Видео: Потенцијално најскапо продадениот син дијамант во светот - Канал 5

Живот

Видео: Потенцијално најскапо продадениот син дијамант во светот

Син дијамант, наречен „Блу ројал“ (Bleu Royal), може да стане најскапиот продаден скапоцен камен на светот. Тој ќе биде ставен на наддавање во „Кристи“ во Женева, Швајцарија утре.

Видео: Потенцијално најскапо продадениот син дијамант во светот

Дијамантот од 17,61 карати е најголемиот интензивно син дијамант понуден на аукција кога било, а поставен во прстен, 50 години бил дел од приватна колекција. Првично, се очекува тој да достигне цена од 32 до 46 милиони евра. Живописните сини дијаманти од повеќе од 10 карати се исклучително ретки. Од своето основање во 1766 година, „Кристи“ има продадено само три такви дијаманти, и тоа сите последниве 13 години. Имено, „Булгари блу“ беше продаден за 14,7 милиони евра во 2010., „Винстон блу“ за 22,2 милиони евра во 2014. и „Опенхајмер блу“ за 53,6 милиони долари во 2016 година.

Покрај „Блу ројал“, понудата ќе вклучува и бројни предмети од светот на филмската историја. Така, на наддавањето ќе се најде и бисерен ѓердан што Одри Хепберн го носела во филмот „Одмор во Рим“, како и часовникот на Марлон Брандо од филмот „Апокалипса денес“.

Тој часовник глумецот ѝ го подарил на својата ќерка Петра во 1995 година, а таа потоа, 2003., му го подарила на својот сопруг. Потоа предметот со висока вредност е продаден на наддавање во 2019 година, за 1,8 милиони евра и овојпат, во Женева, се очекува да достигне цена од над два милиони евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Редовна есенска дератизација во Центар, опфатени 2.000 шахти

Општина Центар спроведува редовна есенска дератизација на целата територија на локалната самоуправа, со која се опфатени околу 2 000 шахти.

Герасимовски: Редовна есенска дератизација во Центар, опфатени 2.000 шахти

Дератизацијата се спроведува со цел сузбивање на штетните глодари и спречување на ширење заразни болести, како дел од континуираните мерки за заштита на здравјето на граѓаните.

„Ова е редовна дератизација што ја спроведуваме на целото подрачје на општината. Пред неколку недели реализиравме и вонредна дератизација за сузбивање на глодарите и спречување на потенцијални извори на зарази“, истакна градоначалникот на Општина Центар, Горан Герасимовски.

Препаратот што се користи е сертифициран и одобрен од Министерството за здравство, а наменет е за контрола на штетниците, без да претставува ризик за другите животински видови. Системската дератизацијата е дел од редовнитепревентивни активности за одржување на хигиената и заштита на јавното здравје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Спасено мече фатено во стапица на планината Јакупица

На планината Јакупица во велешко спасено е мече фатено во нелегално поставена стапица. 

Спасено мече фатено во стапица на планината Јакупица

Животното го пронашле ловџии од Ловечкото друштво „Руен“ од Велес.

Тие слушнале силно рикање и го забележале мечето заробено во сајла.

Во близина била и неговата мајка, која го набљудувала настанот. Во акцијата учествувале инспектори, ловџии, еколози, полицајци и ветеринар.

Мечето било пронајдено на локалитетот Чеплес, во близина на рибник Нежилово.

Ветеринар од Скопската зоолошка градина го успал животното за да го прегледа.Стапицата била отстранета, а мечето немало видливи повреди.станува збор за мажјак стар околу три години и тежок 70 килограми.По прегледот, мечето било пуштено назад во природата.за случајот бил известен јавен обвинител од велес.Полицијата ја запленила стапицата за вештачење и поведување кривична постапка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Заболените од ретки болести, бараат стратегијата за лечење на пациентите

Потребен е систем за лечење на заболените од ретки болести,тие бараат средба со министерот за здравство за да разговараат за стратегијата  за лечење на пациентите за наредните две години.

Заболените од ретки болести, бараат стратегијата за лечење на пациентите

Потребен е систем за лечење на заболените од ретки болести,тие бараат средба со министерот за здравство за да разговараат за стратегијата за лечење на пациентите за наредните две години ова беше истакнато на прес-конференција и едукативен симпозиум „Мисли на ретки: препознај и упати“ на здружението на граѓани за ретки болести „живот со предизвици“ Битола, националната алијанса за ретки болести на македонија и здружението на лекари по општа,семејна медицина.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер