јавна здравствена установа, рече Таравари.

Се надева дека што побргу ќе бидат синхронизирани и систематизациите и ќе се донесе нова одлука за спојување на цел Клинички центар во иста установа.

- Истото важи и за здравствените домови и за болниците. Зборувам за помалите градови каде што има општа болница и здравствен дом, ќе бидат споени во едно што ќе се вика општа болница. Нема да има двајца, тројца, четворица директори, туку само еден, како што беше порано, рече Таравари.

На Трамп му беше претставен нов план за мир во Украина

Двајца од клучните советници на Доналд Трамп му претставија план за ставање крај на руската војна во Украина – доколку победи на претседателските избори,.

Што вклучува и соопштување на Украина дека ќе добие дополнително американско оружје само ако влезе во мировни преговори со Русија.

Во исто време САД би ја предупредиле москва дека секое одбивање да преговара ќе резултира со зголемена американска поддршка за Украина, изјави во интервју пензионираниот генерал-полковник кит келог, еден од советниците на трамп за национална безбедност.

притисни ентер