Фудбал

Видео: Интер загуби од Болоња во полуфиналето на Суперкупот на Италија

Интер синоќа загуби од Болоња во полуфиналето на Суперкупот на Италија што се одржува во Саудиска Арабија.

Натпреварот на стадионот на „Универзитетот на Крал Сауд“ во Ријад беше решен по изведување пенали (3:2), откако основните 90 минути немаше победник (1:1).

Напаѓачот на „нераѕурите“, Маркус Турам, го отвори резултатот во втората минута. Пред полувремето, Рикардо Орсолини реализираше пенал за израмнување на резултатот.

Во финалето, Болоња ќе се соочи со Наполи, кој го победи Милан со 2:0.

Мечот за трофејот е закажан за понеделник (22 декември) со почеток во 20 часот.

Тагови: Интер Милано

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мито земаат дури и возачите на владата на Мицкоски– затоа ова е Организирана криминална група

Возачот на генералниот секретар на Владата на Мицкоски, Игор Јанушев бил приведен под сомнение дека барал мито.

Сите земаат мито, дури и возачите на владата.

Ова е ОКГ – Организирана криминална група.

Да беа полицијата и обвинителството слободни и да работеа по закон и стандарди, цела Влада ќе беше уапсена.

Вака, дел од полицијата си ја врши својата работа, но исто како и за бодигардот на Мицкоски, на крај сите ќе бидат ослободени со повик на телефон.

Овој скандал отвора и прашања за тоа каква била улогата на Јанушев во овој случај со мито?

Дали возачот е само негова продолжена рака и посредник?, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсен е возачот на Игор Јанушев, барал мито, полицијата го фатила со обележани пари

Возачот на Игор Јанушев, генералниот секретар на Владата, е во притвор.

Како што информира Плусинфо, возачот на Јанушев барал мито за вработување.

По дознавањето, полицијата го „спакувала“ несудениот митаџија по стандардна постапка, дадени му се обележано пари и потоа е уапсен.

Се очекува официјална потврда и дополнителни детали за настанот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и ветровито време со температура до 37 степени

Времето денеска ќе биде сончево и топло со мала до умерена локална облачност, информираат од УХМР.

Ќе дува засилен ветер од северозападен правец, кој наместа, особено долж Повардарието, ќе достигнува брзина од 60 километри на час, информира Управата за хидрометеоролошки работи.

Утринските минимални температури се движат од 12 до 21 степен, а дневните максимални температури ќе достигнат од 28 до 37 степени.

Во Скопје времето ќе биде сончево и топло со мала до умерена облачност. Ќе дува умерен ветер од северен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.