Видео: Хаос во Собранието на Заечар, фрлена чадна бомба и употребен бибер-спреј - Канал 5

Балкан

Видео: Хаос во Собранието на Заечар, фрлена чадна бомба и употребен бибер-спреј

Чадна бомба беше фрлена и употребен бибер-спреј во салата на Собранието на Заечар претпладнево во момент на обиди за одржување продолжение на конститутивната седница по што сите одборници ја напуштија просторијата, јавија локалните медиуми. 

Видео: Хаос во Собранието на Заечар, фрлена чадна бомба и употребен бибер-спреј

Пред Собранието има голема група граѓани, а во салата е скршена маса каде седат одборниците откако приватно обебзедување се обидуваше да спречи влегување на одборниците.

Беше прогласена пауза, големата сала е заклучена и активиран противпожарниот аларм. Пред објектот на Собранието на Заечар има кордон полиција, додека во салата се припадници на приватно обезбедување кои не им дозволуваат на одборниците да влезат.

Според локалните медиуми, пред инцидентот, салата беше бучна, а пред претседателската маса и говорницата имаше кордон од приватно обезбедување кое не им дозволуваше на новинарите и советниците од опозицијата да се приближат.

За денеска е закажана седница на собранието на Заечар, а како што е наведено во соопштението, таа треба да биде продолжение на конститутивната седница каде што треба да се потврдат мандатите на советниците.

Локалните избори во Заечар се одржаа на 8 јуни, а коалицијата околу Српската напредна странка победи. Сепак, опозицијата ги оспорува резултатите од тие избори. Набљудувачката мисија на ЦРТА објави дека „во Заечар, во текот на денот на изборите, на 17 избирачки места се регистрирани најтешки форми на нерегуларности, што значи дека изборите не ја одразуваат слободната волја на гласачите“.

Претставниците на опозицијата поднесоа десетици жалби против резултатите од изборите, но сите жалби оттогаш се отфрлени.

Во такви услови, конститутивната седница на Собранието на градот Заечар се одржа на 5 и 6 август, а покрај локалните политичари, во салата и пред неа беа присутни и членови на приватно обезбедување, полиција и граѓани. Сепак, Градското собрание конечно беше конституирано и беше избрано локалното раководство.

Сепак, дваесет дена подоцна, на 25 август, Вишиот суд во Заечар ја прифати жалбата поднесена од опозициската листа во врска со нерегуларности на седницата. Така, конститутивната седница беше откажана.

Според Законот за локална самоуправа, двомесечниот рок во кој е задолжително конституирање на собрание на локална самоуправа во случајот со Заечар истече на 4 септември.

YouTube video

Според објаснувањето на политикологот Бобан Стојановиќ за „Време“, ова значи дека изборите во Заечар треба да бидат распишани до 4 октомври.

Сепак, министерката за државна администрација и локална самоуправа Снежана Пауновиќ подоцна изјави дека нема основа за повторување на изборите во Заечар.

„Двајца членови на Комисијата за верификација од редовите на опозицијата побараа од Министерството да го надгледува процесот, а ние побаравме од Градското собрание прецизни информации за тоа што точно се случило. Врз основа на сè што имаме, ќе дадеме предлог, односно наредба за продолжување на конститутивната седница, потврдување на мандатите и продолжување на функционирањето на градот“, изјави таа за Њузмакс Балканс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна Цесна во Велика Британија: Двајца загинаа

Две лица загинаа откако лесен авион се урна на поле во Есекс, соопшти британската полиција.

Се урна Цесна во Велика Британија: Двајца загинаа

Двоседниот авион Цесна се урна вчера попладне, кратко по полетувањето од аеродромот Норт Вилд на планирано „кратко патување“, објави Скај њуз.

Идентитетите на жртвите сè уште не се објавени.

Тагови: Велика Британија Цесна

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Поради силното невреме, кризниот штаб и екипите на јавните претпријатија се на терен

Градоначалникот на Град Скопје, Орце Ѓорѓиевски соопшти дека поради силното невреме, кризниот штаб и екипите на јавните претпријатија се на терен.

Ѓорѓиевски: Поради силното невреме, кризниот штаб и екипите на јавните претпријатија се на терен

„Почитувани граѓани,

Поради силното невреме кое во текот на денешниот ден го зафати Скопје, Кризниот штаб на Град Скопје, заедно со службите и јавните претпријатија, е целосно мобилизиран и подготвен за брза интервенција на терен, доколку има штети, поплави или потреба од итна реакција.

🫡 Во постојана координација сме со ЦУК, МВР, ЕВН, Противпожарната бригада на Град Скопје и сите надлежни институции.

Сите капацитети се ставени во функција, со една цел навремена заштита на граѓаните и спречување на поголеми последици.

