Видео: ЛА Лејкерс НБА шампион, Леброн МВП

Кошаркарите на ЛА Лејкерс со четвртиот триумф над Мајами во големото финале ја освоија  17 шампионска титула во историјата на франшизата. 

Лејкерси предводени од Леброн Џејмс по десет години повторно се искачија на шампионскиот трон во најсилното светско кошаркарско првенство.

Во шестиот меч од финалната серија Лејкерси го поразија одличниот Мајами со 106-93 и го добија големото финале со 4-2 во победи.

Кралот Леброн Џејмс повторно беше лидерот на жолтите од Лос Анџелес. Големиот Леброн дуелот го заврши со уште еден трипл дабл, од 28 поени, 14 скока и 10 асистенции.

За најдобриот кошаркар на светот ова е 28 трипл дабл остварување во плеј офот и 11 во финалните мечеви.

Одлични соработници на Леброн му беа Антони Дејвис со 19 поени и 15 скока, и Рондо и Поуп со 19 односно 17 постигнати кошеви.

Кај поразениот Мајами најефикасен е Бем Адебајо со 25 поени, Џими Батлер постигна скромни за него 12 поени колку што уфрли и Краудер.

Заслужено ѕвездата на Лејкерси, Леброн Џејмс на крајот на големото НБА финале го понеси и признанието за најкорисен кошаркар(МВП) во финалната серија.

Ибрахимовиќ ги воодушеви своите фанови со објава на социјалните мрежи

Шведскиот фудбалски мајстор Златан Ибрахимовиќ (39) испрати јасна порака до напаѓачот на Интер, Ромел Лукаку, по победата во градското дерби (2: 1) во кое ги постигна двата гола за „росонерите“.

„Милан никогаш немал крал, но има Бог“, напиша на Твитер Ибрахимовиќ (39).

Тоа бил неговиот одговор на Белгиецот кој во февруари по последното Derby della Madonnina, во кое Интер победи со 4-2, напиша „Нов крал пристигна во градот“.

Осум месеци подоцна, Ибрахимовиќ одговори во свој стил.

Од вторпат во редовите на „росонерите“ во декември минатата година, Ибрахимовиќ постигна 16 гола на 23 настапи.

По четири одиграни кола во Серија А, Милан води со максимални 12 бода, додека Интер е шести со седум бода.

Хит на ТикТк со 3 милиони прегледи: Жена се трка во 9-ти месец од бременостa(ВИДЕО)

Видеото на 28-годишната Макен Мајлер која трча во деветтиот месец од бременоста стана вирален хит.

Оваа Американка трчала пет до шест пати неделно во текот на целата бременост. На почетокот на бременоста се загрижила како би изгледало нејзиното трчање во подоцнежната фаза. Таа му рекла на својот сопруг дека проценила дека сепак ќе успее да истрча 1,6 километри за 7 минути.

„За да ме мотивира, тој рече дека ќе ми даде 100 американски долари ако можам да истрчам милја за осум минути, и тоа во деветтиот месец од бременоста“, рече таа за „Базфид“.

Не само што успеала да го одржи ветувањето, туку го сторила тоа за 5:25 минути, а не за осум, како што бил договорот. Видеото на ТикТок во кое трча е прегледано над 3 милиони пати.

"Мојот прв лекар ме поддржуваше затоа што порано работел со спортисти. Вториот беше малку поскептичен, се додека не направивме ултразвук што покажа дека бебето е целосно здраво. После тоа, тој само ја истакна важноста на поголемиот внес на калории", објаснува Мајлер.

„Општо, ако некој направил одредени вежби пред бременоста, може да продолжи да ги прави и за време на бременоста, со некои исклучоци (топла јога и спорт со близок контакт, на пример). Треба да се преземат општи мерки на претпазливост, односно да обрнете внимание на хидратацијата, запрете при вртоглавица или ако се чувствувате болни. И, се разбира, ако станува збор за ризична бременост и лекарот ве советувал на одмор, тогаш треба да се избегнува физичка активност “, додава д-р Џенифер Линколн за BuzzFeed.


НАСА ја избра Нокиа за изградба на првата мобилна мрежа на Месечината

НАСА ја избра финската компанија Нокиа за изградба на првата мобилна мрежа на Месечината, соопшти денеска компанијата.

Мрежата на Месечината ќе биде дел од напорите на американската вселенска агенција да ги врати луѓето на Месечината до 2024 година и таму да изградат долгорочни населби врз основа на програмата Артемис, објави Ројтерс.

Нокиа објави дека првиот безжичен широкопојасен систем за комуникација во вселената ќе биде изграден на Месечината на крајот на 2022 година, пред луѓето да заминат таму.

Мрежата ќе обезбеди комуникација за многу различни апликации за податоци, вклучително витални функции за команда и контрола, далечински управувач на лунарните ровери, навигација во реално време и пренос на видео со висока резолуција, соопшти Нокиа.

притисни ентер