Видео: Израел ја нападна иранската државна телевизија додека се емитуваше програма во живо - Канал 5

Свет

Видео: Израел ја нападна иранската државна телевизија додека се емитуваше програма во живо

Израелскиот министер за одбрана Израел Кац потврди дека е извршен напад врз Информативната мрежа на Исламска Република Иран (ИРИНН), управувана од државниот радиодифузер ИРИБ.

Видео: Израел ја нападна иранската државна телевизија додека се емитуваше програма во живо

Кац додаде дека нападот уследил откако било евакуирано локалното население.

- Израел ќе го нападне иранскиот диктатор каде и да се наоѓа, посочи Кац.

Тој претходно иранската државна телевизија ја нарече „мегафон на пропаганда и поттикнување“ и оти е „на работ на исчезнување“.

На социјалната мрежа „X“ се појави и ведео од моментот на нападот на иранската телевизија додека се емитува програма во живо.

По неколку минутен прекин, ИРИБ повторно почна да емитува програма, а на екраните има и порака дека „сите програми продолжуваат во живо, без прекини“, како и дека Израел „во брутален напад гаѓал една од зградите на иранската државна телевизија“.

На социјалните мрежи се појавија фотографии како гори една од зградите на иранската државна телевизија.

Засега нема информации за евентуални жртви.

Тагови: Израел иранска телевизија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео: Мадона речиси падна на забава во Њујорк

Светската музичка ѕвезда Мадона одржа неочекуван концерт на Тајмс Сквер во Њујорк по повод промоцијата на нејзиниот нов албум „Confessions II“ .

Видео: Мадона речиси падна на забава во Њујорк

Настапот на 67 годишната пејачка на Тајмс Сквер во Њујорк беше организиран по повод промоцијата на нејзиниот нов албум „Confessions II“, како и почетокот на Месецот на гордоста.

Поп-кралицата помина околу 15 минути на сцената, а публиката можеше да ги чуе хитовите „Hung Up“ и „I Love New York“. Иако настапот беше краток, тој вклучуваше танчери, диџеј и ротирачка сцена, што привлече големо внимание од минувачите и обожавателите.

Сепак, освен самиот концерт, големо внимание на социјалните мрежи привлекоа и снимките што почнаа да кружат на интернет. На нив се гледа како Мадона стои покрај оградата на сцената за време на настапот, се држи за неа и неконтролирано ја тресе, по што ја фрла ногата преку неа.

Многу корисници на социјалните мрежи коментираа дека во еден момент се загрижеле дека Мадона може да ја изгуби рамнотежата и да падне пред публиката. Некои изјавија дека ситуацијата изгледала непријатна, додека други верувале дека тоа е дел од настапот и сценската кореографија.

„Боже, не ѝ доликува повеќе да ги шири нозете вака“, „Мислев дека ќе падне“, „Сè уште се ниша, можеби не танцува како порано, но сепак е Мадона!“, гласеа некои од коментарите на видеото.

Тагови: Мадона

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Северина на баскет во елегентен фустан и екстравагатни потпетици?

Балканската музичка ѕвезда Северина играше баскет во гламурозна облека, нејзините необични сандали го привлекоа вниманието.

Видео: Северина на баскет во елегентен фустан и екстравагатни потпетици?

Во пресрет на концертот во Макарска, популарната Севе го привлече внимание со необично модно издание и уште понеобична локација за фотосесија.

Пејачката позираше на кошаркарскиот терен во Сплит во гламурозен фустан и високи потпетици, додека игра баскет.

Во видеото погледнете како изгледаше оваа необична комбинација од спорт и мода во видеото подолу.

Тагови: Северина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Награди и признанија за првенците на генерација

Награди и признанија за првенците на генерација, по 20.000 денари за најуспешните ученици од Општина Центар.

Герасимовски: Награди и признанија за првенците на генерација

Градоначалникот на Општина Центар, Горан Герасимовски, им додели пофалници и парични награди во износ од 20.000 денари на првенците на генерацијата од сите осум општински училишта. Вкупно се издвоени 160.000 денари за најуспешните ученици.

Наградените ученици во текот на своето деветгодишно образование покажале континуиран одличен успех, освоиле бројни признанија на државни и меѓународни натпревари и активно учествувале во вонучилишни активности, достојно претставувајќи ги своите училишта и Општина Центар.

„Ова е личен успех за вас, но и за вашите наставници, родители и за сите нас како локална самоуправа. Ви посакувам многу успеси во натамошното школување и да се изградите во професионални личности. На општината и државата ѝ се потребни квалитетни млади луѓе кои ќе останат тука, ќе вложуваат и ќе придонесуваат за подобра иднина“, истакна Герасимовски.

Тој посочи дека Општина Центар континуирано ги наградува и мотивира талентираните ученици за вложениот труд, знаење и посветеност, со цел да им даде силна поддршка за нивното образовно и лично усовршување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер