Видео од кое ќе ви замрзне крвта: Вака изгледа чудовиштето што нè плашеше во детството - Канал 5

Забава

Видео од кое ќе ви замрзне крвта: Вака изгледа чудовиштето што нè плашеше во детството

Cè е снимено!

Видео од кое ќе ви замрзне крвта: Вака изгледа чудовиштето што нè плашеше во детството

Еден корисник на Редит подели запис покревајќи еден куп коментари од престрашени луѓе, а потоа објасни за што всушност станува збор.

Повеќето деца, особено додека се мали, се плашат да спијат сами во својата соба. Дури и кога нивните родители ќе ги убедат дека е безбедно, тие се будат навечер врескајќи и зборуваат за некакво чудовиште кое стои до нивниот кревет. Овие сеќавања остануваат и кога ќе пораснеме, но тогаш знаеме дека чудовишта не постојат, па делумно ни е полесно, иако поединци признаваат дека сè уште имаат непријатно чувство и се згрозуваат кога ќе се сетат на тие „привиденија“.

Еден човек сподели застрашувачко видео на Редит од „човекот - сенка“ за кој тврди дека стоел покрај неговиот кревет од детството. Морничавата сенка ја снимил со помош на специјални камери, а самото видео предизвика страв и многумина ги потсети на нивните кошмари од дамнешни времиња. Објавата на Редит наиде на бурни реакции, а многумина се огласија тврдејќи дека нешто слично доживеале во своето детство.

На видеото се гледа како некој речиси спие во својот кревет, неговите очи се отвораат и затвораат. И тогаш покрај креветот се појавува мистериозна фигура, која се приближува и се наведнува над личноста која спие во креветот.

- Како дете го гледав ова суштество-сенка покрај мојот кревет. Еве како изгледаше - стои во објавата која е прикажана со ова морничаво видео.

Иако се работи за видео што ја леди крвта, еве за што се работи.

Парализата при спиење е состојба која се јавува при заспивање или будење и во која личноста е свесна, но нејзиното тело е целосно парализирано. За време на оваа епизода, лицето може да халуцинира, што често резултира со страв.

На ова сугерираа и поедини корисници на мрежата кои имале слично искуство.

- Не грижете се, ова е само парализа во сон во 99 % од случаите, тоа е прилично вообичаено и многу е страшно да се доживее, особено ако сте дете и не сфаќате што се случува.

- Сум доживеала парализа при спиење и сум го видела ова. Отсекогаш се прашував зошто сите ја гледаме оваа фигура-сенка? Би можело да биде било што друго, но секогаш е во фигура-сенка...

- Јас гледав пајаци како лазат по ѕидот, вонземјани кои ми влегуваа низ прозорецот и џелат кој изгледаше како човек со секира, како и други стандардни демони од темнината.

-Ми се случи еднаш и бев многу исплашен. Очите ми беа отворени, и се разбудив во истата положба и изгледаше како фигурата штотуку да исчезнала.

- Се наежив гледајќи го ова видео, повторно се чувствувам како дете. Ова беа моите најлоши кошмари - беа само дел од коментарите на ова ужасно видео.

As a kid I used to see this shadow person at the foot of my bed. I have recreated it in CG to show what it was like.
byu/RMangatVFX inGhosts

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер