Видео: ЛА Лејкерс на победа од шампионскиот трон во НБА

Кошаркарите на ЛА Лејкерс со 102-96 ја извојуваат и третата победа над Мајами во четвртиот дуел од големото финале во НБА лигата.

Во спектакуларен натпревар со супер драматичен финиш фаворизираниот Лејкерс сепак успеа да го скрши отпорот на борбениот и хомоген Мајами и да стигне до водство во победи од 3-1.

Лејкерси се на само една победа од нов шампионски прстен во НБА, што би бил прв во ерата на Леброн Џејмс.

Жолтите од Ел Еј во драматичната завршница благодарејќи им на извонредните Ентони Дејвис и Колдвел Поуп го добија четвртиот меч од финалната серија со 102-96 (27:22, 22:25, 26:23, 27:26).

Кошаркарите на двете екипи уште на отварањето на средбата покажаа дека воопшто не размислуваат на предавање . По 5 минути игра резулатот беше израмнет на 10-10.

Во исто темпо кошаркарите на Мајами и Лејкерс ги одиграа сите 48 минути.

Центарот на Лејкерс Ентони дејвис одигра уште еден фантастичен натпревар на двете страни од теренот, Дејвис доминираше и во нападот и во одбраната. Кошаркарите на Мајами многу тешко постигнуваа поени преку Дејвис, а во нападот одлична партија прикажа Колдвел Поуп.

Одличниот Поуп во решавачките мигови постигна низа од пет поени, а „точка на И“ стави Дејвис со тројка за 100-91 , по што победникот беше решен.

Во редовите на победникот Леброн Џејмс оствари дабл дабал од 28 поени и 12 скока, Дејвис имаше 22 коша и 9 скока, а херојот Поуп реализираше 15 поени, 5 асистенции и 3 скока.

На спротивната страна Џими Батлер одигра уште еден извонреден меч со 22 поени, 10 скока и 9 асистенции, Хиро имаше 21 поен, Робинсон 17, а Адебајо 15 постиграни кошеви.

Следниот петти натпревар од големото НБА финале се игра во сабота наутро во 3 часот по македонско време.

Германец ги прскал луѓето со лут спреј ,зашто не одржувале дистанца

71-годишен Германец премногу сериозно го сфатил правилото за физичко растојание и ги прскал минувачите со спреј за самоодбрана базиран на лута пиперка, соопшти германската полиција.

Тој прво испрскал група џогери, а потоа и двајца велосипедисти во западниот град Ахен, се вели во полициското соопштение, додавајќи дека нападите биле извршени „без предупредување“.

Велосипедистите, брачна двојка на возраст од 51 и 49 години, успеале да го избегнат спрејот и застанале да повикаат полиција.

Човекот и рекол на полицијата дека нема друг начин да им покаже на другите да се придржуваат кон воспоставените мерки за борба против ширењето на коронавирусот.

Тој е обвинет за предизвикување сериозни повреди и опасно попречување на сообраќајот.

Ахен е еден од најголемите урбани центри во Германија кој во моментов е класифициран како област со висок ризик поради високата стапка на заразени.

Најмалите француски модели заминуваат во историјата

По раскинувањето на ,,бракот” со Тојота, групацијата ПСА одлучи да го прекине производството на своите супермини возила.

Одлуката е конечна, а тоа значи дека Citroen C1 и Peugeot 108 заминуваат во историјата. Иако нема потврда, Ројтерс дознава за ова од три различни извори, а причината е една - парите. Имено, супермините се товар само на производителот, тие не носат профит и нивната популарност опаѓа. Со поригорозните стандарди за емисија на штетните гасови, ќе мора да направат модификации на моторот, но и да инсталираат скапи системи за филтрирање на издувните гасови, што дополнително би ја зголемило цената на автомобилот.

Добрата вест е дека постои шанса за еден вид наследник. По обединувањето со FCA, можно е Французите да му го препуштат развојот на најдобрите во А сегментот - Fiat. Панда, а особено 500 се имиња кои се наоѓаат на европските патишта со децении.

Ибрахимовиќ ги воодушеви своите фанови со објава на социјалните мрежи

Шведскиот фудбалски мајстор Златан Ибрахимовиќ (39) испрати јасна порака до напаѓачот на Интер, Ромел Лукаку, по победата во градското дерби (2: 1) во кое ги постигна двата гола за „росонерите“.

„Милан никогаш немал крал, но има Бог“, напиша на Твитер Ибрахимовиќ (39).

Тоа бил неговиот одговор на Белгиецот кој во февруари по последното Derby della Madonnina, во кое Интер победи со 4-2, напиша „Нов крал пристигна во градот“.

Осум месеци подоцна, Ибрахимовиќ одговори во свој стил.

Од вторпат во редовите на „росонерите“ во декември минатата година, Ибрахимовиќ постигна 16 гола на 23 настапи.

По четири одиграни кола во Серија А, Милан води со максимални 12 бода, додека Интер е шести со седум бода.

притисни ентер