Видео: Ким Новак со „Златен лав“ за животно дело на фестивалот во Венеција - Канал 5

Шоу биз

Видео: Ким Новак со „Златен лав“ за животно дело на фестивалот во Венеција

Легендарната холивудска актерка Ким Новак (92) доби награда „Златен лав“ за животно дело на 82. Меѓународен филмски фестивал во Венеција.

Видео: Ким Новак со „Златен лав“ за животно дело на фестивалот во Венеција

Ова е нејзино прво големо јавно појавување по речиси десет години, а признанието ѝ беше врачено синоќа со долги овации. Наградата ѝ ја врачи познатиот режисер Гијермо дел Торо, чииот филм „Франкенштајн“ исто така имаше премиера на фестивалот.

– Длабоко сум трогната од ова признание. Да бидам препознаена за моето животно дело во оваа возраст е остварување на сон. Секој момент во Венеција ќе остане во моето срце, изјави Новак.

Истовремено, премиерно беше прикажан и нејзиниот биографски документарен филм „Kim Novak’s Vertigo“, кој бил долгогодишен проект на продуцентката и менаџерка Су Камерон.

– Сакав Ким повторно да ја доживее славата што некогаш ја имаше. Филмот е ремек-дело што ја прикажува вистинската Ким, со сите радости и трагедии од детството, рече Камерон.

Новак е најпозната по улогата во култниот психолошки трилер на Алфред Хичкок „Vertigo“ (1958), кој денес се смета за еден од најзначајните филмови во историјата на киното. Таа се повлече од Холивуд во 1980-тите и живее во Орегон.

Во интервју во 2021 година, Новак откри дека го напуштила Холивуд „за да преживее“, бидејќи чувствувала дека го губи својот идентитет.

Наградата во Венеција се смета за признание не само за нејзината актерска кариера, туку и за нејзината автентичност и доследност низ животот.

Тагови: венеција Ким Новак Златен лав

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Техеран ракетираше американски бази на Блискиот Исток, САД бомбардираше цели на југот на Иран

Иран изврши серија ракетни и напади со беспилотни летала врз американски цели во Јордан, Кувајт, Ирак и Бахреин, како одговор на американските напади врз Исламската Република.

Техеран ракетираше американски бази на Блискиот Исток, САД бомбардираше цели на југот на Иран

Јорданските вооружени сили соопштија дека пресретнале 13 балистички ракети, од кои 10 биле уништени, додека три паднале во оддалечени области. Иранските медиуми претходно објавија за интензивни напади врз јужен Иран по должината на брегот, како и дека најмалку четворица цивили биле убиени за време на свадба во градот Сирик, по нападите на американските сили во близина на Ормутскиот Теснец. Вашингтон негираше дека воено интервенирал врз цивилни цели.

Тагови: Техеран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин по заканата на Зеленски дека ќе го нападне руското небо: Не преговараме со терористи

Путин предупреди дека Москва целосно ќе ги прекине мировните контакти со Киев.

Путин по заканата на Зеленски дека ќе го нападне руското небо: Не преговараме со терористи

Рускиот претседател Владимир Путин предупреди дека Москва целосно ќе ги прекине мировните контакти со Киев и дека жестоко ќе одговори доколку биде загрозена безбедноста на руското цивилно воздухопловство, како што се закани украинскиот претседател Зеленски.

Зборувајќи пред новинарите по самитот на шангајската организација за соработка тој реториката на Зеленски ја нарече чин на државен тероризам и оцени дека барањата на киев за директни преговори се апсурдни во моменти кога украинската страна таргетира транспортни правци. Зеленски претходно се закани дека ќе ги нападне руските цивилни аеродроми и ги повика меѓународните авиокомпании да се повлечат од руските коридори тој рече дека рускиот воздушен простор ќе стане небезбеден и дека бројот на беспилотни летала на руското небо ќе се зголеми.

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лекарската комора почна процедура за избор на ново раководство

Во тензична атмосфера и зад затворени врати, Лекарската комора одржа собрание, на кое беше одлучено процедурата за избор на ново раководство да продолжи на 7 октомври.

Лекарската комора почна процедура за избор на ново раководство

Мандатот на актуелната претседателка Калина Гривчева Старделова е истечен од 1 јули, а дел од делегатите ја обвинија дека намерно го опстриура и одложува изборниот процес.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер