Видео: Дива мачка регистрирана во заштитеното подрачје Вевчански извори - Канал 5

Живот

Видео: Дива мачка регистрирана во заштитеното подрачје Вевчански извори

Во заштитеното подрачје Вевчански извори со фото замка, камерите на еколошкото здружение „Еко свест“ регистрирале дива мачка.

Видео: Дива мачка регистрирана во заштитеното подрачје Вевчански извори

Дивата мачка е преосетлив и плашлив дивеч, строго заштитен вид. Согласно Законот за ловство на национално ниво забранет е нејзиниот лов. Исклучив месојад, кој вообичаено оди ноќе и взори по својот плен, а начинот на исхрана го приспособува според условите на своето живеалиште. По изглед слична е со питомата мачка.

- Има одлично развиен слух, вид и допир, а послаб мирис. Таа е силно и снаодливо животно, се движи внимателно и речиси нечујно, а може да скокне во должина и до 15 пати повеќе од своето тело. Од питомите мачки секогаш се разликуваат по црните усни и табани и големата влакнавост во внатрешноста на ушите. Главата на дивата мачка е поширока од главата на домашната, информира „Еко свест“.

Здружението посочи информира дека фото замките биле поставени во 2018 година во рамките на проектот „Воспоставување на систем за мониторинг и управување со Вевчански извори Споменик на природата”, поддржан од УНДП. Во тек е реализација на проектот „Поддршка на одржливо управување на Заштитеното подрачје Вевчански извори“, што од минатата година го реализаира во ова заштитено подрачје со цел поддршка за одржливо управување. Во рамките на проектот во мултикултурниот центар „Коста Србакоски“ предвидено е да биде поставена трајна поставка за природа, преку која посетителите ќе можат да се запознаат со природното наследство на Споменикот на природа Вевчански извори и планината Јабланица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Одмазда за рускиот напад врз автобуска постојка- Украина ја погоди најголемата руска рафинерија (ВИДЕО)

Украински беспилотни летала нападнаа рафинерија за нафта во Омск, Русија. 

Одмазда за рускиот напад врз автобуска постојка- Украина ја погоди најголемата руска рафинерија (ВИДЕО)

Локалното население пријавило две експлозии и чад од централата, а гувернерот на областа Омск го потврдил нападот, пишува Telegram ASTRA, а пренесува Prm.ua.

„Нападната е рафинеријата во Омск. Од цевките излегува чад. Се слушнале две експлозии“, велат локалните жители.

Гувернерот на Омската област Виталиј Хоценко изјави дека руската воздушна одбрана наводно го одбила нападот со беспилотни летала. Според него, оперативните служби во регионот се ставени во состојба на готовност.

Пред нападот во областа Омск беше прогласена опасност од дронови. На аеродромот во Омск се воведени привремени ограничувања за прием и испраќање на авиони.

Рафинеријата Омск е една од најголемите рафинерии за нафта во Русија. Рафинеријата веќе беше цел на напад на украински беспилотни летала во јули оваа година, по што нејзината работа беше целосно прекината.

Да потсетиме дека ноќта кон четвртокот, 8 октомври, украинските одбранбени сили, според прелиминарните информации, нападнале два важни индустриски капацитети во Русија - комплексот за преработка на нафта „Гаспром Нефтехим Салават“ во Башкортостан и фабриката „Саста“ во регионот Рјазан. Пријавени се пожари на територијата на двете компании.

Тагови: рафинерија руски напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Меси доби понуда што не се одбива

Лионел Меси, најдобриот фудбалер на сите времиња, се збогува со репрезентацијата на Аргентина против Бенин, со што заврши една одлична фудбалска приказна. 

Меси доби понуда што не се одбива

Сепак, Аргентинецот нема да застане кога е во прашање клупскиот фудбал, а пристигна и многу интересна понуда.

Меси освои бројни натпреварувања во светскиот фудбал, но никогаш не играл во Копа Либертадорес.

- Мислам дека треба само да игра во Копа Либертадорес, па го прашувам дали го прифаќа овој предизвик - рече претседателот на Јужноамериканската фудбалска конфедерација (КОНМЕБОЛ) Алехандро Домингез.

Фудбалерот на Интер Мајами дури и не размислувал за оваа одлука, но навистина не би било чудно да го видиме во ова натпреварување. Најдобриот фудбалер на сите времиња практично освоил сè што може да се освои, а можеби и кренал уште еден трофеј во својата богата кариера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

„Голдман Сакс“ дели над половина милијарда во бонуси- само еден човек доби над 100 милиони долари

Околу дваесет врвни раководители во њујоршката инвестициска банка „Голдман Сакс“ ќе добијат специјални бонуси во вредност од над 500 милиони долари во акции, откако банката ги надмина повеќето од своите конкуренти во период од пет години.

„Голдман Сакс“ дели над половина милијарда во бонуси- само еден човек доби над 100 милиони долари

Поголемиот дел од исплатата оди кај извршниот директор Дејвид Соломон, кој треба да добие повеќе од 100 милиони долари, објави „Блумберг“.

Меѓу добитниците се претседателот на банката, Џон Валдрон, кој се смета за наследник на Соломон, како и раководителите на клучните деловни единици Ашок Варадан, Ден Дис и Марк Нахман.

Конечната вредност на наградите ќе биде утврдена подоцна овој месец, кога ќе заврши петгодишниот период во кој се пресметуваат.

Половина од вредноста на наградите на „Голдман Сакс“ зависи од цената на акциите на банката, која значително го надмина нивото потребно за исплата на максималниот бонус, а другата половина зависи од перформансите на „Голдман Сакс“ во однос на шест конкурентски банки.

Акциите на „Голдман Сакс“ пораснаа за околу 150 проценти за пет години, вклучувајќи ги и реинвестираните дивиденди.

Во тој период, банката ги надмина повеќето конкуренти, при што само Банката на Њујорк Мелон (BNY) постигна подобар резултат, при што акциите пораснаа за околу 174 проценти.

Тагови: Голдман Сакс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер