Видео: Успешен тест на најголема ракета „Старшип“ на „Спејс-Икс“ - Канал 5

Технологија

Видео: Успешен тест на најголема ракета „Старшип“ на „Спејс-Икс“

Вселенската компанија „Спејс-Икс“ го изврши клучниот тест на својата најмоќна и најголема ракета наречена „Старшип“.

Видео: Успешен тест на најголема ракета „Старшип“ на „Спејс-Икс“

Инженерите извршија тн. „статичко палење“ во место, односно истовремено активирање на 31 од 33-те мотори во основата на долниот дел на ракетата. Моторите беа активни само неколку секунди, а сѐ беше наместено за да нема движење. Кога конечно ќе полета, „Старшип“ официјално ќе стане најголемиот и најмоќен оперативен ракетен систем во историјата. Тоа би можело да се случи наредниве недели, под услов - најновиот тест да биде успешен.

„Статичкото палење“ беше изведено во постројката за истражување и развој на „Спејс-Икс“ кај cелото Бока Чика на границата меѓу Тексас (САД) и Мексико.

Основачот и извршен директор на вселенската компанија, Илон Маск рече дека при пробата, тимот го исклучил едниот мотор пред тестот, додека другиот сам престанал да работи, што значи дека всушност работеле вкупно 31 мотор. Тоа, според него, е доволно за ракетата да стигне во Земјината Орбита.

Историски гледано, најблиску до големината на „Старшип“ била советската ракета „Н1“ од доцните 60-ти, којашто беше развиена за превоз на космонаути на Месечината. Имала 30 мотори распоредени во два прстени, но ова летало беше неуспешно во сите четири обиди, па намерата била напуштена.

Засилувачот „Суперхеви“ на „Спејс-Икс“ е составен од 33 современи ракетни мотори коишто треба да создадат околу 70 отсто повеќе потисок на лансирната рампа од „Н1“. Во тој поглед, и огромната ракета на американската вселенска агенција НАСА - „СЛС“, која првпат полета во ноември, е послаба од „Старшип“.

YouTube video

Маск има важна улога во програмата „Артемис“ за испраќање астронаути на Месечината, но тој е сосредоточен и на Марс.

„Старшип“ е револуција и бидејќи е дизајниран да се користи повеќепати. Во таа смисла, два негови дела - засилувачот „Суперхеви“ и врвот на вселенското летало, ќе се вратат на Земјата и ќе бидат повторно искористени. Сега следи подробна анализа на орбиталното тестирање, а таа би можела да се очекува кон крајот на февруари или во март.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Околу 800.000 Либанци се вратија дома

Околу 800.000 Либанци раселени поради војната на југот на земјата почнаа да се враќаат во своите домови откако престанаа израелските напади, соопштија денес Обединетите нации.

Околу 800.000 Либанци се вратија дома

„821.077 луѓе почнаа да се враќаат во своите домови“, се вели во соопштението на ОН, додавајќи дека повеќе од 360.000 остануваат раселени, вклучувајќи околу 26.000 во владини засолништа.

Израел започна воздушни напади и копнена инвазија на Либан во кои загинаа повеќе од 4.300 луѓе и расели стотици илјади.

Седмата рунда разговори меѓу Либан и Израел, посредувана од САД, е во тек во Рим за спроведување на претходно потпишан рамковен договор.

По петтата рунда разговори во Вашингтон, Либан и Израел потпишаа „рамковен договор“ на 26 јуни.

Договорот предвидува спроведување на таканаречената „програма за пилот-зона“, која започна кон крајот на јули, кога израелската армија почна да се повлекува од тие територии.

„Рамковниот договор“ предвидува либанската армија да преземе контрола врз делови од јужен Либан и да конфискува оружје од Хезболах, група поврзана со Иран, додека израелските сили постепено се повлекуваат.

Фото: ВИ

Тагови: Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два дена преживување во дивината: Спасени пилотите на исчезнат авион

Двајца членови на екипажот на авионот „Цесна 182“ што исчезна додека патролираше низ шумските пожари во рускиот регион Иркутск се пронајдени живи по дводневна потрага.

Два дена преживување во дивината: Спасени пилотите на исчезнат авион

Двајца членови на екипажот на авионот „Цесна 182“ што исчезна пред два дена додека патролираше низ шумските пожари во регионот Иркутск се пронајдени живи, објавија денес регионалните служби за вонредни ситуации.

Гувернерот на регионот Иркутск, Игор Кобзев, изјави дека пилотите успеале да се искачат на висина од каде што ги испратиле своите координати користејќи импровизирана радио станица, објави РИА Новости.

Според него, тие се на околу 90 километри од градот Бодаибо, а испратен е хеликоптер за да ги евакуира.

Авионот исчезна во понеделник додека ја испитувал областа погодена од шумски пожари. Истражниот комитет на Русија започна истрага за сомнителни прекршувања на прописите за безбедност на воздушниот сообраќај.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Project Helix“: Новиот „Xbox“ би можел да прикажува игри од сите генерации

„Microsoft“ наводно работи на нова „Xbox“ конзола со кодно име „Project Helix“, која би можела да понуди најголема библиотека со игри во историјата на платформата.

„Project Helix“: Новиот „Xbox“ би можел да прикажува игри од сите генерации

Според протечените документи, целта на компанијата е да ги обедини игрите од речиси сите „Xbox“ генерации на еден уред, објавува „Bug“.

Според „The ​​Verge“, „Helix“ треба да поддржува игри за оригиналните „Xbox“, „Xbox 360“, „Xbox One“ и „Xbox Series S/X“, како и „PC“ наслови, како и идни ексклузиви наменети за новата конзола.

Една од најинтересните карактеристики се однесува на физичките игри. „Microsoft“ наводно развива систем кој би им овозможил на сопствениците на „Xbox One“ и „Xbox Series“ дискови да ги конвертираат своите физички копии во дигитални лиценци кои би биле поврзани со нивната сметка и достапни на идните „Xbox“ уреди.

Сепак, реализацијата на овој план нема да зависи само од „Microsoft“. Според документацијата, издавачите ќе го имаат последниот збор кога станува збор за вклучување на нивните игри во новиот систем. Тие ќе одлучат дали одредени наслови ќе бидат достапни, колку ќе чинат и дали ќе бидат дел од претплатата за „Game Pass“ или ќе се продаваат одделно.

Неизвесноста ја зголемува и фактот дека „Microsoft“ сè уште не одлучил дали новата конзола воопшто ќе има оптички уред. Ако нема, можноста за конвертирање на физички дискови во дигитални лиценци би можела да стане клучна карактеристика за гејмерите кои со години ги градат своите колекции игри базирани на дискови.

Доколку „Microsoft“ може да обезбеди поддршка од голем број издавачи, „Project Helix“ би можел да стане првата „Xbox“ конзола што ќе ја собере речиси целата историја на платформата на едно место.

Извор: Б92

Фото: ВИ

Тагови: Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер