Видео: И Ердоган „жртва“ на протоколот на Трамп, принуден да чека на улиците на Њујорк - Канал 5

Свет

Видео: И Ердоган „жртва“ на протоколот на Трамп, принуден да чека на улиците на Њујорк

Турскиот претседател Реџеп Таип Ердоган се затекна во незгодна ситуација во Њујорк, откако полицијата го принуди да чека на тротоарот додека поминуваше конвојот на американскиот лидер Доналд Трамп.

Видео: И Ердоган „жртва“ на протоколот на Трамп, принуден да чека на улиците на Њујорк

Ердоган, кој беше во САД по повод Генералното собрание на ОН, беше запрен од страна на припадници на локалната полиција додека се обидуваше да ја премине улицата. Според извештаите, полицијата му го блокирала патот поради минувањето на колоната на Трамп, принудувајќи го турскиот претседател да чека извесно време.

Ердоган е уште еден светски лидер кого Доналд Трамп кој стана „жртва“ на протоколот на Трамп, со тоа што беше застанат на улиците на Менхетен за да направи место за американскиот претседател. Снимките од социјалните мрежи покажуваат дека турскиот лидер, кој изгледа видно изиритиран, чека на улица опкружен со телохранители.

Ова се случи само еден ден откако слична ситуација доживеа и францускиот претседател Емануел Макрон. Полицијата и него го запре и го принуди да чека на улица додека да помине придружбата на Трамп.

За разлика од смирената реакција на неговиот француски колега, реакцијата на Ердоган не била толку мирна. Настанот кулминираше со судир помеѓу телохранителите на Ердоган, кои се обидувале да ја отстранат металната ограда, и американските полицајци, кој сепак брзо завршил.

Откако поминала колоната на Трамп, сообраќајот бил обновен.

Макрон, за време на неговото застанување му се јави на Трамп и лежерно разговараше со него. - Погоди што, токму сега чекам на улица бидејќи сѐ е блокирано поради тебе, му рекол Макрон на американскиот претседател преку телефон. Францускиот претседател, кој се обидувал пеш да стигне до француската дипломатска мисија по говорот во ОН, неуспешно се обидувал да договори премин со полицијата. - Со мене се 10 луѓе, им рекол Макрон, на што еден од полицајците одговорил: „Жалам, претседателе, навистина ми е жал, но сѐ е моментално блокирано“.

Макрон потоа излезе од автомобилот, насмеан, но и малку нетрпелив, и продолжи пеш кон мисијата, поздравувајќи се и фотографирајќи се со случајните минувачи.

Трамп денеска ќе разговара со Ердоган во Белата, а откако американскиот претседател посочи дека ограничувањето на владата на САД за продажба на напредни борбени авиони на Анкара наскоро може да биде укинато.

Тагови: Доналд Трамп Ердоган

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер