Фудбал

Видео: Ја оштети ли судијата Марчинијак, Барселона, ова е стартот пред голот на Черби

Ова е стартот над дефанзивецот на Барселона Мартин пред голот на Черби кој го спаси Интер, во вчерашниот реванш од полуфиналето на Лигата на шампионите. Не беше досуден фаул.

Барселона е револтирана од судењето на Шимон Марчинијак.

Нивниот тренер Ханси Флик, неколку играчи, навивачи на каталонскиот клуб и тамошните медиуми тврдат дека секоја сомнителна ситуација ја судел во корист на италијанскиот шампион.

Полскиот судија е особено критикуван што не се огласи веднаш пред голот за 3-3 во судиското надополнување кој го спаси Интер од пораз и испаѓање .

Alleged foul on martin before inter equalised in the last minute.
byu/WhyChemistry insoccer

Барселона е револтирана што пред голот на беше досуден фаул над Жерар Мартин во дуелот со Дамфрис .

Дензел Дамфрис стартувашена ногата на Мартин, додека играчот на Барса ја имаше топката. Мартин потоа падна очекувајќи фаул.

Но, Марчинијак не се огласи, па во продолжението на акцијата Дамфрис нафрли пред голот, каде Франческо Ачерби погоди за 3:3, за делириум на Меаца и продолженија.

Во нив Интер победи со 4-3 и стигна до финалето на Лигата на шампионите. Барселона тврди - незаслужено.

Инаку, Интер е првиот финалист во Лигата на шампионите откако во спектакуларен реванш од полуфиналето на домашен терен ја совлада Барселона со 4:3 по продолженија, со што се пласираше во мечот за титулата на ЕП со вкупни 7:6.

Таму го чека подобриот од двојката ПСЖ - Арсенал кој денеска го игра реваншот.

Домашните поведоа на Меаца со голот на Лаутаро Мартинез во 21. минута. Во судиското надополнување на првото полувреме, Хакан Чалханоглу од пенал зголеми на 2:0.

Барселона се врати во 54. минута со голот на Ерик Гарсија, а Дани Олмо израмни на 2:2 во 60. минута. Интер се спаси во третата минута од судиското надополнување На три минути до крајот на регуларниот период Рафиња го сврте резултатот на 2:3 за Барселона, која, како што изгледаше тогаш, се пласираше во финалето.

Сепак, Франческо Ачерби погоди за Интер во третата минута од судиското надополнување и ги зголеми на 3:3 и во продолжението. Таму во 99. минута Давиде Фратеси постигна гол за конечен пресврт на Интер, победа од 4:3.

Тагови: БАРСЕЛОНА Интер Милано

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Во град во Јапонија мечка влегува по куќи и ги празни фрижидерите

Мечка во еден јапонски град провалува во куќи и ги празни фрижидерите. Најмногу сака слатки.

Властите се во потрага по мечка која влегла во домот на постара двојка и им го ограбила фрижидерот.

Се сомнева дека истото животно може да биде одговорно за 14 провали во јапонскиот град во текот на изминатите две недели.

Во понеделник вечерта, 87-годишниот Мицуо Мацубара се сретнал лице в лице со голема азиска црна мечка откако отишол да истражи бучава што доаѓала од кујната.

Фрижидерот бил отворен, а храната била расфрлана по подот. Неговата сопруга ја повикала полицијата. Досега се пријавени провали на пет локации во североисточниот град Шизукуиши, што ги навело властите да веруваат дека истата мечка може да е вклучена. Поставени се стапици во кафези, инсталирани се електрични огради околу често напаѓаните домови и воведени се патроли за да се предупредат жителите за опасноста, објавува „Гардијан“.

„Невообичаено е мечка постојано да упаѓа на истото место. Можно е да станува збор за истото животно, поради што сакаме да го фатиме што е можно поскоро“, изјави Шихо Чида, експерт за мечки од Одделот за заштита на природата на префектурата Ивате, каде што се наоѓа градот Шизукуиши.

Мечката била фатена како четири пати упаѓа во земјоделски објекти и краде храна за добиток на база на млеко.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На покана на Рубио, Муцунски на министерска конференција „подемот на политичкиот тероризам“ во Вашингтон

На покана на државниот секретар на Соединетите Американски Држави, Марко Рубио, министерот за надворешни работи и надворешна трговија, Тимчо Муцунски, утре и задутре ќе престојува во работна посета на Вашингтон.

На покана на државниот секретар на Соединетите Американски Држави, Марко Рубио, министерот за надворешни работи и надворешна трговија, Тимчо Муцунски, утре и задутре ќе престојува во работна посета на Вашингтон, каде што ќе учествува на министерски состанок посветен на заканите од политичкиот тероризам.

Состанокот ќе обедини високи претставници од повеќе од шеесет држави, со цел унапредување на меѓународната соработка и зајакнување на институционалната подготвеност за справување со современите форми на политички мотивирано насилство и тероризам.Во фокусот на разговорите ќе бидат транснационалниот карактер на политичкиот тероризам, радикализацијата во дигиталната ера, како и потребата од зајакната меѓународна координација во превенцијата и раното препознавање на заканите“, соопштија од министерството.

Во рамки на посетата на Вашингтон, на маргините на состанокот се очекува министерот Муцунски да оствари средба со Даниел Џ. Лотон, заменик-помошник државен секретар за западна и централна Европа и јужна Европа во бирото за европски и евроазиски прашања на Стејт департментот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски да им се извини на граѓаните на Македонија за навредите

Христијан Мицкоски им должи јавно извинување на граѓаните на Македонија.

Не на пратениците во празна сала, туку на граѓаните кои ги навредуваше со месеци.

Тој ги нарекуваше граѓаните „талог на општеството“, „глодари“, „медиокритети“, „мекотели“ и со други погрдни имиња.

Ги омаловажуваше сите кои не се согласуваат со него, кои ја критикуваат неговата политика или кои едноставно бараат подобар живот.

Таквото однесување не е достојно за премиер на држава. Уште помалку е достојно за човек кој се претставува како универзитетски професор.

Ова е срамота и за институцијата која ја претставува и за државата која ја води.

Особено што Мицкоски не застана сам во навредите туку беше поддржан. Заедно со својот прв соработник Иван Стоилковиќ, во Собранието отворено псуеше пратеници, а Стоилковиќ физички се обиде да се пресмета со пратеникот Митко Трајчулески.

Ова не е политичка расправа туку понижување на пратениците кои се претставници на граѓаните, како и на највисоката институција во државата.

Мицкоски мисли дека едно изнудено изговорено „извинете“ во празна сала може да ги избрише сите овие навреди? Не може.

Граѓаните не се наивни и не може да ги излаже.

Ова однесување е резултат на губењето на поддршката и на падот на рејтингот, кој самиот си го предизвика со секојдневните лаги, со немањето никаков резултат и со тоа што ја води државата во изолација и економски колапс.

Христијан Мицкоски должи јавно и искрено извинување на граѓаните на Македонија.

Сè додека тоа не го направи, ќе остане запаметен како премиер кој наместо да ги обединува граѓаните, ги навредува и ги понижува.

Скопје, 15.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.