Видео-фото: Трамп на премиерата на филмот „Меланија“: Мојата сопруга е поотворена во вториот мандат - Канал 5

Шоу биз

Видео-фото: Трамп на премиерата на филмот „Меланија“: Мојата сопруга е поотворена во вториот мандат

Американскиот претседател Доналд Трамп даде изјава на премиерата на документарецот „Меланија“, којшто ја раскажува приказната за неговата сопруга. 

Видео-фото: Трамп на премиерата на филмот „Меланија“: Мојата сопруга е поотворена во вториот мандат

Тој, имено, смета дека таа е „поотворена“ за време на неговиот втор мандат што почна во јануари минатата година, пренесе ДПА.

Филмот, режиран од Брет Ратнер и продуциран од „Амазон Ем-џи-ем студиос“ (Amazon MGM Studios), го следи животот на првата дама пред инаугурацијата на Трамп во 2025 година, од нејзиниот дом во кулата „Трамп тауер“ во Њујорк до имотот Мар-а-Лаго во Палм Бич, и ги доловува миговите зад сцената во Белата куќа.

Документарецот премиерно беше прикажан вчеравечер, и е деби-проект на новата филмска продукциска компанија на првата дама - „Мјуз филмс“ (Muse Films). Пред премиерата што се одржа во културниот „Трамп - Кенеди центар“ во Вашингтон, претседателот Трамп се согласи дека првата дама денес е поотворена, објави денеска „Фокс њуз“ (Fox News).

- И јас го забележав тоа. Таа е поотворена. Тоа доаѓа со времето. Одлично си ја заврши работата. Таа е многу популарна, многу почитувана личност!, истакна Доналд Трамп.

Меланија Трамп изјави за „Фокс диџитал“ дека е „многу селективна“ во она што го прави и зборува.

- Тоа е мој избор. Јас сум ориентирана кон мисијата и дејствувањето, и имавме многу успешна прва година во мојата канцеларија како прва дама. И, сум горда на она што го постигнавме, додаде Меланија.

YouTube video

Документарниот филм „Меланија“ ја прикажува работата на првата дама, нејзините филантропски потфати и нејзиниот семеен живот додека се подготвува вторпат да стане прва дама на САД. Прикажувањето на документарецот во кината ширум светот почнува денес.

Тагови: Доналд Трамп Меланија Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер