Видео: Снимки од последната поларна светлина во северна Германија

Жители на делови од северна Германија имаа можност да уживаат во поларната светлина ноќта во неделата кон понеделник. 

Ноќното небо, велат очевидци, беше осветлено со различни бои - зелена, виолетова, жолта и црвена, а неколку дена претходно можеа да се видат необични сцени и над покраината Саксонија-Анхалт.

Жителите на Германија и во април годинава имаа можност да ја набљудуваат оваа појава. Инаку, Институтот за сончева физика при Германскиот вселенски центар (ДЛР) објасни дека појавата на поларната светлина не е особено необична и ретка.

Имено, приближно на неколку години фазите на слаба и силна сончева активност наизменично се менуваат во сончевиот циклус, па периодов се наближува и максимумот на сончевата активност. Следниот врв се очекува во 2025 година.

Статистички гледано, пролетта и есента се најдобри сезони за набљудување на поларната светлина.

Впрочем, оваа „игра на светлината“ настанува кога електроните како производ на сончева бура со голема брзина се судираат со магнетното поле на Земјата. Овој природен феномен отсекогаш ги фасцинирал луѓето, но малку е познато како сѐ тоа произведува звук што многумина го опишуваат како морничав.

Украинскиот парламент го одобри клучниот закон за малцинствата

Пратеникот Јарослав Железниак на Телеграм објави дека пратениците гласале за конечно читање на предлог-законот за правата на малцинствата, имајќи ја предвид експертската оценка на Европскиот совет.

Украинскиот парламент денеска одобри три нацрт-закони потребни за почеток на преговорите за пристапување на Украина во Европската унија, вклучително и еден за правата на националните малцинства, експресно барање на Унгарија, која се противи на кандидатурата на Украина за ЕУ, соопштија официјални лица.

Пратеникот Јарослав Железниак на Телеграм објави дека пратениците гласале за конечно читање на предлог-законот за правата на малцинствата, имајќи ја предвид експертската оценка на Европскиот совет.

Будимпешта се судри со Киев поради, како што вели, ограничувањата на правата на етничките Унгарци во западна Украина, особено во образованието.

Останатите два усвоени нацрт-закони се однесуваат на зголемување на персоналот на Националното биро за антикорупција и давање дополнителни овластувања на Националната агенција за спречување на корупцијата во врска со инспекциите на имотот.

-Украинскиот парламент штотуку усвои три од четири закони со уставно мнозинство, идентификувани од Европската комисија како неопходни во нејзиниот извештај за проширувањето на ЕУ, рече вицепремиерката Олга Стефанишин во анексот.

Таа додаде дека четвртиот услов, закон за лобирање, бил одобрен од владата во вторникот.

Следната недела 27-те национални лидери на земјите од ЕУ треба да одлучат дали ќе ја прифатат препораката на Европската комисија за упатување покана до Киев за почеток на официјални преговори за членство во ЕУ. Сепак, секоја таква одлука бара едногласна поддршка.

Унгарскиот премиер Виктор Орбан постојано изјавува дека неговата земја нема да го поддржи предлогот на Европската комисија во сегашната форма. /МИА

Џафери: Ми претставува голема чест доделената доверба

Талат Џафери ќе биде првиот премиер Албанец откако неговото име било предложено од првиот човек на ДУИ Али Ахмети, а одобрено од централното раководство на партијата кое одржа состанок во седиштето во Мала Речица.

Џафери ќе ја преземе функцијата кога техничката влада ќе стапи на сила во последните 100 дена од овој состав.

Вечерва во „Само Вистина“ дебатираа Сафет Бишевац и Алберт Муслиу

Бишевац: Зошто владата не најде сили да седне со експертите и ги слушне нивните ставови за Чебрен? Муслиу:Дали ние освен преговарачката рамка имаме друг услов за отворање на преговорите?

Бишевац: Зошто владата не најде сили да седне со експертите и ги слушне нивните ставови за Чебрен, ете парите од пакетот помош за граѓаните зошто не го инвестира во хидрицентралата? Тоа што го даваме водниот капацитет во рацете на странци не е добро. Ковачевски она што го демонстрираше изминатиот период ми дава за право да мислам дека не треба да го сфаќаме веќе толку сериозно. Двојните избори се добар потег за нормализирање на животот во општеството. Тоа што Ковачевски го трвди, земете го со резерва, неговото историско НЕ, траеше 3 дена, за францускиот или бугарскиот предлог. По извештајот на Холандскиот амбасадор, ние имаме и други пречки за ЕУ, во него се вели дека темнина е практично во оваа држава.

Муслиу: Ние даваме концесии, не даваме суверенитет. Зошто немаше експертска тематска дебата пред да дојде до потпишување, а не сега сите загрижени да прават трибини. Истаите тие требале да бидат поактивни пред две години. Двете декларации на бугарскиот парламент се различни, со втората се овозможи преговарачката рамка, која нема да ја отвориме бидејќи ни е услов за ЕУ. Дали ние освен преговарачката рамка имаме друг услов за отворање на преговорите? Тое дека ние не сме спремни за полноправно членство е причина поради која почнуваме преговори. Нашите политички елити не покажале капацитет поради лични или други причини за да го средат општеството.

притисни ентер