Видео: Вработен во училиште во САД удирал по главата дете со аутизам

Родителите на 3-годишно невербално аутистично дете објавија видео на кое се гледа како вработен во образовна институција го удира нивниот 3-годишен син во глава, а потоа го носи наопаку низ ходникот држејќи го за нозете.

ПРЕДУПРЕДУВАЊЕ!

НЕКОИ ОД ОВИЕ ВИДЕА МОЖЕ ДА БИДАТ ВОЗНЕМИРУВАЧКИ!

Танешиа Линдзи на нејзината страница на Фејсбук сподели безбедносна снимка од ходникот на Центарот за рано учење Роза Паркс во Дејтон направена на 21-ви август. Таа рече дека директорот на училиштето првично и рекол дека нејзиниот син Брајлен бил „врзан“ од вработен, но снимката од безбедносните камери покажува сосема поинаква слика. По инцидентот, вработениот дал отказ.

На видеото се гледа како Брајлен трча низ ходникот. Вработениот најпрвин го брка, а потоа го удира со тупаница во главата, по што тригодишното дете паднало на земја. Потоа вработениот во училиштето го носи Брајлен наопаку држејќи го за глуждовите, пренесува „NBC News“.

"Директорот не ни ја кажа целата вистина. Како што можете да видите, беше многу полошо од тоа", рече Линдзи. Адвокатот на родителите, Мајкл Рајт, рече дека училиштето го лажело семејството и го чувало во темнина. „Тие не беа транспарентни и мора да сносат одговорност“, рече тој.

Линдзи изјавила дека морала да испрати три мејлови до училиштето пред да и ја дадат снимката. Видеото го добила дури на 11 септември, три недели по инцидентот, но не го добила во целост. "Зошто Брајлен бегаше од него така? Можеби не беше заигран. Не знам. Не знам затоа што прекинаа дел од видеото", им рекла мајката на новинарите.

Училишната област засега не го објави името на училишниот вработен. Семејството на тригодишното момче бара тој да биде уапсен и изведен пред лицето на правдата, но тие не планираат да го повлечат Брајлен од училиштето. "Тој му верува на својот учител. Тој сака да оди таму", објасни Линдзи.

Нимиц: Луѓето кои се на власт треба да ги почитуваат договорите, не можеме да живееме во светот

Луѓето кои се на власт треба да ги почитуваат договорите, не можеме да живееме во светот на фантазијата.

Во Атина почна дводневна меѓународна конференција по повод шест годишнината од Договорот од Преспа, со кој земјава го смени уставното име во Северна Македонија, и така се реши долгогодишниот спор меѓу двете земји.

Конферецнијата е организирана од институтот Алексис Ципрас и фондацијата Зоран Заев, а присутни се актуелни и поранашни политичари и дипломати.

-До компромис е тешко да се дојде, но кога ќе дојдете до компромис, лесно е на другите луѓе од двете страни да кажат „ако бев јас таму ќе завршев подобра работа“ или „овој компромис повеќе и служи на другата страна“. Живееме во опасен период, живееме во реалниот свет, и во реалниот свет имаме договори, па луѓето кои се на власт треба да ги почитуваат тие договори. Не можеме да живееме во светот на фантазијата, не можеме да живееме во виртуелен свет, изјави Нимиц.

На Судан му се заканува најголемата глад во светот во последните 40 години

Хуманитарниот апел на Обединетите нации за земјата доби само 16 отсто од средствата кои и се потребни.

Судан се соочува со глад којa би можелa да биде најголема по таа која светот ја видел во Етиопија пред 40 години, предупредуваат американски официјални претставници, додека испораките на помош и натаму ги блокираат завојуваните армии, но снабдувањето со оружје за двете страни продолжува да се одвива.

Хуманитарниот апел на Обединетите нации за земјата доби само 16 отсто од средствата кои и се потребни.

„Потребно ни е светот да се разбуди за катастрофата што се случува пред нашите очи“, изјави за новинарите Линда Томас-Гринфилд, амбасадор на САД во ОН, пишува „Гардијан“.

Орбан разговараше со Мелони и Моравјецки во пресрет на состанокот на лидерите на ЕУ

Унгарскиот премиер Виктор Орбан денеска се сретна со италијанската премиерка Џорџа Мелони, со која разговараше за резултатите од изборите за Европскиот парламент, соопшти портпаролот на Орбан, Берталан Хаваши.

Хаваши рече дека Орбан и Мелони разговарале и за прашањата кои се однесуваат на европската десница и за задачите кои се пред Европскиот совет, кој ги собира лидерите на ЕУ, како и за претстојното претседавање на Унгарија со Советот на ЕУ, пренесува МТИ.

„Орбан во Брисел разговараше и со поранешниот премиер на Полска, Матеуш Моравјецки за обединување на европската десница“, додаде Хаваши.

притисни ентер