Видео: Трипл-дабл на Јокиќ, Денвер ги елиминира Клиперси за историско финале на Западот

Кошаркарите на Денвер се противникот на ЛА Лејкерс во конференциското финале во Западната конференција од НБА.

Денвер предводен од маестралните Никола Јокиќ и Џамал Мареј во полуфиналната мајсторка триумфираше против фаворизираниот ЛА Клиперс со 104-89 и со 4-3 во победи обезбеди историско финале на Западот.

Тимот од Денвер по втор пат во НБА плеј офот успеаа да се вратат од скоро загубена позиција од негатива од 3-1 во победи. Со овој подвиг избраниците на Мајк Мелоун станаа првата екипа во историјата на најсилното светско кошаркарско прветсво кои во еден плеј оф успеале да стигнат од 1-3 до триумф од 4-3 во победи.

Феноменален меч утринава во Орландо одиграа предводниците на Денвер Никола Јокиќ и Џамал Мареј. Јокиќ решавачкиот дуел против фаворитот од Лос Анџелес го заврши со трипл дабл од 16 поени, 22 скока, 13 асистенции и 3 блокади. Мареј со 40 постигнати кошеви беше најефикасниот поединец на дуелот.

Клиперси и во третиот меч во низа ги разочараа своите навивачи, утрово се распаднаа посебно во решавачката четвртта четвртина, кога не успеааја да погодат скоро ништо. Нагести уште еднаш го искористија падот на својот противник и стигнаа до посакуваниот триумф.

Катасрофален натпревар утринава во Орландо одиграа најдобрите кошаркари на Клипесри Кавај Ленард и Пол Џорџ, лидерот на Клипесри Ленард постигна скромни 14 поени со очаен шут 6/22 од игра, а Џорџ заврши со само 10 кошеви на своето конто.

Реал Мадрид го продава Еден Азар

Еден Азар нема да остане во Реал Мадрид доколку шпанскиот клуб добие понуда со која ќе бидат задоволни.

Белгискиот фудбалер беше дочекан пред две години како голема sвезда,а 50.000 луѓе дојдоа да го поздрават на презентацијата, додека неговиот трансфер од Челси беше платен повеќе од 100 милиони евра, а сега може да си замине.

Сето ова му го наведува шпанска Марка и пишуваат дека во клубот го изгубиле трпението со играч кој е склон на повреди и кој не го покажал очекуваниот квалитет кога бил подготвен. Исто така потсетува на забавата на теренот со неговите поранешни соиграчи по натпреварот во кој Реал Мадрид беше запрен во полуфиналето од Лигата на шампионите, а Челси тргна кон борбата за титулата.

На преостанатите првенствени игри, клубот очекувал Азар да придонесе во борбата за титулата во Шпанија, но тоа нема да влијае на статусот на Азар во клубот. Ниту смеата во друштво на играчите на Челси немале ефект, бидејќи одлуката да го напушти, тврди шпанскиот спортски дневен весник, е донесена пред неколку недели.

Тој го загуби статусот во соблекувалната и довербата на врвот на клубот, па затоа во иднина повеќе не се смета, туку се бара купувач. Кога дојде во Реал Мадрид, Трансфермаркт ја процени неговата вредност на 150 милиони евра. Денес изнесува 40 милиони.

Азар има договор со Реал Мадрид до 30 јуни 2024 година.

ВМРО ДПМНЕ е за нов Клинички центар кој би се градел наспроти ,, Жан Митрев Клиника“

Многу е едноставно, ВМРО-ДПМНЕ е за нов Клинички центар, но само со изготвен проект, а не со физибилити студија од 35 страни.

Филипче треба да изработи проект, а потоа со истиот да бара пари, односно заем за реализација на вака сериозен капитален проект. Сега Филипче сака да се изгласа закон за заем од 503 милиони евра за проект кој е само во неговата глава, се наведува во соопштението од ВМРО ДПМНЕ

ВМРО-ДПМНЕ има многу јасен предлог. Предлогот е, комплетно реновирање на Клиничкиот центар „Мајка Тереза“ кое би чинело околу 100 милиони евра како и изградба на ургентен клинички центар кој би бил наспроти „Жан Митрев Клиника“ и со кој би се поврзале Поликлиниката „Букурешт“ и ГОБ „8-ми Септември“. Освен ова решение, треба да се изградат уште три универзитетски клинички болници во Тетово, Штип и Битола кои би чинеле по десетина милиони евра, се наведува во соопштението на ВМРО ДПМНЕ

СЗО ја одобри кинеската вакцина „Синофарм“ за итна употреба

Светската здравствена организација ја одобри за итна употреба вакцината против Ковид-19 на кинескиот производител Синофарм.

Вакцината, една од двете кинески вакцини што веќе се дадени на стотици милиони луѓе во Кина и во странство, е исто така и првата вакцина против коронавирус одобрена од СЗО, која не е развиена на Запад.

Исто така, СЗО за првпат одобри за итна употреба на кинеска вакцина против заразна болест.

Фактот дека вакцината на Синофарм е на списокот на СЗО на итни вакцини е сигнал до националните регулатори дека е ефикасна и безбедна и ќе овозможи да се вклучи во системот Ковакс, глобална програма за сиромашните земји.

СЗО досега одобри итна употреба на вакцините против Ковид-19 кои ги развија Фајзер/Бионтек, Астра Зенека, Џонсон и Џонсон и Модерна.

притисни ентер