Екипите на Град Скопје ќе бидат на располагање во текот на целата ноќ и ќе интервенираат секаде каде што ќе биде потребно.

Не можеме да го запреме невремето, но можеме организирано, одговорно и заеднички да спречиме поголеми штети.

Ги повикувам граѓаните на внимателност, смиреност и соработка со надлежните служби.

Службите се на терен.

♥️ Граѓаните не се сами.“- соопшти скопскиот градоначалник.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски и Дачиќ од Табановце ја започнаа заедничката кампања „Вози одморен“

Одморен возач е најдобрата превенција за безбедно патување

Тошковски и Дачиќ од Табановце ја започнаа заедничката кампања „Вози одморен“

Министерот за внатрешни работи Панче Тошковски, заедно со претседателот на Републичкиот совет за безбедност на сообраќајот Горан Ангеловски, денеска на граничниот премин Табановце, со министерот за внатрешни работи на Република Србија Ивица Дачиќ и вршителот на должност директор на Агенцијата за безбедност во сообраќајот на Република Србија Бранко Стаматовиќ, официјално ја означија првата заедничка превентивна акција „Вози одморен“.

Кампањата има за цел да ја подигне свеста кај возачите за опасностите што ги носи заморот зад воланот, особено во екот на летната туристичка сезона кога значително се зголемува фреквенцијата на возила на Коридорот 10, од граничниот премин Табановце до граничниот премин Богородица.

Во своето обраќање, министерот Тошковски истакна дека оваа убава кампања и заедничките превентивни активности се уште една потврда за успешната соработка меѓу двете соседни и пријателски држави.

„Заедно со нашите колеги од Србија испраќаме силна порака дека превенцијата е најдобриот начин за заштита на човечките животи. Возачите кои во овие жешки денови тргнуваат на подолги патувања треба да бидат одморени, а за време на патувањето да прават пауза на секои два до три часа, во траење од најмалку петнаесет минути. Во рамките на патувањето да консумираат доволно вода во рамки на патувањето, да ги почитуваат сообраќајните правила, особено брзината на движење, Најголем број на сообраќајните несреќи се случуваат затоа што имаме преголем умор на оние што го управуваат возилото или затоа што го управуваат пребрзо. Заради сето тоа сметам дека ова е клучна кампања, бидејќи човековиот живот нема цена, еден човечки живот да спасиме сите ние заедно повеќе, ќе биде благодат за сите нас.“, истакна Тошковски.

Министерот Тошковски потсети дека со имплементација на One Stop системот со Република Србија, чекањето на овој граничен премин, од неколку часа е намалено на максимални половина час овие денови иако фреквенцијата на патници е зголемена од 15 до 20 проценти.

Министерот Тошковски исто така апелираше до сите што транзитираат низ Коридор 8 и Коридор 10 во Македонија, дека камерите на „Безбеден град“ функционираат, работат и евидентираат сообраќајни прекршоци.

„Секој сообраќаен прекршок што е сторен од 01.02.2026 година од пуштање на системот во работа, ќе се достави до секој еден што направил прекршок без разлика дали управувал моторно возило со македонски или со странски регистарски таблички. За брзо ќе бидете сведоци на конкретната имплементација на вториот чекор којшто се однесува во однос на достава на казните на оние кои управуваат моторни возила со странски регистарски таблички и почетокот биде токму од овој граничен премин.“, нагласи министерот Тошковски.

Министерот за внатрешни работи на Република Србија Ивица Дачиќ ја нагласи важноста на оваа заедничка иницијатива, оценувајќи дека таа претставува пример за успешна регионална соработка во интерес на безбедноста на сите учесници во сообраќајот и уште еднаш ја потенцираше одличната соработка меѓу двете министерства и двете полиции во сите сфери на безбедноста.

„Наш приоритет е да биде спасен секој човечки живот, особено животот на најмладите и тоа е голема работа. Затоа апелираме до сите возачи да патуваат одморени и одговорно, посебно на долгите летни дестинации“, порача Дачиќ, додавајќи дека соработката со македонската полиција во реализацијата на оваа превентивна акција има особено значење во периодот кога илјадници туристи транзитираат низ двете држави.

Во рамки на кампањата, на возачите кои поминуваа низ граничниот премин Табановце им беа поделени шишиња вода, едукативни летоци со совети за безбедно возење и промотивен материјал со препораки за спречување на сообраќајни незгоди предизвикани од замор.

Оваа превентивна активност претставува дел од заедничките напори на двете министерства и институциите задолжени за безбедноста во сообраќајот за намалување на бројот на сообраќајни незгоди и заштита на животот и здравјето на сите учесници во сообраќајот за време на летната сезона.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер