Аристотелис дење работи како консултант за безбедност, а ноќе како балансер со чаши на главата додека танцува.

Аристотелис професионално ги „балансира чашите“ од 1995 година, забавувајќи илјадници луѓе секоја година во ресторани и настани.

Совладувајќи ја оваа традиционална кипарска вештина во изминатите три децении, Аристотелис неодамна ја покажа својата умешност соборувајќи го рекордот за најмногу избалансирани чаши за вино на неговата глава.

Аристотелис успеа да избалансира дури 319 чаши за вино на главата со што го собори претходниот рекорд од 270, поставен минатата година од Кипарецот Нтинос Кканти.

Девет послужавници со чаши за вино, вкупно тешки преку 30 килограми, биле ставени еден на еден на главата на Аристотелис, а тој танцувал и ги забавувал случајните минувачи.

Откако последните чаши биле поставени на врвот, тој не само што ги одржувал балансирани повеќе од двојно од минималното потребно време (од 10 секунди), туку и нежно се движел и танцувал додека го правел тоа.

Аристотелис се подготви за овој рекорден обид тренувајќи го вратот да биде „екстра силен“. Една од неговите вежби вклучуваше да закачи буре песок од 50 килограми на дрво и да го балансира на главата пет минути дневно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.