НБА

Видео: Лос Анџелес лејкерс прв освојувач на НБА купот

Кошаркарите на Лос Анџелес лејкерс го освоија премиерното издание на НБА купот, совладувајќи ја синоќа во финалето Индијана со 123-109.

Лејкерси до триумфот беа предводени од Ентони Дејвис, Остин Ривс и Леброн Џејмс. Дејвис имаше перфектна вечер со ефект од 41 поени, 20 скокови и пет асистенции, Ривс уфрли 28 поени, додека Џејмс, кој воедно беше прогласен за најкорисен играч (МВП) на турнирот, постигна 24 кошеви, а додаде и 11 скокови.

Кај Индијана најдобар беше Тајрис Халибартон со 20 поени и 11 асистенции.

Играчите беа дел од финалето во ова ново натпреварување на НБА добија и раскошни парични бонуси.

Кошаркарите на Лос Анџелес лејкерс добија по 500.000 долари, а секој од кошаркарите на Индијана по 200.000 долари.

Македонија

Бугарија прати авион со кој во бугарските болници ќе се превезат петмина тешко повредени

По наредба на премиерот Росен Жељазков, авион Спартан на бугарското воено воздухопловство отпатува за Република Македонија кој во бугарските болници ќе превезе пет лица тешко повредени во пожарот во градот Кочани, соопшти бугарската Влада.

Во авионот патуваат бугарски медицински тимови, составени од лекари на интензивна нега и специјалисти за изгореници.

Повредените ќе бидат примени на специјализирани одделенија за изгореници во болниците во Софија и Варна.

Дополнително, итно е ставена во готовност клиничката база во болниците во Софија, Варна и Благоевград за да се примат повредени лица доколку има потреба. Бугарските болници се подготвени да примат уште повредени по координација со властите на Република Македонија, информира Владата во Софија.

Македонија

Сочувство од Советот на амбасадори до родителите и блиските на загинатите во пожарот

Советот на амбасадори изрази сочувство до семејствата и блиските на загинатите во трагедијата во Кочани. 

-По повод големата трагедија, којашто се случи утрово, по избувнувањето пожар во дискотека во Кочани, во која животот го загубија 59 младинци, членовите на Советот на амбасадори на Македонија обземени со тага изразуваме длабоко сочуство до родителите, роднините, другарите и пријателите на жртвите. Останавме неми пред оваа трагедија што се случи кај нашите сограѓани од Кочани и целата држава. Се молиме за душите на починатите и побрзо оздравување на повредените, стои во соопштението од Советот на Амбасадори на Македонија.

Македонија

Папата Франциск испрати сочуство по повод трагедијата во Кочани

Папата Франциск, преку телеграма потпишана од кардиналот државен секретар Пјетро Паролин упати порака на сочувство по пожарот во ноќен клуб во Македонија, во кој животот го загубија речиси 60 лица, претежно млади луѓе.

Папата изрази „длабоко сочувство до семејствата на жртвите“, како и „својата духовна блискост со повредените“, се наведува во телеграмата упатена до скопскиот бискуп Киро Стојанов.

Тој исто така увери дека сеќавањето на жртвите ќе го задржи во своите молитви.

притисни ентер